Juan 8:25 - Desano

²⁵ —¿Noano ãhriri mʉhʉ? arĩ serẽpima erã. —Neguere yʉ mʉare arĩdiro dopa ta ãhraa yʉhʉ.

Juan 8:25 Iomraidhean Croise

Lucas 22:67

—Wereque gʉare. ¿Goãmʉ beyedigʉ Cristo ãhriri mʉhʉ? arĩ serẽpiñorã erã Jesure. Erã eroparĩcʉ̃ Jesu yʉhripʉ: —Mʉare yʉ werecʉ̃ sãre yʉre peesome mʉa.

Juan 1:19

Judio masa oparã Jerusalén árĩrã pahiare, Goãmʉ wihi mohmerã sãre Ñu pohrogue obeoñorã. “¿Nihino ãhriri mʉhʉ?” arĩ serẽpidorerã obeoñorã erãre. Erã eropa arĩ serẽpirã ejacʉ̃ õpa arĩ weremi Ñupʉ.

Juan 1:22

Ĩgʉ eroparĩcʉ̃ erã ĩgʉre dipaturi serẽpima daja. —Gʉare serẽpidorenirãre gʉa õaro wereboro dopa gʉare wereque daja. ¿Nihinopʉ ãhriri mʉhʉ? ¿Dohpa árĩgʉno ãhriri mʉhʉ? arĩma erã Ñure.

Juan 10:24

Iri taribugue ĩgʉ árĩcʉ̃ ĩarã judio masa ĩgʉ pohrogue gamenere ĩgʉre serẽpima daja: —Yoatariari boje gʉare õaro werebeaa mʉhʉ. Diaye gʉare õaro were purumujuque. ¿Cristo Goãmʉ ĩgʉ obeodigʉ ta ãhriri mʉhʉ? arĩma erã ĩgʉre.

Juan 19:9

Eropigʉ dipaturi ĩgʉ wihigue Jesure aĩ majiñajagʉ Jesure serẽpipʉ daja: —¿Nohogue majagʉ ãhriri mʉhʉ? arĩpʉ Pilato Jesure. Ĩgʉ eropa arĩ serẽpiquerecʉ̃ ta Jesu ĩgʉre ne yʉhribiripʉ:

Juan 8:12

Dipaturi Jesu iri wihigue árĩrãre weremi: —Boyoro iro dopa yʉhʉ i yeba majarãre Goãmʉre masicʉ̃ iiaa. Yʉre umupeogʉ Goãmʉ mera eropa árĩniguicãgʉcumi. Eropigʉ ĩgʉ boyorogue árĩgʉ dopa ta õarire guñagʉcumi. Eropigʉ ĩgʉ ñerire guñadiabeami, arĩ weremi Jesu.

Juan 8:24

Mʉare yʉ árĩricʉrire yʉ werecʉ̃ “Diaye árĩbeaa,” mʉa arĩrã, mʉa ñeri dipuwajacʉrã sĩrirãca mʉa. Eropigʉ “Mʉa ñeri dipuwajacʉrã sĩrirãca,” arĩrabʉ mʉare, arĩmi Jesu erãre.

Juan 8:26

Mʉare yʉ wereburi wʉaro dʉhyania. Eropiro mʉa ñeri dipuwajare mʉare yʉ wereboro wʉaro dʉhyaa dohpa. Eropigʉ yʉre obeodigʉre yʉ peerare i yeba majarãre werea. Ĩgʉ werera diaye ta ãhraa, arĩmi Jesu erãre.