Juan 7:12 - Desano

¹² Eropirã masa bajarã Jesure werewʉañorã. Gajirã, “Ĩgʉ õagʉ ãhrimi,” arĩñorã. Gajirãpʉ, “Ĩgʉ ñegʉ ãhrimi. Masare gʉyagʉ ãhrimi,” arĩ werewʉañorã.

Juan 7:12 Iomraidhean Croise

Mateo 10:25

Yujugʉ buhegʉre ĩgʉre weredigʉ iro dopa dujaro gahmemi ĩgʉ. Pohro majagʉ sãre ĩgʉ opʉ iro dopa ta dujami. Mʉapʉ yʉ buherã ãhraa. Eropirã yʉre iidiro dopa ta mʉa sãre iirãcoma. Eropirã yʉre “Watĩ Beelzebú ãhrimi,” arĩ weresãrã, mʉa sãre yaharãre ñero arĩ wereniguirãcoma erã, arĩ weremi Jesu gʉare.

Mateo 21:46

Eropa arĩ pepirã, ĩgʉre ñeadiariñorã oparãpʉ. Masapʉ Jesure umupeo “Goãmʉ yare weremʉhtadigʉ ãhrimi ĩgʉ,” arĩmʉriñorã erã. Erã eropa arĩrã árĩcʉ̃ pahia oparã sã masare güirã, Jesure ñeabiriñorã.

Mateo 27:63

Gameneretuha õpa arĩñorã erã Pilatore: —Opʉ, irire guñaa gʉa. Ĩgʉ gʉyaricʉgʉ Jesu ojocarinigʉ õpa arĩpʉ ĩgʉ: “Ʉhrenʉ pʉhrʉ masa mʉriagʉca yʉhʉ,” arĩpʉ ĩgʉ.

Lucas 18:19

Ĩgʉ eroparĩcʉ̃ Jesu yʉhripʉ: —¿Dohpa arĩronore yʉre “Õagʉ,” arĩ piyuri mʉhʉ? Goãmʉ dihta õagʉ ãhrimi.

Lucas 23:47

Eropa wacʉ̃ ĩagʉ surara opʉpʉ “Goãmʉ turagʉ ãhrimi,” arĩ, “Ihĩ Jesu diaye ta õagʉ ãhrañumi,” arĩpʉ ĩgʉ.

Lucas 23:50

Irisubure José waĩcʉgʉ ero árĩpʉ. Judea yeba Arimatea waĩcʉri maca majagʉ árĩpʉ. Eropigʉ ĩgʉ õagʉ, diaye iigʉ árĩgʉ, Goãmʉ ĩgʉ opʉ árĩnʉgaburire coregʉ árĩpʉ. Eropigʉ ĩgʉ judio masa oparã mera majagʉ árĩqueregʉ ta Jesure erã wejẽdorecʉ̃ gamebiriripʉ ĩgʉ.

Lucas 6:45

Eropa ãhrima masa sã. Õagʉ ĩgʉ pepiri õari ãhraa. Eropigʉ ĩgʉ õarire wereniguimi yucʉgʉ õadigʉ irigʉ õarire dʉcacʉro dopa ta. Ñegʉre ĩgʉ pepirigue ñeri ãhraa. Eropigʉ ĩgʉ ñerire wereniguimi yucʉgʉ ñedigʉ irigʉ ñerire dʉcacʉro dopa ta. Mari pepirigue iri árĩro dopa ta wereniguia mari, arĩpʉ Jesu.

Lucas 7:16

Eropirã erã árĩpehrerã güirã warã Goãmʉre umupeo õpa arĩñorã: —Goãmʉ yare weremʉhtagʉ masitarigʉ dohpague tamerare mari watope ãhrimi, arĩñorã erã. —Goãmʉ marire ĩgʉ yarãre itamugʉ eratuhami, arĩñorã gajirã.

Juan 6:14

Eropirã masa Jesu Goãmʉ turari mera iri deyoro moariñere ĩgʉ iicʉ̃ ĩarã õpa arĩma: —Diaye ta ãhraa. Ihĩ Goãmʉ ya wereniguigʉ i yebague aridigʉ mari coredigʉ ta ãhrimi, arĩma erã.

Juan 7:32

Masa Jesure eropa arĩ wereniguicʉ̃ peerã pahia oparã, fariseo masa mera Jesure ñeadorerã obeoriñorã surarare.

Juan 7:47

Erã eroparĩcʉ̃ fariseo masapʉ õpa arĩ wereñorã: —¿Mʉare ĩgʉ gʉyacʉ̃, “Diaye ta arĩgʉ iimi,” arãri mʉa sã?

Juan 7:52

Ĩgʉ eroparĩcʉ̃ peerã õpa arĩ yʉhriñorã erã: —¿Mʉ sã ĩgʉ iro dopa ta Galilea majagʉ ta ãhriri? Goãmʉ ya erã gojarapũre buhepehoque. Eropa buhegʉ, “Goãmʉ yare weremʉhtagʉ ne yujugʉ Galilea majagʉ marimi,” arĩ masigʉca mʉhʉ, arĩ yʉhriñorã erã Nicodemore.

Juan 9:16

—Ĩgʉ mari soorinʉ mari mohmedorebiririnʉre mohmeami. Eropigʉ ĩgʉ Goãmʉ yagʉ árĩbeami, arĩñorã gajirã fariseo masa. Gajirãpʉ õpa arĩñorã: —Ñerire iigʉ árĩgʉ õpa ĩre õagʉ wacʉ̃ iimasibeami. Eropigʉ ĩgʉ õagʉ árĩbocumi, arĩñorã gajirã Jesure. Eropirã erã, erã basi pe curu dʉca wariñorã.

Hechos 11:24

Bernabé õagʉ árĩgʉ, Espíritu Santore wʉaro opagʉ árĩgʉ, Jesu dorediro dopa iigʉ árĩgʉ Jesure õaro umupeodigʉ árĩpʉ. Eropirã ĩgʉ buhera pʉhrʉ bajarã masa Jesure umupeoñorã.

Romanos 5:7

Mari masa gajigʉ ya árĩburire sĩribasadiabeaa. Õagʉ árĩgʉre yujugʉ sĩribasabocumi gajisubu arĩgʉ.

Filipenses 2:14

Árĩpehrerire iirã turiro mariro, mʉa basi gajinore werericʉro mariro iique.