Juan 9:8 - Desano

⁸ Ĩgʉ dujajacʉ̃ ero majarã ĩgʉre ĩañorã. Ero core niyeru serẽdigʉ ĩgʉ árĩcʉ̃ ĩanirã ĩgʉre õpa arĩñorã erã basi: —¿Ihĩ sohõ árĩdigʉ niyeru serẽdoadigʉ árĩbeari? arĩñorã erã.

Juan 9:8 Iomraidhean Croise

Marcos 10:46

Eropi erã Jericógue ejañorã. Eropirã iri macague árĩnirã Jesu ĩgʉ buherã masa bajarã mera wañorã. Jesu wari maha tʉrogue yujugʉ masʉ cuiri ĩhajabigʉ doapʉ. Ĩgʉ Bartimeo waĩcʉgʉ Timeo magʉ árĩpʉ. Ĩgʉ ma tʉrogue doagʉ ʉmʉri nʉcʉ masare niyerure serẽmʉripʉ.

Lucas 1:58

Eropirã Goãmʉ igore ĩgʉ eropa õaro iicʉ̃ igo ya maca majarã igo acawererã sã igo mera mucubiriñorã.

Lucas 18:35

Eropi Jesu sã Jericó waĩcʉri maca pohrogue ejañorã. Ĩgʉ wari maha tʉrogue yujugʉ masʉ cuiri ĩhajabigʉ doapʉ. Niyeru serẽgʉ iipʉ.

Juan 9:9

—Ĩgʉ ta ãhrimi, arĩñorã gajirã. —Ĩgʉ árĩbeami. Eropa árĩbiriqueregʉ ta ĩgʉ iro dopa ta bejagʉ ãhrimi, arĩñorã gajirã. Erã eroparĩcʉ̃ peegʉ cuiri ĩhajabiridigʉpʉ õpa arĩpʉ: —Ĩgʉ ta ãhraa yʉhʉ, arĩpʉ erãre.