Juan 5:16 - Desano

¹⁶ Eropi Sabado árĩcʉ̃ Jesu dorecʉgʉre ĩgʉ dorere ĩgʉ taucʉ̃ masirã judio masapʉ ĩgʉre ñero iinʉgañorã. Eropirã erã ĩgʉre wejẽdiariñorã.

Juan 5:16 Iomraidhean Croise

Mateo 12:13

Ĩgʉ eropa arĩra pʉhrʉ mojoto bʉhagʉre õpa arĩmi: —Mʉ mojotore sĩsirãbeoque, arĩmi ĩgʉ. Ĩgʉ eroparĩcʉ̃ mojoto bʉhagʉpʉ sĩsirãbeomi. Ĩgʉ eropa sĩsirãbeora pʉhrʉ ta õari mojoto dujabʉ.

Marcos 3:6

Ĩgʉ ya mojoto õari mojoto wacʉ̃ ĩarã fariseo masa wiria wañorã. Wiria Herode curu majarã mera gamenere, “¿Dohpa ii ihĩ Jesure wejẽrãcuri?” arĩ weretamuñorã erã erã basi.

Lucas 6:11

Ĩgʉ eropa iicʉ̃ ĩarã erã ĩgʉ mera turaro guañorã. —¿Dohpa iirãcuri mari ĩre? arĩñorã erã basi.

Juan 1:19

Judio masa oparã Jerusalén árĩrã pahiare, Goãmʉ wihi mohmerã sãre Ñu pohrogue obeoñorã. “¿Nihino ãhriri mʉhʉ?” arĩ serẽpidorerã obeoñorã erãre. Erã eropa arĩ serẽpirã ejacʉ̃ õpa arĩ weremi Ñupʉ.

Juan 10:39

Ĩgʉ eroparĩcʉ̃ erã ĩgʉre dipaturi ñeadiarima. Erã eropa ñeadiacʉ̃ ĩgʉ duhri wiria wami.

Juan 15:20

Mʉa yaharã árĩrã “Yʉ tauro árĩbeaa,” mʉare yʉ arĩrare guñaque mʉa. Eropa yʉ mera majarã árĩrã yʉ ñero tariboro dopa ta ñero tarirãca mʉa sã. Yʉre ñero iinirã ta mʉa sãre ñero iirãcoma. Yʉ buherire yʉhrinirã ta mʉa buheri sãre yʉhrirãcoma.

Juan 5:10

Ĩgʉ eropa õagʉ wadigʉ ĩgʉ omasiariñere aĩgãcʉ̃ ĩarã judio masa gʉa oparãpʉ dorecʉdigʉre õpa arĩ wereñorã: —Dohpagãre Sabadonʉ mari soorinʉ árĩquerecʉ̃ mʉ yañe omasiariñere aĩ wahgãa mʉhʉ. Eropa iigʉ mari dorerire tarinʉgagʉ iiaa, arĩñorã erã ĩgʉre.

Juan 5:13

Ero bajarã masa erã árĩcʉ̃ ĩagʉ Jesupʉ waha wadigʉ árĩmi. Eropigʉ dorecʉdigʉpʉ ĩgʉre õagʉ wacʉ̃ iidigʉ ĩgʉ waĩre masibiripʉ.

Juan 5:15

Ĩgʉ eropa arĩra pʉhrʉ dorecʉdigʉ judio masa oparã ĩgʉre serẽpinirã pohrogue eja, werepʉ erãre: —Jesu waĩcʉgʉ yʉre õagʉ wacʉ̃ iiami, arĩ werepʉ ĩgʉ.

Juan 5:17

Eropa ñero erã iidiarire masigʉ Jesupʉ weremi erãre: —Yʉ Pagʉ dohpaguere mohmenimi. Yʉ sã eropigʉ mohmenigʉ iiaa, arĩ weremi ĩgʉre ñero iidiarãre.

Juan 5:18

Ĩgʉ eroparĩcʉ̃ judio masa gʉa oparã ĩgʉ mera turaro guarã, ero core erã arĩdiro tauro ĩgʉre wejẽdiañorã. Sabadonʉre erã soorinʉre ĩgʉre õagʉ iicʉ̃ ĩarã erã guañorã. Eropa guarã Goãmʉre ĩgʉ “yʉ Pagʉ,” ĩgʉ arĩcʉ̃ peerã erãpʉ tauro guañorã. “‘Yʉ Pagʉ,’ arĩgʉ Jesu ĩgʉ basi ‘Goãmʉ mera yujuro mera ãhraa,’ arĩ guñacumi ĩgʉ,” arĩ pepiñorã judio masa gʉa oparã.

Juan 7:21

—Yʉhʉ soorinʉ yujusubu Goãmʉ ĩgʉ turari mera dorecʉgʉre ĩgʉ dorere yʉ cóãcʉ̃ mʉa ĩha ʉca wabʉ.

Juan 7:25

Ĩgʉ eropa arĩ werera pʉhrʉ bajamerãgã Jerusalén majarã õpa arĩ wereniñorã: —¿Ihĩ mari oparã erã wejẽdiagʉ árĩbeari?