Juan 9:3 - Desano

³ Gʉa eroparĩcʉ̃ peegʉ õpa arĩ yʉhrimi: —Ihĩ ĩgʉ pagʉ sʉmarã sã erã ñerire iira sã ĩgʉre cuiri ĩhajabiricʉ̃ iibeaa. Goãmʉpʉ ĩgʉre cuiri ĩhajabiricʉ̃ iimi. Ĩgʉre ĩacʉ̃ iibu masare ĩgʉ turarire ii ĩhmuburire apimi Goãmʉ.

Juan 9:3 Iomraidhean Croise

Mateo 11:5

Õpa arĩque: “Jesu mera cuiri ĩhajabirã ĩhama. Curimasibirã cuhrima. Cami boanirã õarã wahama. Peejabirinirã peea wahama. Sĩrinirã masa wahama,” arĩ wereque. Eropirã mojomorocʉrãre õari buherire yʉ wererare wereque ĩgʉre. Eropa arĩ weretuhaja õpa arĩ wereque Ñure.

Juan 11:4

Erã gʉa pohrogue eraa, iri querere werecʉ̃ peegʉ õpa arĩmi Jesu gʉare. —Dohpaguere Lázaro ĩgʉ dorecʉri sĩriburi árĩbeaa. Goãmʉ turarire masare ĩhmuburire dohpaguere ĩgʉ dorecʉmi. Eropirã yʉ turari opagʉ árĩcʉ̃ sãre masa ĩarãcoma, arĩmi Jesu.

Juan 11:40

—“Yʉre umupeogo Goãmʉ turarire ĩagoca,” mʉre arĩrabʉ, arĩmi Jesu Martare.

Hechos 28:4

Ĩgʉ curĩtuhajacʉ̃ ĩarã, iri nʉgʉro majarã erã basi wereniguima: —Ihĩ masa wejẽdigʉ árĩbocumi. Eropigo mari turago dipuwaja moago ʉmaro majago ĩgʉre dipuwaja moago, ojocaridorebeamo. Ĩgʉ wʉariyague mirigʉ tarituhajadigʉ árĩrami. Dohpaguere igopʉ ĩgʉre ojocaridorebeamo, arĩrima erã basi.

Hechos 4:21

Erã eroparĩcʉ̃ peerã oparãpʉ dipaturi doreriñorã daja erãre. —Jesu ĩgʉ buherare mʉa buherã ñero tarirãca mʉa, arĩriñorã oparã erãre. Erãre “Ñu, Pedro mera ñero iirã iima,” arĩmasibiriñorã erã. Eropirã masapʉ curimasibiridigʉ ĩgʉ õagʉ wacʉ̃ ĩarã, “Goãmʉ diaye ta õagʉ ãhrimi,” arĩñorã masa. Erã eroparĩcʉ̃ peerã oparãpʉ Pedro sãre dipuwaja moamasibiri, erãre wiuñorã.

1 Juan 4:16

Eropirã Goãmʉ marire mahirire masia mari. Eropirã marire diaye ta mahigʉ ĩgʉ árĩcʉ̃ masia mari. Goãmʉ masare árĩpehrerãre bʉrigã mahiniguicãgʉ ãhrimi. Eropirã masare mahiniguirãpʉ Goãmʉ mera õaro ãhrima. Goãmʉ sã erã mera õaro ãhrimi.

1 Juan 4:9

Goãmʉ marire ĩgʉ mahirare ĩhmudi árĩmi ĩgʉ magʉre obeogʉ. Ĩgʉ magʉre yujugʉ ta árĩgʉre marire taubu obeodi árĩmi i yebaguere. Eropa obeogʉ marire ĩgʉ mahirire masicʉ̃ iidi árĩmi.