Juan 19:6 - Desano

⁶ Ĩgʉ eropa arĩtuhacʉ̃ peerã pahia oparã, surara Goãmʉ wihi ĩhadibu corerã sã Jesure ĩarã gaguiniguima: —Crusague wejẽque ĩgʉre. Crusague pabia wejẽque ĩgʉre, arĩ gaguiniguima erã. —Ĩgʉre ne ñeri dipuwaja mara. Eropirã mʉa basi ta ĩgʉre aĩgãque. Eropirã mʉa basi ta ĩgʉre crusague pabia wejẽque, arĩmi Pilato erãre.

Juan 19:6 Iomraidhean Croise

Mateo 26:58

Pedropʉ yoarogue erãre ĩhanʉrʉsiapʉ. Eropa ĩhanʉrʉsiagʉ Caifa ya wihire cãhmotara sãrirore eja, iri sãriro pohecague ñajaa wapʉ. Ñajaja, iri wihire corerã surara mera doapʉ. “Jesure duhpiicʉ̃ ĩagʉra,” arĩgʉ doapʉ Pedro.

Mateo 27:22

—¿Ihĩ Jesu, “Cristo” erã arĩgʉpʉre dohpa iigʉcuri yʉhʉ? arĩ serẽpipʉ ĩgʉ. —Crusague pabia wejẽque ĩgʉre, arĩ yʉhriñorã masa árĩpehrerã.

Mateo 27:24

Erã eropa arĩ gaguiniguicʉ̃ peegʉ, ĩgʉre erã peediabiricʉ̃ ĩagʉ, “Masa gua gamequeãbocoma,” arĩgʉ, yʉhrigʉ ta õpa iipʉ Pilato. Decore aĩgãridoretuhaja masa erã ĩhuro ĩgʉ mojo coepʉ. Eropa mojo coegʉ õpa arĩpʉ: —Ĩre wejẽra dipuwaja, yaha dipuwaja árĩsome. Mʉa ya dipuwaja árĩroca, arĩgʉ mojo coepʉ.

Lucas 23:4

Ĩgʉ eroparĩcʉ̃ Pilato pahia oparãre, masa sãre werepʉ: —Ĩre gajino waja dipuwaja mara, arĩpʉ ĩgʉ.

Juan 18:3

Eropa masigʉ pe curu surara mera aridi árĩmi ĩgʉ. Yuju curu surara gohra árĩma. Gaji curu surara Goãmʉ wihire corerã árĩma. Pahia oparã, fariseo masa erã obeonirã árĩma surara. Eropa arirã sihãri dipurure, eropárĩcʉ̃ yucʉ mojocʉma erã.

Juan 18:31

Erã eroparĩcʉ̃ Pilato õpa arĩmi: —Mʉa basi ĩgʉre aĩaque. Eropirã mʉa ya doreri arĩro dopa ta ĩgʉre dipuwaja moaque, arĩmi Pilato erãre. —Gʉa judio masapʉ masʉre wejẽdoremasibeaa, arĩma erã Pilatore. Eropa arĩrã Jesure wejẽdoremorã iima.

Juan 18:38

—¿Ñeheno ãhriri diaye árĩri? arĩpʉ Pilato. Eropa arĩtuha Pilato judio masa pohro maji dujaa wa erãre weremi: —Ĩre ne gajino dipuwaja mara.

Juan 19:15

Ĩgʉ eroparĩcʉ̃ peerã judio masa gaguiniguima daja: —Sĩriporo ĩgʉ. Sĩriporo ĩgʉ. Crusague pabia wejẽque ĩgʉre, arĩ gaguiniguima erã. —¿Mʉa opʉ árĩquerecʉ̃ ta ĩgʉre crusague pabia wejẽdiari mʉa? arĩmi Pilato erãre. Ĩgʉ eroparĩcʉ̃ õpa arĩ yʉhrima pahia oparã: —Mari árĩpehrerã tauro opʉ Roma majagʉ ãhrimi. Gajigʉ opʉ marimi marire, arĩ yʉhrima pahia oparã.

Juan 19:4

Eropigʉ Pilato dipaturi waha, judio masare weremi: —Peeque mʉa. Ĩre ñeri dipuwaja mara. Eropigʉ irire mʉa masiburire ĩgʉre mʉa pohro aĩgãribu iiaa, arĩmi Pilato.

Hechos 2:23

Mʉa Jesure wejẽdorecʉ̃ Goãmʉ iribojegue ĩgʉ “Eropa waroca,” ĩgʉ arĩdiro dopa ta eropa wahabʉ. Eropirã mʉa Jesure crusague wejẽdorerã wiabʉ ĩgʉre masa ñerãre.

Hechos 7:52

Mʉa ñecʉ sʉmarã árĩpehrerã Goãmʉ ya weremʉhtanirãre ñero iiñuma. Erã Goãmʉ yare weremʉhtanirãpʉ “Pʉhrʉ õagʉ Goãmʉ yare weremʉhtagʉ arigʉcumi,” arĩ erã wererã árĩcʉ̃ peeñuma mʉa ñecʉ sʉmarã mʉra. Eropa arĩ werenirã mʉrare wejẽmʉriñuma. Eropirã “Õagʉ,” erã arĩgʉre mʉa sã dohpaguere ĩgʉ ya curu majarã árĩquererã ta ĩgʉre wejẽabʉ.