Juan 21:16 - Desano

¹⁶ Eropa arĩtuha dipaturi ĩgʉ Simo Pedrore serẽpimi daja: —Simo, Jona magʉ, ¿yʉre mahiri mʉhʉ? arĩmi Jesu. —Opʉ, mʉre mahia yʉhʉ. Mʉre yʉ mahicʉ̃ masia mʉhʉ, arĩ yʉhrimi Simo Pedro. Jesu arĩmi daja: —Ovejare ĩhadibugʉ ovejare ĩgʉ õaro ĩhadiburo dopa ta yaharãre õaro ĩhadibuque, arĩmi Jesu Pedrore.

Juan 21:16 Iomraidhean Croise

Mateo 2:6

Belén waĩcʉri macague yujugʉ opʉ dehyoagʉcumi. Ĩgʉ Goãmʉ yarãre Israe majarãre dorebu árĩgʉcumi. Eropiro Belén Judea yeba árĩri macari watope bu árĩri maca árĩquerero gaji macari tauro árĩroca, arĩ gojamʉriñumi Goãmʉ yare gojayudigʉgue, arĩ wereñorã erã Herodere.

Mateo 25:32

Eropa yʉ doacʉ̃, yaharã anyua i yeba majarãre árĩpehrerãre yʉ pohro gameneorãcoma. Erãre gameneora pʉhrʉ pe curu dʉca wagʉra erãre. Oveja ĩhadibugʉ ĩgʉ iiro dopa ĩgʉ cabrare ĩgʉ dʉca waro dopa ta masare dʉca wa dobogʉra.

Mateo 26:72

Igo eroparĩcʉ̃ peegʉ Pedro yʉhripʉ: —Goãmʉ mera diaye arĩgʉ iiaa. Ĩgʉ mʉ arĩgʉre ne masibeaa yʉhʉ, arĩ yʉhripʉ Pedro.

Lucas 19:10

Yʉhʉ masʉ Goãmʉ ĩgʉ obeodigʉ peamegue wabonirãre amagʉ arigʉ iibʉ. Erogue wabonirãre õaro taugʉ arigʉ iibʉ, arĩpʉ Jesu Zaqueore.

Juan 18:17

Yʉ eropa aĩ ñajajacʉ̃ ĩago disiporo coregopʉ Pedrore serẽpimo: —¿Jesu buherã mera majagʉ árĩbeari mʉhʉ? arĩmo igo Pedrore. —Árĩbeaa yʉhʉ, arĩ yʉhrimi Pedropʉ.

Juan 18:25

Eropi Simo Pedro peame tʉro sõhma niguigʉ iimi. Eropa ĩgʉ sõhma niguicʉ̃ ĩarã ero majarã ĩgʉre serẽpima. —¿Mʉ sã Jesu buherã mera majagʉ árĩbeari? arĩ serẽpima erã Pedrore. —Árĩbeaa yʉhʉ, arĩ yʉhrimi Pedro.

Juan 21:17

Eropa arĩtuha dipaturi Simo Pedrore serẽpimi: —Simo, Jona magʉ, ¿diaye ta yʉre mahiri mʉhʉ? arĩmi Jesu daja. Ʉhresubu ĩgʉ eropa serẽpicʉ̃ peegʉ Simo Pedro turaro bʉjaweremi. —Opʉ, mʉhʉ masipehoa. Mʉre yʉ mahicʉ̃ masia mʉhʉ, arĩmi Simo Pedro. —Ovejare mari ejodiro dopa ta yaharãre buheque mʉhʉ.

Hechos 20:28

Mʉa basi õaro iique. Eropirã mʉa Jesu yarãre Espíritu Santo mʉare ĩgʉ ĩhadibudorerare ĩhadibuque. Ovejare ĩhadiburã ovejare erã ĩhadiburo dopa ta Goãmʉ yarã sãre ĩhadibuque mʉa. Goãmʉ magʉ ĩgʉ sĩrigʉ ĩgʉ di cóãro mera Goãmʉ erãre ĩgʉ yarã árĩmorã iidi árĩmi. Yʉhʉ õre wara pʉhrʉ gajirã ñerãpʉ mʉa pohro ahri erã buheri mera mʉare goroweo dʉca waricʉ̃ iirãcoma. Eropirã Jesu yarãre õaro ĩhadibuque.

Hebreos 13:20

Goãmʉ marire õaro árĩcʉ̃ iigʉ ãhrimi. Ĩgʉ mari Opʉ Jesucristo sĩridigʉre masupʉ. Ĩgʉ “Mʉare õaro iigʉra,” marire arĩ apidigʉ ãhrimi. Ĩgʉ eropa arĩrare iinijagʉ Jesupʉ marire taugʉ ãhrimi. Mari ñeri dipuwajare ĩgʉ di cohã sĩripʉ ĩgʉ. Eropigʉ ĩgʉ turagʉ, ovejare ĩhadibugʉ iro dopa árĩgʉ, marire ĩgʉ yarãre õaro ĩhadibumi.

1 Pedro 2:25

Oveja erã dedereboro dopa ta mʉa sã peamegue dederebonirã árĩribʉ. Dohpaguepʉre Cristore umupeorã ĩgʉ yarã wahabʉ pare. Eropigʉ ovejare ĩhadibugʉ iro dopa Cristo mʉare ĩhadibumi. Mʉa sĩporã mera dederebiriborore õaro ĩhadibumi.

1 Pedro 5:2

Goãmʉ yarã oveja iro dopa ãhrima. Mʉapʉ ovejare ĩhadiburã iro dopa ãhraa. Eropirã Goãmʉ mʉare ĩgʉ apinirãre ĩgʉ yarãre õaro ĩhadibuque mʉa. Eropirã Goãmʉ ĩgʉ gamediro dopa ta õaro sĩporãcʉri mera erãre ĩhadibuque. Eropirã erãre ĩhadiburã “Niyerure wajatarãca,” arĩ pepibiricãque mʉa.

Apocalipsis 7:17

Opʉ doaro core niguigʉ Cordero erãre ĩhadibugʉcumi. Ovejare ĩhadibugʉ iro dopa erãre ĩhadibugʉcumi. Eropigʉ maʉrigã dipague ojocaricʉ̃ iiriyarigã dipague erãre mʉhta wahgãgʉcumi oveja ĩhadibugʉ iiro dopa ta. Eropigʉ eropa mucubiricʉ̃ iigʉcumi erãre. Eropirã ʉmarogue árĩrã ne dipaturi oresome erã, arãmi Jesu yarã oparã mera majagʉ yʉre.