Juan 19:11 - Desano

¹¹ Ĩgʉ eroparĩcʉ̃ Jesu yʉhripʉ daja: —Goãmʉ mʉre dorebiricʉ̃ ne iimasibiriboaya mʉhʉ. Eropigʉ yʉre ĩhaturirãre wiadigʉpʉ mʉ tauro ñero dipuwajacʉgʉcumi, arĩpʉ Jesu Pilatore.

Juan 19:11 Iomraidhean Croise

Mateo 26:65

Ĩgʉ eroparĩcʉ̃ peegʉ pahia opʉ, ĩgʉ basi ĩgʉ sañarañe suhrirore yeguecãpʉ gajirãre “Guatariacãmi,” arĩdoregʉ. —Ĩre weresãrãre gajirãre gamebeaa pare. Ĩgʉ basi Goãmʉre ĩgʉ ñero wereniguicʉ̃ peea mari. Eropirã ĩgʉ ñero iira dipuwajare masituhaa mari.

Mateo 27:2

Erã eropa weretamura pʉhrʉ ĩgʉre dihri, Pilato waĩcʉgʉ opʉ pohrogue aĩgã, ĩgʉre oñorã Pilatore. Pilatopʉ iri yeba majarã opʉ árĩmi.

Mateo 6:13

Eropigʉ gʉa ñero iiborare cãhmotaque. Eropigʉ gʉare ñerire iibiricãcʉ̃ iique. Mʉhʉ gʉa Opʉ turagʉ eropa árĩniguigʉca. Árĩpehrerã mʉre eropa umupeoniguicãrãcoma, arĩ serẽque Goãmʉre, arĩ werepʉ Jesu.

Marcos 14:44

Negohrare Jesure ĩhaturirãre obu, õpa arĩtuhapʉ: —Yʉ ĩgʉ wayuporãre mimigʉ ĩgʉ ta árĩgʉcumi mʉa ñeabu. Ĩgʉre yʉ mimira pʉhrʉ ñeaque. Eropirã ĩgʉre õaro ñeaque ĩgʉ duhribiriboro dopa, arĩ wereserepʉ Judapʉ erãre.

Lucas 22:53

Ʉmʉri nʉcʉ Goãmʉ wihigue mʉa mera yʉ árĩcʉ̃, mʉa yʉre ñeabiribʉ. Eropa arĩquerecʉ̃ ta dohpague mʉa ñerã yanʉ ta ãhraa. Watĩ ĩgʉ tarinʉgaburisubu árĩro iiaa, arĩpʉ Jesu.

Juan 18:13

Dirituha Ana waĩcʉgʉ pohrogue aĩgãmʉhtama erã. Anapʉ Caifa mʉñecʉ árĩmi. Caifapʉ iri bojorire pahia tauro opʉ árĩmi.

Juan 18:3

Eropa masigʉ pe curu surara mera aridi árĩmi ĩgʉ. Yuju curu surara gohra árĩma. Gaji curu surara Goãmʉ wihire corerã árĩma. Pahia oparã, fariseo masa erã obeonirã árĩma surara. Eropa arirã sihãri dipurure, eropárĩcʉ̃ yucʉ mojocʉma erã.

Juan 19:10

Ĩgʉ yʉhribiricʉ̃ ĩagʉ Pilato ĩgʉre serẽpinemopʉ: —¿Yʉre yʉhribeari mʉhʉ? Yʉhʉ mʉre peresu árĩgʉre wiumasia. Eropigʉ mʉre crusague pabia wejẽdoremasia yʉhʉ. ¿Irire masibeari mʉhʉ? arĩpʉ Pilato Jesure.

Juan 3:27

Erã eroparĩcʉ̃ peegʉ Ñu yʉhripʉ: —Ĩgʉ dorerire ĩgʉ opacʉ̃ Goãmʉ ĩgʉre odi árĩmi.

Juan 7:30

Ĩgʉ eroparĩcʉ̃ peerã ĩgʉre ñeadiarima. Erã eropa ñeadiaquerecʉ̃ ta Jesu ĩgʉ ñero tariburisubu árĩbiriyoro dohpa. Eropirã erã ĩgʉre ñeamasibirima.

Juan 9:41

Erã eroparĩcʉ̃ Jesu õpa arĩmi: —“Cuiri ĩhajabirã erã ĩha masibiro dopa ta diaye õaro masibeaa gʉa,” mʉa arĩcʉ̃ dipuwaja mariboya. “Gʉa õaro masirã ãhraa,” mʉa arĩrã ãhraa. Eropirã yʉre peediabirira dipuwaja mʉare dipuwaja ãhraa dohpaguere, arĩmi Jesu erãre.

Hechos 2:23

Mʉa Jesure wejẽdorecʉ̃ Goãmʉ iribojegue ĩgʉ “Eropa waroca,” ĩgʉ arĩdiro dopa ta eropa wahabʉ. Eropirã mʉa Jesure crusague wejẽdorerã wiabʉ ĩgʉre masa ñerãre.

Hechos 3:13

Mari ñecʉ sʉmarã mʉra Abrahã, Isaa, Jacobo mʉra Goãmʉre umupeomʉriñorã. Erã umupeodigʉpʉ Goãmʉpʉ ĩgʉ magʉre Jesure turagʉ, õagʉ ĩgʉ árĩcʉ̃ ĩhmumʉrimi. Mʉa Jesure ĩhaturirãre ohabʉ. Eropigʉ Pilato ĩgʉre ĩgʉ peresugue wiudiacʉ̃ mʉapʉ ĩgʉre ĩgʉ wiucʉ̃ gamebirabʉ. Pilatore Jesure ohabʉ mʉa.

Hechos 4:28

Irisubu mʉ gamediro dopa ta “Eropa waroca,” mʉ arĩdiro dopa ta iiama erã. Mʉ masiri mera eropa wereyoro mʉhʉ.

Romanos 11:36

Goãmʉ árĩpehrerire iidi árĩmi. Eropigʉ ĩgʉ turari mera árĩpehrerire árĩcʉ̃ iidoredi árĩmi ĩgʉ. Eropiro árĩpehreri ĩgʉ iiburi ãhraa. Eropirã árĩpehrerinʉri ĩgʉre umupeorã mari. Eropa ta iirã mari.

Romanos 13:1

Árĩpehrerã oparãre Goãmʉ dihta apimi. Eropigʉ mʉa tauro oparã sãre Goãmʉ ta beye apidigʉ árĩmi. Ĩgʉ eropa apinirã erã árĩcʉ̃ ĩarã árĩpehrerã mʉa erãre yʉhrique.

Santiago 1:17

Mari Pagʉ ʉmaro majagʉ marire õari dihtare ohomi. Ĩgʉ tamera abe ʉmʉ majagʉre, ñami majagʉre, necã sãre ĩhacũnugudigʉ árĩgʉ, ĩgʉpʉ ne gohrotobeami. Eropigʉ ĩgʉ árĩniguidiro dopa árĩniguicãmi.

Santiago 4:17

Eropirã õarire mari iiburire masiquererã ta irire iibirã ñerire iirã iiaa mari.