Juan 3:2 - Desano

² Eropigʉ ĩgʉ yuju ñami ĩgʉ Jesu pohro ahri ĩgʉ mera weretamupʉ: —Buhegʉ, mʉhʉ Goãmʉ ĩgʉ buhedoredigʉ ĩgʉ obeodigʉ mʉ árĩcʉ̃ gʉa masia. Goãmʉ mʉre ĩgʉ itamubiricʉ̃ mʉpʉ ĩgʉ turari mera ne deyoro moarire ne iibiriboaya. Mʉhʉ bajasuburi Goãmʉ turari mera ii ĩhmua, arĩpʉ Nicodemo Jesure.

Juan 3:2 Iomraidhean Croise

Mateo 22:16

Eropirã erã mera majarãre, Herode ya curu majarã sãre, Jesure serẽpidorerã obeoñorã. Erãpʉ gʉa pohrogue eraa, Jesure serẽpima: —Buhegʉ, diaye wereniguigʉ gʉyari marigʉ mʉ árĩcʉ̃ masia gʉa. Eropigʉ opʉ árĩcʉ̃ sãre bu árĩgʉ ĩgʉ árĩcʉ̃ sãre mʉhʉ yujuropa ĩhaa. Eropigʉ Goãmʉ yare diaye mʉ werecʉ̃ sãre gʉa masia. Masa sʉacʉ̃ sãre erã sʉabiricʉ̃ sãre queoro werea.

Mateo 23:7

Eropirã doberi duarogue gajirã õaro umupeori mera erãre bocatĩri serẽcʉ̃ gahmema erã. Erãre “Buhegʉ,” arĩ piyucʉ̃ gahmema.

Mateo 23:8

“Mʉapʉre “Buhegʉ,” arĩ gajirã piyucʉ̃ iibiricãque. Mʉa árĩpehrerã yuju curu majarã ãhraa. Eropigʉ mʉare buhegʉ yʉhʉ yujugʉ ta ãhraa.

Marcos 12:14

Eropirã Jesu pohro eja ĩgʉre serẽpiñorã: —Buhegʉ, diaye mʉ wereniguigʉ gʉyari marigʉ mʉ árĩcʉ̃ masia gʉa. Eropigʉ opʉ árĩcʉ̃ sãre bu árĩgʉ ĩgʉ árĩcʉ̃ sãre mʉhʉ yujuropa ĩhaa. Eropigʉ Goãmʉ yare diaye mʉhʉ werea. Masa sʉacʉ̃ sãre erã sʉabiricʉ̃ sãre queoro werea. Eropigʉ gʉare wereque: ¿Roma majagʉ árĩpehrerã tauro opʉ árĩgʉre, gobierno majare marire wajayero gahmeri mʉ pepicʉ̃? ¿Mari doreripʉ wajayedoreri mʉ pepicʉ̃? arĩ serẽpiñorã erã Jesure.

Juan 1:38

Gʉa eropa nʉrʉsiagãcʉ̃ ĩagʉ Jesu gʉare maji ĩha, serẽpimi: —¿Nohogue wahari mʉa? arĩmi ĩgʉ gʉare. Ĩgʉ eroparĩcʉ̃ gʉa sã ĩgʉre serẽpibʉ. —Buhegʉ, ¿nohogue ãhriri mʉhʉ? arĩ serẽpibʉ gʉa ĩgʉre.

Juan 10:38

Yʉ Pagʉ ĩgʉ turari mera yʉ ii ĩhmuquerecʉ̃ ta yʉpʉre umupeodiabiriboca mʉa. Eropa umupeodiabiriquererã ta ĩgʉ turari mera yʉ ii ĩhmucʉ̃ ĩarã yʉ iirare “Diaye ta ãhraa,” arĩque mʉa. Mʉa eropa arĩrã, yʉ Pagʉ mera gʉa yujuro mera árĩcʉ̃ masirãca mʉa. Eropirã yʉhʉ, yʉ Pagʉ mera yujuro mera yʉ árĩcʉ̃ masirãca mʉa. Eropirã peerãca mʉa, arĩmi Jesu erãre.

Juan 12:37

Bajasuburi Goãmʉ turari mera erãre Jesu ĩgʉ deyoro moarire ii ĩhmuquerecʉ̃ ta judio masa bajarã ĩgʉre ne peediabirima.

Juan 14:10

Yʉ Pagʉ mera yujugʉ ta ãhraa yʉhʉ. Irire “Diaye árĩbeaa,” ¿arĩgʉ meje iiri mʉhʉ? Mʉare weregʉ yʉ gamero weregʉ iibeaa. Yʉ Pagʉre werebasagʉ iiaa. Eropigʉ ĩgʉ yʉ mera árĩgʉ ĩgʉ turari mera ii ĩhmumi.

Juan 15:24

Goãmʉ turari mera gajirã erã ne iibirirare ii ĩhmubʉ. Eropiro erãre irire yʉ ii ĩhmubiricʉ̃ erã peebirira dipuwaja mariboaya. Goãmʉ turari mera yʉ ii ĩhmurare erã ĩara pʉhrʉ yʉre yʉ Pagʉ sãre ĩhaturima erã.

