Juan 4:53 - Desano

⁵³ Erã eroparĩcʉ̃ õpa arĩ pepipʉ ĩgʉ: “Jesu yʉre ‘Mʉ magʉ masa wahámi,’ arĩ werera pʉhrʉ ta nimacʉri tahria waya,” arĩ pepipʉ opʉpʉ. “Diaye ta arãñumi yʉre,” arĩgʉ, ĩgʉ árĩpehrerã ĩgʉ acawererã mera Jesure umupeoñorã.

Juan 4:53 Iomraidhean Croise

Mateo 8:13

Irire eropa arĩtuhaja surara opʉre arĩpʉ: —Dujaaque mʉ ya wihigue. Mʉ pohro majagʉ tarigʉcumi. “Diaye ta tarigʉcumi,” arĩ mʉ pepidiro dopa ta tarigʉcumi, arĩpʉ Jesu. Ĩgʉ eroparĩcʉ̃ ta ĩgʉ pohro majagʉ pʉ õha wapʉ.

Lucas 19:9

Ĩgʉ eroparĩcʉ̃ Jesupʉ werepʉ ĩgʉre: —Dohpagãre mʉre mʉ ya wihi árĩrã sãre peamegue wabonirãre Goãmʉ tautuhami. Mʉ sã Abrahã mʉrʉ acaweregʉ ta ãhraa.

Juan 4:51

Eropa dujaniguigʉre ĩgʉ pohro majarã ĩgʉre bocatĩri wereñorã. —Mʉ magʉ masa wahámi, arĩ wereñorã erã ĩgʉre.

Juan 4:52

—¿Noho gohra abe árĩcʉ̃ õagʉ wahári ĩgʉ? arĩ serẽpipʉ ĩgʉ pohro majarãre. —Cãrʉre goeri boje pʉhrʉgã ta nimacʉri tahriabʉ ĩgʉre, arĩñorã erã ĩgʉre.

Hechos 11:14

Ĩgʉ mʉre mʉ acawererã mera mʉare árĩpehrerãre peamegue wabonirãre mʉa tariborore weregʉcumi,’ arĩmi anyu yʉre,” arĩ weremi yʉre Cesarea majagʉ.

Hechos 16:15

Eropii igore igo ya wihi majarã mera waĩyemi Pablo. Ĩgʉ eropa waĩyera pʉhrʉ õpa arĩmo igo: —“Jesu yago ãhraa,” arãa mʉa sã yʉre. Eropirã yaha wihi ñajarinique mʉa. Yʉ mera dujanique, arĩmo igo gʉare. Igo eroparĩcʉ̃ peerã igo ya wihi dujanibʉ gʉa.

Hechos 16:34

Erãre waĩyetuhajara pʉhrʉ erãre coredigʉ Pablo sãre bari peopʉ. Eropirã ĩgʉ ĩgʉ acawererã mera õari buherire erã peera pʉhrʉ bʉrigã mucubiriñorã. Goãmʉre masinʉgañorã.

Hechos 18:8

Eropirã Crispo waĩcʉgʉ iri buheri wihi opʉ, ĩgʉ marapo, erã porã mera mari Opʉ Jesure umupeoñorã. Eropirã gajirã Corinto majarã bajarã Goãmʉ yare peerã, Jesure umupeoñorã. Erã eropa umupeorã árĩcʉ̃ erãre waĩyepʉ.

Hechos 2:39

Mʉare, mʉa porãre, mʉa pãramerã árĩturiarãre yoarogue majarãre, árĩpehrerã Goãmʉ mari Opʉ ĩgʉ beyenirãre “Diaye ta itamugʉra mʉare,” arĩ apiñumi Goãmʉ, arĩpʉ Pedro masare.