Juan 13:5 - Desano

⁵ Dirituha soropa mera decore pisã, gʉare ĩgʉ buherãre gʉa guburire coenʉgami. Gʉare coetuha ĩgʉ dirira gasiro mera tucoemi gʉa guburire.

Juan 13:5 Iomraidhean Croise

Lucas 7:44

Eropa arĩtuha ĩgʉre pipeodigore maji ĩha, Jesu Simore werenemopʉ: —Igore ĩaque mʉhʉ. Mʉ ya wihire yʉhʉ ñajarara pʉhrʉ yʉ guburi coeburi decore obirabʉ mʉhʉ. Igopʉ igo ya codeco mera yaha guburire coemo. Pʉhrʉ igo ya poari mera tucoeamo.

Juan 13:10

Ĩgʉ eroparĩcʉ̃ Jesu õpa arĩmi: —Yujugʉ masʉ guhagʉ ĩgʉ dʉpʉre õaro tucoepehomi. Eropiro ĩgʉre dipaturi tucoema masiya mara. Ĩgʉ guburi dihtare coero gahmea. Árĩpehrerã mʉa ñeri iirare coenirã mʉa árĩquerecʉ̃ ta yujugʉ mʉa mera majagʉ ĩgʉ ñerire coeya marigʉ ãhrimi, arĩmi Jesu.

Juan 13:6

Gajirã buherãre coegã, Simo Pedroguere ejami. Ĩgʉ guburire ĩgʉ coeboro core, Pedropʉ ĩgʉre õpa arĩmi: —Opʉ, ¿yʉ guburire coebu iiri mʉhʉ? arĩmi Jesure Pedro.

Juan 13:8

—Yʉ guburire ne coesome mʉhʉ, arĩmi Pedro. —Mʉre yʉ coebiricʉ̃ yahagʉ árĩsome mʉhʉ, arĩmi Jesu.

Juan 19:34

Eropa panuabirã yujugʉ surara ĩgʉ patore gohra gubuye ĩgʉre ñosemi. Ĩgʉ eropa ñosecʉ̃ mata ĩgʉ di, deco mera wiribʉ.

Hechos 22:16

Eropirã dohpaguere yoari boje árĩbiricãrã. Wahgãnʉgajaque. Eropigʉ waĩyedigʉ árĩque. Jesure mʉ serẽcʉ̃ mʉ ñerire cóãgʉcumi,” arĩmi ĩgʉ yʉre, arĩpʉ Pablo.

1 Corintios 6:11

Iribojeguere mʉa yujurãyeri eropa iirã árĩyoro. Eropa iinirã mʉa árĩquerecʉ̃ ta dohpaguere mʉa ñero iirare cóãtuhami Jesucristopʉ. Eropa ĩgʉ taunirã mʉa árĩcʉ̃ ĩgʉ yarã árĩmorã iimi Goãmʉ mʉare. Eropa iigʉ “Õarã ãhrima,” arĩ ĩhami ĩgʉ mʉare. Eropa ta iimi mʉare mari Opʉ Jesucristo mera, Espíritu Santo mera.

Efesios 5:26

Cristo marire ĩgʉ yarã árĩcʉ̃ iibu sĩripʉ mari ñeri marirã árĩcʉ̃ iibu. Eropigʉ mari ñerire coeweadi árĩmi ĩgʉ wereniguiri mera deco mera ĩgʉ waĩyeri mera.

1 Timoteo 5:10

“Igo õarire iigo ãhrimo,” masa erã arĩgore gojatuque. Eropirã igo porãre õaro masugo árĩdigore gojatuque. Eropirã igo ya wihire gajirãre õaro mera ñajaridoregore gojatuque. Eropirã pohro majago iro dopa Jesu yarãre itamugore ñero tarirãre itamugore, árĩpehrerãre mojomoro ĩagore, õari dihtare iidiagore gojatuque. Eropa árĩrãre ĩagʉ iripũ ta erã waĩre gojatuque mʉa erã mʉa itamumorã árĩborore.

Hebreos 10:22

Eropirã, yʉ acawererã, Cristo mari pahia opʉ árĩcʉ̃ ĩha mari Goãmʉ mera wereniguimasirã árĩrã Goãmʉre serẽrã. Diaye pepirã árĩrã, “Ĩgʉ yʉhrigʉcumi,” arĩ umupeorã ĩgʉre serẽrã. Cristo mari ñerire ĩgʉ di mera coenirã ãhraa. Eropirã “Dipuwajacʉrã ãhraa,” arĩ pepirã árĩbeaa mari. Eropirã gʉhrari mariri deco mera coeweasũnirã iro dopa ãhraa. Eropa árĩrã Goãmʉre serẽrã.

1 Juan 1:7

Eropirã mari Goãmʉ iidiro dopa ta mari õarire iiniguirã tamera, Goãmʉ mera õaro árĩrã iiaa. Mari basi sã õaro árĩrã iiaa. Eropigʉ Jesucristo Goãmʉ magʉ mari ñeri iirire árĩpehrerire coegʉ ãhrimi. Ĩgʉ crusague sĩrigʉ ĩgʉ dire cóãmi. Ĩgʉ eropiigʉ mari ñeri iirire coeniguicãmi.

1 Juan 5:6

Jesucristo i yebague erami. I yebaguere árĩgʉ deco mera waĩyesũmi. Deco dihta árĩbeaa. Pʉhrʉ sĩrigʉ ĩgʉ di cóãmi. Eropirã Jesucristore ĩgʉ deco mera waĩyecʉ̃ ĩha ĩgʉ ya di cóãcʉ̃ ĩha “Ĩgʉ Goãmʉ magʉ ta ãhrimi,” arĩ masia mari. Jesucristo árĩricʉrire diaye ta marire árĩpehrerãre masicʉ̃ iimi Espíritu Santo. Espíritu Santo diaye majare marire masicʉ̃ iimi.

Apocalipsis 1:5

Cristo ĩgʉ mahiri mera mʉare õadorea daja. Ĩgʉ Cristo Goãmʉ yare gʉyaro mariro weregʉ ãhrimi. Eropigʉ ĩgʉ sĩridigʉ ĩgʉ masa mʉriadigʉ ne dipaturi sĩrisome ĩgʉ. Ĩgʉ yarã waborore masa mʉriamʉhtadigʉ ãhrimi. Eropigʉ i yeba majarã árĩpehrerã oparã tauro opʉ ãhrimi ĩgʉ. Marire mahigʉ ĩgʉ di cóãra mera mari ñeri iirare cóãdi árĩmi ĩgʉ.

Apocalipsis 7:14

Ĩgʉ eroparĩcʉ̃ peegʉ, —Masibeaa, arĩ yʉhriabʉ yʉpʉ. —¿Noa ãhriri erã? arĩ serẽpiabʉ ĩgʉre. Yʉ eroparĩcʉ̃ peegʉ õpa arãmi yʉre: —Oã ñetariaro taririnʉri árĩcʉ̃ yujuro bojerã ãhrima, arãmi ĩgʉ yʉre. Erã suhrire coewearo dopa ta Cordero ĩgʉ di cóãra mera erã ñerire coenirã ãhrima. Eropirã õari boreri suhricʉrã ãhrima.