Juan 2:11

Caná Galilea árĩri macague decore vino ĩgʉ poyacʉ̃ iira ne Goãmʉ turari mera ĩgʉ deyoro moanʉgara árĩbʉ. Eropa iigʉ gajirãre ĩgʉ turarire ii ĩhmúmi Jesu. Ĩgʉ eropa ii ĩhmura pʉhrʉ gʉa ĩgʉ buherã ĩgʉre umupeobʉ.

Juan 20:16

Igo eropa arĩra pʉhrʉ Jesu õpa arĩpʉ: —María, arĩpʉ. Ĩgʉ eropa piyucʉ̃ peego, majiñabeo igo Hebreo ya mera õpa arĩpo: —Rabuni, arĩpo igo Jesure. Rabuni, erã ya mera arĩrã “Buhegʉ,” arĩma.

Juan 3:26

Tuhaja erã Ñu pohrogue eja irire wereñorã. —Buhegʉ, dia Jordán waĩcʉriya gajipʉ masegue mʉ mera árĩdigʉ “Ĩgʉ ta Cristo ta árĩgʉcumi,” mʉ arĩdigʉpʉ dohpague masare waĩyegʉ iimi. Ĩgʉ eropa iicʉ̃ árĩpehrerã ĩgʉ pohrogue wahama pare, arĩñorã erã Ñure.

Juan 4:31

Irisubure gʉa Jesu buherã ĩgʉre turaro badoreribʉ. —Buhegʉ, baque, arĩribʉ gʉa.

Juan 5:36

Ñu yʉ árĩricʉrire weremi mʉare. Ĩgʉ wereri mera yʉ árĩricʉrire masiquererã yʉ iirire ĩarã tauro masirãca. Goãmʉ yʉ Pagʉ ĩgʉ turari mera ĩgʉ yʉre iidorerare dohpague iigʉ iiaa. Ire yʉ iicʉ̃ ĩarã diaye ta Goãmʉ ĩgʉ obeodigʉ yʉ árĩcʉ̃ masirãca mʉa.

Juan 6:2

Ero core Galilea yeba Jesu dorecʉrãre ĩgʉ õarã ĩgʉ iicʉ̃ masa ĩanirã árĩma. Erã eropa ĩanirã árĩrã Jesu ĩgʉ taribujacʉ̃ ĩarã masa bajarã ĩgʉre nʉrʉsia taribujama.

Juan 7:31

Gajirã masapʉ bajarã ĩgʉre umupeoma. Õpa arĩma: —“Cristo bajasuburi Goãmʉ turari mera deyoro moarire ii ĩhmugʉcumi,” erã arĩ werediro dopa ta ihĩ Jesupʉ bajasuburi Goãmʉ turari mera ii ĩhmumi. Árĩpehrerã gajirã tauro Goãmʉ turari mera ii ĩhmumi ĩgʉ. Eropigʉ Cristo Goãmʉ ĩgʉ obeodigʉ ta ãhrimi Jesu, arĩma Jesure ne umupeonʉgarãpʉ.

Juan 9:16

—Ĩgʉ mari soorinʉ mari mohmedorebiririnʉre mohmeami. Eropigʉ ĩgʉ Goãmʉ yagʉ árĩbeami, arĩñorã gajirã fariseo masa. Gajirãpʉ õpa arĩñorã: —Ñerire iigʉ árĩgʉ õpa ĩre õagʉ wacʉ̃ iimasibeami. Eropigʉ ĩgʉ õagʉ árĩbocumi, arĩñorã gajirã Jesure. Eropirã erã, erã basi pe curu dʉca wariñorã.

Hechos 10:38

Ihĩ Jesu Nazare majagʉre Goãmʉpʉ ĩgʉ turarire, Espíritu Santo mera ĩgʉ iimasiburire odi árĩmi Jesure. Eropigʉ Jesu õaro iigʉ wami. Eropa wagʉ watẽa ñajasũnirãre, ñero tarirãre, árĩpehrerãre õarã wacʉ̃ iimi. Mari Pagʉ Jesu mera árĩdi árĩmi.

Hechos 2:22

“Mʉa Israe masa yʉhʉ werecʉ̃ peeque, arĩpʉ daja. Jesu Nazare majagʉpʉ Goãmʉ ĩgʉ obeodigʉ árĩmi. Jesure “Goãmʉ obeodigʉ ãhrimi,” masa erã arĩ masiboro dopa Jesu Goãmʉ turari mera deyoro moarire masare ii ĩhmucʉ̃ iidi árĩmi Goãmʉ Jesure. Mʉa irire masia.

Filipenses 1:14

Eropirã peresu yʉ árĩcʉ̃ ĩarã, bajarã mari acawererã Jesu yarã mari Opʉre Jesure umupeonemoma. Eropa umupeorã güiro mariro õari buherire gajirãre buhema erã.