Juan 2:18 - Desano

¹⁸ Jesu ĩgʉ eropa iira pʉhrʉ judio masa oparã ĩgʉre serẽpima: —¿Duhpigʉ mʉhʉ oãre Goãmʉ wihigue árĩrãre cohã wiuari? Goãmʉ irire mʉre iidoregʉ árĩcʉ̃ Goãmʉ turari mera ii deyoro moaque gʉa ĩaburire, arĩma erã Jesure.

Juan 2:18 Iomraidhean Croise

Mateo 21:23

Eropi Goãmʉ wihigue dujaja buhemi ĩgʉ. Ĩgʉ eropa buhecʉ̃ pahia oparã, masare buherã, mʉrã mera ĩgʉ pohrogue eraa serẽpima: —¿Noa doreri mera ire eropa iigʉ iiri mʉhʉ? ¿Noa mʉre Goãmʉ wihigue árĩnirãre cóãdoreari? arĩ serẽpima erã.

Marcos 8:11

Ero pʉhrʉ fariseo masa Jesu mera dʉyasorã erañorã. Erã Jesure Goãmʉ turari mera deyoro moariñere iidoreriñorã. Ĩgʉ ii ĩhmumasibiricʉ̃ ĩadiariñorã. Ĩgʉ iimasibiricʉ̃ “Goãmʉ ĩgʉ obeodigʉ árĩbeami,” arĩdiariñorã.

Lucas 11:29

Eropi bajarã masa Jesu pohro erã eracʉ̃, ĩgʉ erãre werenemopʉ: —Dohpague majarã ñerã ãhrima. Yʉ diaye arĩgʉ árĩcʉ̃ mʉa masidiarã Goãmʉ turari mera deyoro moarire iidoreraa yʉre. Mʉa eropa dorequerecʉ̃ ta Jona iribojegue majagʉ ĩgʉ iira dihtare ii ĩhmugʉcumi Goãmʉ masare.

Juan 1:19

Judio masa oparã Jerusalén árĩrã pahiare, Goãmʉ wihi mohmerã sãre Ñu pohrogue obeoñorã. “¿Nihino ãhriri mʉhʉ?” arĩ serẽpidorerã obeoñorã erãre. Erã eropa arĩ serẽpirã ejacʉ̃ õpa arĩ weremi Ñupʉ.

Juan 1:25

Eropirã erã Ñure serẽpima daja: —¿Mʉhʉ Cristo, Elia Goãmʉ ya weremʉhtagʉ gʉa coregʉ árĩbiriqueregʉ ta duhpigʉ masare Goãmʉ ya árĩburire waĩyeri mʉhʉ? arĩma erã.

Juan 6:30

Ĩgʉ eroparĩcʉ̃ peerã erã õpa arĩma: —Goãmʉ ĩgʉ obeodigʉ mʉ árĩgʉ ĩgʉ turari mera ii ĩhmuque gʉare mʉre gʉa õaro umupeoborore. ¿Ñehenore iibocuri mʉhʉ?

Hechos 4:7

Eropirã erã Pedro sãre erãre gamebeocʉ̃, surarapʉ peresugue erãre aĩwiu oparã watopegue erãre aĩ ejañorã. Erã eropa iira pʉhrʉ oparã serẽpi ĩañorã Pedro sãre. —¿Noa ya turari mera mʉa curimasibigʉre õagʉ iiari? ¿Noa ãhriri mʉare irire iidoregʉ? arĩ serẽpi ĩañorã erã.

Hechos 5:28

—Mʉare gʉa weretuhabʉ. Jesu yare buhebiricãque, arĩrabʉ gʉa mʉare. Gʉa eropa arĩquerecʉ̃ ta mʉapʉ árĩpehrerã Jerusalén majarãre buhea mʉa. Jesu ĩgʉ sĩrira waja, gʉare dipuwajacʉcʉ̃ iidiarã iica mʉa, arĩpʉ pahia opʉ.