Juan 15:1 - Desano

¹ Eropigʉ werenigui queori mera buhegʉ gʉare õpa arĩmi Jesu: —Yʉhʉ iguiru diaye majaru iro dopa árĩgʉ ãhraa. Yʉ Pagʉpʉ iguirure ĩhadibugʉ iro dopa árĩgʉ ãhrimi.

Juan 15:1 Iomraidhean Croise

Mateo 15:13

Irire pee õpa arĩ yʉhrimi gʉare: —Erã otera iro dopa ãhrima. Yʉ Pagʉ ʉmaro majagʉ árĩpehreri oterare ĩgʉ otebirirare nuguri mera ta cura cóãgʉcumi.

Mateo 20:1

Eropi dipaturi Jesu queorire weremi daja õpa arĩgʉ: —Ʉmaro majagʉ opʉ ĩgʉ árĩri werediacʉ̃ pohe opʉ iro dopa ãhraa. Ĩgʉ pohe opʉ boyo pãri merejacʉ̃ ĩgʉ pohere mohmemorãre sihugʉ wañumi.

Mateo 21:33

Eropi Jesu dipaturi ĩgʉ pepiri mera õpa arĩ queorire moa erãre buhenemomi: —Gajisubu mʉare werenigui queoriñere yʉ werecʉ̃ peeque daja, arĩmi. Yeba opʉ árĩñumi. Ĩgʉ ya pohere iguidarire oteñumi. Otetuha, sãrirore nugu, iguire erã cʉhra bujuburi gobere seañumi. Pohe decogue ʉmari wihigã sãre iiñumi ĩhadibumaja õaro. Eropigʉ gajirãre ĩgʉ ya pohe deco mera apiñumi erã mohme corera waja. Eropigʉ iri pohere erãre mohme coredoretuhaja gaji yebague waha wañumi ĩgʉ.

Marcos 12:1

Eropi Jesu queori mera buhenʉgapʉ daja erãre. —Yeba opʉ árĩñumi. Iri yebare ĩgʉ ya iguidarire oteñumi. Otetuha sãrirore nugu, iguire erã cʉhra bujuburi gobere seañumi. Pohe decogue ʉmari wihigã sãre iiñumi ĩhadibuma õaro. Eropigʉ gajirãre ĩgʉ ya pohe deco mera apiñumi erã mohme corera waja. Eropigʉ iri pohere erãre mohme coredoretuhaja gaji yebague waha wañumi ĩgʉ.

Lucas 13:6

Eropa arĩtuhaja, Jesu i queori mera werepʉ erãre: —Pohe opʉ ĩgʉ pohegue ĩgʉ higueragʉre opapʉ. Eropigʉ ĩgʉ irigʉ dʉcare amagʉ waripʉ. Bocabiripʉ.

Juan 1:17

Goãmʉ dorerire Moisepʉ apimʉhtapʉ marire. Jesucristopʉ Goãmʉ masare ĩgʉ mahirire buhegʉ árimi. Goãmʉ ĩgʉ diaye wereniguiri sãre buhegʉ árimi ĩgʉ.

Juan 1:9

Cristo boyogoro dopa ta árĩgʉ árĩpehrerã masare Goãmʉre masicʉ̃ iibu i yebaguere aridigʉ árĩmi. Diaye ta ãhraa. Ĩgʉ masare masicʉ̃ iigʉ ta ãhrimi.

Juan 15:2

Iguirure iri dʉpʉri gamesʉriro dopa ta mʉa yaharã yʉ mera ãhraa. Dʉca mariri dʉpʉrire iguirure ĩhadibugʉ ĩgʉ peha cóãro dopa ta yʉ Pagʉ ĩgʉ gamerire iibirãre cohãmi. Dʉcacʉri dʉpʉrire iguirure ĩhadibugʉ ĩgʉ amuro dopa ta yʉ Pagʉ ĩgʉ gamerire iirãre itamugʉcumi ĩgʉ “Yʉ gamerire iinemoporo,” arĩgʉ.

Juan 6:32

Erã eroparĩcʉ̃ Jesu weremi erãre: —Diaye mʉare arĩgʉ iiaa. Moisepʉ iri ʉmaro maja barire mʉa acawererãre obiriñumi. Yʉ Pagʉpʉ ʉmaro maja barire diaye maja barire mʉare ogʉ ãhrimi.

Juan 6:55

Yʉ dʉpʉ diaye ta bari gohra iro dopa ãhraa. Yʉ di diaye ta ihriri gohra iro dopa ãhraa.

Romanos 11:17

Yujurãyeri erã eropa árĩrã árĩquerecʉ̃ ta gajirã erã acawererãpʉre judio masare Goãmʉ boje apinimi dohpa. Judio masa Goãmʉ ĩgʉ beyemʉhtanirã olivo waĩcʉdigʉ otedigʉ dʉpʉri iro dopa ãhrima. Mʉa judio masa árĩbirã ĩgʉ beyemʉhtanirã árĩbirã nʉgʉ majagʉ dʉpʉri iro dopa ãhraa. Olivo otedigʉ dʉpʉrire yujuyeri dʉpʉri ĩgʉ tabe cóãdiro dopa ta gajirã judio masapʉre Goãmʉ cóãmi. Eropa cóãgʉ ĩgʉ yarã árĩbirã wacʉ̃ iimi erãre. Ĩgʉ cóãra dʉpʉrire gaji dʉpʉrire nʉgʉ majagʉ dʉpʉrire gohroto tuhboro dopa, Goãmʉ judio masare judio masa árĩbirã mera gohrotomi. Eropa gohrotogʉ mʉare judio masa árĩbirãre ĩgʉ yarã wacʉ̃ iimi.

1 Corintios 3:9

Eropirã gʉa Goãmʉ yare mohme corerã ãhraa. Eropa gʉa mohme corerã Apolo yʉ mera majagʉ ãhrimi. Mʉapʉ Goãmʉ ya pohe iro dopa ta ãhraa. Mʉa eropa árĩcʉ̃ Goãmʉ ya pohe iri maja yucʉre ĩgʉ bʉganemocʉ̃ iidiro dopa ta mʉare ĩgʉ yare masinemocʉ̃ iimi ĩgʉ. Eropigʉ Goãmʉ mʉare ĩgʉ yarãre õarã árĩcʉ̃ iigʉ iimi. Eropirã mʉa Goãmʉ mohmeri wihi iro dopa ãhraa mʉa gaji werenigui queori mera werediacʉ̃.

1 Juan 2:8

Iri doreriñe “Gajirãre mahi umupeoque,” arãa. Cristo iri doreriñere iigʉ masare umupeomi. Eropiro dohpaguere iri doreriñe mʉrañe doreriñe árĩquerero ta mama doreriñe sã ãhraa. Dohpaguere mʉa pee masibirirañe pehre wahgãro iiaa õaro. Jesucristo mʉare pee masicʉ̃ iigʉ eratuhajami. Eropirã mʉa sã masare umupeorã iiaa.