Lucas 1:13 - Desano

¹³ Eropa ĩgʉ güicʉ̃ ĩagʉ anyu ĩgʉre werepʉ: —Zacaría, güibita. Goãmʉ mʉ serẽrare peeami. Eropigo mʉ marapo Elisabet porãcʉgocumo. Mʉ magʉ masa dehyoagʉcumi. Ĩgʉ eropa dehyoacʉ̃ Ñu waĩyeque ĩgʉgãre.

Lucas 1:13 Iomraidhean Croise

Mateo 1:21

Igo porãcʉgocumo. Ĩgʉ igo magʉ ta ĩgʉ ya maca majarãre erã ñeri iira dipuwajare taubu árĩgʉcumi. Ĩgʉ eropa taubu árĩcʉ̃ Jesu waĩyegʉca mʉhʉ ĩgʉgãre, arĩpʉ anyu Josére.

Mateo 14:27

Gʉa eropa güicʉ̃ Jesu õpa arĩmi: —Ne yʉre ĩha ʉcabiricãque. Yʉhʉ ta ãhraa. Güibita, arĩmi gʉare.

Mateo 28:5

Eropigʉ anyupʉ erã nomere õpa arĩpʉ: —Yʉre güibiricãque. Crusague erã pabiadigʉre Jesure mʉa amacʉ̃ masia yʉhʉ.

Marcos 16:6

Erã ʉcacʉ̃ õpa arĩpʉ ĩgʉ: —Ʉcabiricãque. Crusague erã pabiadigʉre Jesu Nazare majagʉre amaraa mʉa. Masa mʉriatuhami. Õre marimi. Erã ĩgʉ dʉpʉre apidirore ĩaque. Ĩatuhaja ĩgʉ buherãre Pedro sãre õpa arĩ wererã waque.

Lucas 1:14

“Ĩgʉ õagʉ ãhrimi. Turagʉ ãhrimi,” arĩ pepigʉcumi Goãmʉ mʉ magʉre. Ĩgʉ masa dehyoara pʉhrʉ vinore, siburire ihrisome. Eropigʉ ĩgʉ, ĩgʉ masa dehyoara pʉhrʉ ta Espíritu Santo árĩri mera õaro turagʉ árĩgʉcumi ĩgʉ. Eropigʉ bajarã Israe masare Goãmʉ mari Opʉre õaro gamecʉ̃ iigʉcumi ĩgʉ. Goãmʉ yare buhegʉ Elia Goãmʉ yare weremʉhtadigʉ mari Opʉ ariborore ĩgʉ buhediro dopa ta Goãmʉ ĩgʉ turari mera mʉ magʉ sã buhegʉcumi. Eropa buhegʉ erã pagʉ sʉmarã erã porã mera erã õaro game mahi árĩcʉ̃ iigʉcumi. Eropigʉ dorerire tarinʉgarãre õaro erã umupeori mera yʉhricʉ̃ iigʉcumi. Eropa buhegʉ mari Opʉ ariboro core ĩgʉ yarã árĩmorãre amuyugʉcumi ĩgʉ. Eropigʉ ĩgʉ masa dehyoara pʉhrʉ mʉhʉ mucubirigʉca. Gajirã sã bajarã mucubirirãcoma, arĩpʉ anyu Zacaríare.

Lucas 1:30

Igo eropa arĩ guñacʉ̃ ĩagʉ anyu werepʉ igore: —María, mʉre Goãmʉ turaro mahimi. Eropigo güibita.

Lucas 2:21

Yuju semana pʉhrʉ majigʉre gasiro merogã wiri aĩrire erã iidoreranʉ árĩcʉ̃ erã ĩgʉgãre Jesu waĩyeñorã. Jesure ne igo bocaboro core anyupʉ “Jesu waĩyeque ĩgʉre,” arĩ werepipʉ. Eropirã ĩgʉgãre Jesu waĩyeñorã.

Hechos 10:31

Eropigʉ ĩgʉ yʉre õpa arãmi: “Cornelio, mʉhʉ mari Pagʉ mera mʉ serẽcʉ̃ ĩgʉ peeami. Eropigʉ mojomorocʉrãre erã gamerire mʉ ocʉ̃ ĩagʉ mari Pagʉ mʉ mera mucubirigʉ itamugʉcumi.