Juan 2:16 - Desano

¹⁶ Eropa iituha bujare duarãre õpa arĩmi: —Mʉa yarã bujare aĩgãque. Yʉ Pagʉ ya wihire doberi duari wihi iibiricãque, arĩmi Jesu erãre.

Juan 2:16 Iomraidhean Croise

Mateo 21:12

Pʉhrʉ Goãmʉ wihigue ejami Jesu gʉa mera. Iri wihigue eja ñaja wami. Ñajaja masa duadoarãre asũrã sãre bocajagʉ erãre cohã wiucãmi iri wihigue. Eropigʉ niyerure game gohroto doarã ya mesarire yomemuju, aĩ majipi beomʉrimi. Bujare duarã erã doari pẽrori sãre eropa ta iimi.

Mateo 21:13

Eropa iigʉ õpa arĩmi: —Goãmʉ yare erã gojarapũ õpa ãhraa: Goãmʉ arĩmi: “Yaha wihi Goãmʉ mera wereniguiri wihi waĩcʉroca,” arĩmi Goãmʉ, ãhraa ĩgʉ gojarapũ. Mʉapʉ i wihire Goãmʉ wihire duadoarã game yajarã iiaa, arĩmi ĩgʉ erãre.

Mateo 22:5

Erã eropa werera pʉhrʉ ĩgʉ sihubeonirã eropa pepicãñuma. Bosenʉre ĩarã wabiriñuma. Yujugʉ ĩgʉ pohegue waha, wañumi. Gajigʉ ĩgʉ mohmerire ĩagʉ wañumi.

Marcos 11:17

Eropigʉ Jesu õpa arĩ buhepʉ erãre: —Õpa ãhraa Goãmʉ yare erã gojarapũgue: “Yaha wihi Goãmʉ mera wereniguiri wihi waĩcʉroca. Eropiro árĩpehrero majarãgue yʉ mera erã wereniguiri wihi árĩroca,” arĩ gojañuma Goãmʉ wereniguirire. Goãmʉ eropa arĩquerecʉ̃ ta, mʉapʉ i wihire Goãmʉ wihire duadoarã bu game yajarã iiaa, arĩpʉ Jesu erãre.

Lucas 2:49

Igo eroparĩcʉ̃ ĩgʉ ĩgʉ pagʉ sʉmarãre werepʉ: —¿Duhpirã yʉre ahmari mʉa? Yʉ Pagʉ yʉre ĩgʉ dorediro dopa ta iigʉ iiaa. ¿Irire masibeari mʉa? arĩpʉ ĩgʉ.

Juan 10:29

Yʉ Pagʉ yaharãre yʉre odigʉ yʉ tauro turami. Eropirã yʉ Pagʉ sã yaharãre ĩgʉ ĩhadibucʉ̃ gajirã ĩgʉ sãre ne emamasibeama.

Juan 2:15

Eropa bocajagʉ yuradari mera tãraridari ii, erãre árĩpehrerãre disiporogue tãranʉrʉ wiumi. Eropigʉ niyeru gohrotorã erã ya mesarire yomemuju mehpicãmi. Erã niyeru turi sãre mehsiripicãmi.

Juan 20:17

Jesu arĩpʉ: —Yʉ Pagʉ pohrogue mʉrianibeaa dohpa yʉhʉ. Yʉ eropa mʉrianibiricʉ̃ yʉre mohpiñabiricãque. Eropigo gajirã yaharã pohrogue waque. Erã pohrogue ejago õpa arĩ wereque: “Jesu õpa arĩdoremi mʉare: ‘Yʉ Pagʉ pohrogue wabu iiaa. Mʉa Pagʉ sã ãhrimi ĩgʉ. Goãmʉ pohrogue wabu iiaa. Mʉa yagʉ Goãmʉ sã ãhrimi ĩgʉ,’ arãmi Jesu,” arĩ wereque erãre, arĩpʉ Jesu Maríare.

Juan 5:17

Eropa ñero erã iidiarire masigʉ Jesupʉ weremi erãre: —Yʉ Pagʉ dohpaguere mohmenimi. Yʉ sã eropigʉ mohmenigʉ iiaa, arĩ weremi ĩgʉre ñero iidiarãre.

Juan 8:49

Erã eroparĩcʉ̃ peegʉ õpa arĩ yʉhrimi Jesu: —Goroweregʉ árĩbeaa yʉhʉ. Yʉ Pagʉre umupeoa. Mʉapʉ yʉre umupeobeaa.

1 Timoteo 6:5

Eropirã erã ñeri dihtare pepiniguirã, diaye árĩrire ne masibirã eropa dʉyasoniguicãma. Eropirã “Goãmʉ yare buherã niyerure wajatarãca,” arĩ pepirima. Erã eropa árĩrãre wapicʉbiricãro gahmea.

2 Pedro 2:3

Eropirã erã gʉyaricʉrã niyerure waja gamerã gʉyari buherire buherãcoma mʉare. Eropa buhera dipuwaja Goãmʉ erãre peamegue wadoregʉcumi. Iribojegue ta eropa iinirãre dipuwaja moadoretuhañumi ĩgʉ.