Juan 13:16 - Desano

¹⁶ Diaye mʉare arĩgʉ ta iiaa. Mʉa yʉ pohro majarã dopa árĩrã yʉ tauro árĩbeaa. Mʉare buhedore yʉ obeorã ãhraa mʉa. Eropirã yʉ tauro árĩbeaa mʉa. Eropa iigʉ ta “Yʉ iidiro dopa ta iique,” arãbʉ yʉhʉ mʉare.

Juan 13:16 Iomraidhean Croise

Lucas 6:40

Buherã erãre buhegʉre masitarinʉgabeama. Eropirã árĩpehrerã buherã erãre õaro buhepehora pʉhrʉ erãre buhegʉ iro dopa ta masirãcoma. Eropirã erãre buherã masibirã árĩbiricãporo, arĩpʉ Jesu.

Juan 15:20

Mʉa yaharã árĩrã “Yʉ tauro árĩbeaa,” mʉare yʉ arĩrare guñaque mʉa. Eropa yʉ mera majarã árĩrã yʉ ñero tariboro dopa ta ñero tarirãca mʉa sã. Yʉre ñero iinirã ta mʉa sãre ñero iirãcoma. Yʉ buherire yʉhrinirã ta mʉa buheri sãre yʉhrirãcoma.

Juan 3:3

Ĩgʉ eroparĩcʉ̃ Jesu werepʉ: —Diaye mʉre arĩgʉ iiaa. Ne masa dehyoagʉ iro dopa dipaturi masa dehyoagʉ dihta Goãmʉ yagʉ árĩmasimi. Mʉ sã eropa ta árĩmasia, arĩpʉ Jesu.

Juan 3:5

Ĩgʉ eroparĩcʉ̃ Jesu yʉhripʉ: —Diaye ta arĩgʉ iiaa mʉre. Ne masa dehyoagʉ iro dopa ta deco mera, Espíritu Santo ĩgʉ turari mera dipaturi masa dehyoagʉ dihta Goãmʉ yagʉ árĩmasimi.

2 Corintios 8:23

Tito sãre mʉare weregʉra. Ĩgʉ yʉ mera majagʉ ãhrimi. Mʉare yʉ itamucʉ̃ ĩgʉ yʉ mera mohmegʉ ãhrimi. Gajirã ĩgʉ mera wamorã Jesu yarã erã beyenirã erã obeorã ãhrima. Erã Cristo yare iima gajirã Cristore erã umupeoboro dopa.

Filipenses 2:25

Yʉre itamudorerã mʉa Epafroditore obeoabʉ yʉ pohrogue. Ĩgʉ yʉ acaweregʉ, yʉ mera mohmegʉ, yʉ wapi, Goãmʉ yare buheturagʉ ãhrimi. Ĩgʉ mʉare turaro guñabeomi. Eropigʉ ĩgʉ dorecʉrare mʉa peecʉ̃ masigʉ ĩgʉpʉ “Erã yʉre guña bʉjawerecoma,” arĩ guñaricʉmi. Eropa ĩgʉ wʉaro guñaricʉcʉ̃ ĩagʉ ĩgʉre mʉa pohrogue omedujuro gahmea yʉre, arĩ pepia yʉhʉ dohpaguere.