Juan 13:21 - Desano

²¹ Eropa arĩ weretuha Jesu turaro bʉjaweremi. Eropa bʉjaweregʉ õpa arĩ weremi ĩgʉ gʉare. —Diaye mʉare arĩgʉ iiaa. Yujugʉ mʉa mera majagʉ yʉre ĩhaturirãre wiagʉcumi, arĩmi Jesu.

Juan 13:21 Iomraidhean Croise

Mateo 26:21

Gʉa barisubu ĩgʉ gʉare weremi: —Diaye ta mʉare arĩgʉ iiaa. Yujugʉ mari mera majagʉ ta yʉre ĩhaturirãre ĩhmugʉcumi yʉre, arĩ weremi ĩgʉ gʉare.

Mateo 26:38

Eropa bʉjaweregʉ ĩgʉ mera majarãre ĩgʉ sihugãnirãre arĩpʉ: —Bʉrigã ñero sĩporãcʉa yʉhʉ. Yʉre turaro pũriro dopa ta pepigʉ iiaa. Sohõñari wanigʉ iiaa. Ohõ dujanique mʉa. Eropirã yʉ mera ta tʉyʉque mʉa sã, arĩpʉ ĩgʉ erãre.

Marcos 14:18

Eropirã erã mesague erã ba doarisubu Jesu erãre werepʉ: —Diaye arĩgʉ iiaa mʉare. Yujugʉ mʉa mera majagʉ ta yʉ mera bagʉ ta yʉre ĩhaturirãre ĩhmugʉcumi, arĩ werepʉ Jesu erãre.

Marcos 3:5

Erã eropa yʉhribiricʉ̃ ĩagʉ Jesu erãre ĩhamehtu erã mera guapʉ. Erã ĩgʉre peediabiricʉ̃ ĩagʉ Jesu erã mera bʉjawerepʉ. Eropigʉ mojoto bʉhadigʉre arĩpʉ: —Mʉ mojotore sĩsirãbeoque, arĩpʉ ĩgʉre. Ĩgʉ eroparĩcʉ̃ peegʉ ĩgʉ mojotore sĩsirãbeopʉ ĩgʉ. Ĩgʉ eropiicʉ̃ ta õari mojoto wayoro.

Juan 11:33

Eropigʉ igo judio masa igo mera arinirã sã erã orecʉ̃ ĩagʉ Jesupʉ turaro bʉjawere ñero sĩporãcʉmi.

Juan 11:35

Erã eroparĩcʉ̃ peegʉ Jesu oremi.

Juan 11:38

Eropigʉ Jesu dipaturi turaro bʉjaweremi. Eropirã árĩpehrerã Lázaro mʉrʉ masa gobegue ejabʉ. Ʉtãyegue árĩri gobegue ĩgʉ dʉpʉ mʉraro erã sĩ acura gobegue árĩbʉ. Eropi iri gobegue wʉariye ʉtãye mera erã bihara gobegue árĩbʉ.

Juan 12:27

Õpa arĩnemomi gʉare. —Dohpaguere yʉhʉ ñero sĩporãcʉa. ¿Yʉ Pagʉre dohpa arĩgʉcuri yʉhʉ? “¿Ahʉ, yʉ ñero tariborore tauque,” ¿arĩbocuri yʉhʉ? Irire arĩbeaa yʉhʉ. Ñero taribu ta i yebaguere aribʉ. Eropiro yʉ ñero tariburisubu dohpaguere ãhraa, arĩ weremi Jesu gʉare ĩgʉ buherãre.

Juan 13:18

“Mʉare árĩpehrerãre eropa arĩbeaa. Yʉ beyenirãre masia yʉhʉ. Goãmʉ yare erã gojarapũ arĩdiro dopa ta eropa waroca. “Yʉ mera bagʉ ta yʉre wejẽdiami,” arĩ gojañuma Goãmʉ yare erã gojarapũgue.

Juan 13:22

Ĩgʉ eroparĩcʉ̃ peerã Jesure wiabure masibirã, gʉa game ĩhamehtubʉ.

Hechos 17:16

Eropigʉ Pablo Atenague coregʉ iipʉ Sila, Timoteo sãre. Eropigʉ Atena majarã erã goãmarã wéanirãre bajarã erã opacʉ̃ ĩagʉ Pablo bʉrigã bʉjawerepʉ erã mera.

1 Juan 2:19

Oã Cristore ĩhaturirãpʉ mari mera árĩquererã mari yarã diaye árĩbeama. Eropirã marire cohã wiriama. Erã mari yarã árĩrã mari mera dujaboañuma. Eropirã marire cohã wiriama. Erã eropa wiriacʉ̃ mari mera majarã erã árĩbirirare masia mari.