Juan 2:13 - Desano

¹³ Pascua árĩcʉ̃ gʉa judio masa bosenʉ árĩboro merogã dʉhyanijabʉ. Eropigʉ Jesu gʉa mera Jerusaléngue wami.

Juan 2:13 Iomraidhean Croise

Mateo 21:12

Pʉhrʉ Goãmʉ wihigue ejami Jesu gʉa mera. Iri wihigue eja ñaja wami. Ñajaja masa duadoarãre asũrã sãre bocajagʉ erãre cohã wiucãmi iri wihigue. Eropigʉ niyerure game gohroto doarã ya mesarire yomemuju, aĩ majipi beomʉrimi. Bujare duarã erã doari pẽrori sãre eropa ta iimi.

Marcos 11:15

Ĩgʉ eropiira pʉhrʉ erã Jerusaléngue erañorã. Eragʉ Jesu Goãmʉ ya wihigue ñajapʉ daja. Ñajajagʉ doberi duarãre, asũrãre bocajagʉ cohã wiucãpʉ. Eropigʉ niyerure game gohroto doarã ya mesarire yomemuju aĩ mehpi behomʉripʉ. Bujare duarã erã doari pẽrori sãre eropa ta iipʉ.

Lucas 19:45

Eropi Jerusaléngue ejagʉ, Jesu Goãmʉ wihigue ñaja wapʉ. Eropigʉ doberi duarãre iri wihigue bocajagʉ, erãre cohã wiucãpʉ. Õpa arĩpʉ ĩgʉ erãre:

Lucas 2:41

Bojori nʉcʉ Jesu pagʉ sʉmarã Jerusaléngue Pascua bosenʉre ĩarã wamʉriñorã.

Juan 11:55

Irisubure Pascua bosenʉ gʉa judio masa bosenʉ árĩboro merogã dʉhyabʉ. Eropirã bosenʉ core masa bajarã gaji macari majarã masa Jerusaléngue gamenerema. Pascua majare erã baboro core Goãmʉ ya árĩburire erã basi coemorã ejanirã árĩma.

Juan 13:1

Eropi Pascua bosenʉ coregã árĩbʉ. Iri ñamire Jesu gʉa ĩgʉ buherã mera iri bosenʉre babu árĩmi. Eropigʉ i yebare ĩgʉ wiriaborore ĩgʉ Pagʉ pohro waburire merogã dʉhyacʉ̃ masidigʉ árĩmi Jesu. Gʉa barisubu Judare watĩ doretuhadigʉ árĩmi ĩgʉ pepirigue. Eropigʉ ĩgʉre Simo Iscariote magʉre Jesure ĩhaturirãre iri ñamire ĩgʉ wiaburire doretuhadigʉ árĩmi. Jesu ĩgʉ yarãre i yeba árĩrãre bʉrigã mahidigʉ árĩmi. Eropigʉ ĩgʉ mahirare ĩhmubu gʉa guburire coemi. Ĩgʉ Goãmʉ pohrogue ĩgʉ arirare, pʉhrʉ ĩgʉ ʉmarogue ĩgʉ mʉriaburi sãre masidigʉ árĩmi. Ĩgʉ Pagʉ Goãmʉ ĩgʉre árĩpehrerã weca opʉ ĩgʉ apira sãre masidigʉ árĩmi.

Juan 2:23

Pascua bosenʉ árĩcʉ̃ Jesu Jerusaléngue árĩmi. Ero ĩgʉ árĩcʉ̃ masa bajarã Goãmʉ turari mera ĩgʉ deyoro moarire ii ĩhmucʉ̃ ĩarã ĩgʉre umupeoma.

Juan 5:1

Pʉhrʉ judio masa Goãmʉre gʉa umupeori bosenʉ árĩcʉ̃ gʉa Jesu mera Jerusaléngue ejabʉ daja.

Juan 6:4

Irinʉ Pascua waĩcʉri bosenʉ árĩboro judio masa bosenʉ árĩboro merogã dʉhyabʉ.