Juan 13:1 - Desano

^1-3 Eropi Pascua bosenʉ coregã árĩbʉ. Iri ñamire Jesu gʉa ĩgʉ buherã mera iri bosenʉre babu árĩmi. Eropigʉ i yebare ĩgʉ wiriaborore ĩgʉ Pagʉ pohro waburire merogã dʉhyacʉ̃ masidigʉ árĩmi Jesu. Gʉa barisubu Judare watĩ doretuhadigʉ árĩmi ĩgʉ pepirigue. Eropigʉ ĩgʉre Simo Iscariote magʉre Jesure ĩhaturirãre iri ñamire ĩgʉ wiaburire doretuhadigʉ árĩmi. Jesu ĩgʉ yarãre i yeba árĩrãre bʉrigã mahidigʉ árĩmi. Eropigʉ ĩgʉ mahirare ĩhmubu gʉa guburire coemi. Ĩgʉ Goãmʉ pohrogue ĩgʉ arirare, pʉhrʉ ĩgʉ ʉmarogue ĩgʉ mʉriaburi sãre masidigʉ árĩmi. Ĩgʉ Pagʉ Goãmʉ ĩgʉre árĩpehrerã weca opʉ ĩgʉ apira sãre masidigʉ árĩmi.

Juan 13:1 Iomraidhean Croise

Mateo 26:45

Eropa arĩtuha ĩgʉ buherã pohrogue eraa, erãre arĩpʉ: —¿Mʉa carĩrã soorã iiri dohpa? arĩpʉ ĩgʉ. Eropa arĩtuha masa erã aricʉ̃ ĩagʉ õpa arĩpʉ: —Iripẽta ãhraa. Dohparagã yʉ masʉre Goãmʉ ĩgʉ obeodigʉre ñerãre orãcoma yʉre.

Mateo 28:20

Eropirã mʉare yʉ dorerare erã iipehoburire buheque erãre mʉa. Eropirã ire yʉ arĩrare guñaque: Árĩpehrerinʉri nʉcʉ mʉa mera árĩgʉca ne i ʉmʉ pehrecʉ̃gue, arĩ weremi gʉare Jesu.

Lucas 22:53

Ʉmʉri nʉcʉ Goãmʉ wihigue mʉa mera yʉ árĩcʉ̃, mʉa yʉre ñeabiribʉ. Eropa arĩquerecʉ̃ ta dohpague mʉa ñerã yanʉ ta ãhraa. Watĩ ĩgʉ tarinʉgaburisubu árĩro iiaa, arĩpʉ Jesu.

Lucas 9:51

Irisubure Jesu ĩgʉ ʉmʉsigue ĩgʉ waboro coregã “Jerusaléngue wagʉra,” arĩpʉ ĩgʉ. Eropa arĩgʉ wagʉ iipʉ.

Juan 11:55

Irisubure Pascua bosenʉ gʉa judio masa bosenʉ árĩboro merogã dʉhyabʉ. Eropirã bosenʉ core masa bajarã gaji macari majarã masa Jerusaléngue gamenerema. Pascua majare erã baboro core Goãmʉ ya árĩburire erã basi coemorã ejanirã árĩma.

Juan 12:23

Erã werera pʉhrʉ Jesu gʉare weremi: —Yʉhʉ masʉ Goãmʉ ĩgʉ obeodigʉ ãhraa. Yʉre árĩpehrerã umupeoburisubu árĩro iiaa dohpaguere. Dohpaguere yʉ sĩriburisubu árĩro ta iiaa.

Juan 13:29

Yujurãyeri gʉa õpa arĩ pepiribʉ: “Juda gʉa niyerure dibugʉ ãhrimi. Eropigʉ bosenʉ gʉa baburire asũdoregʉ obeoami Jesu Judare. Mojomorocʉrãre niyerure odoregʉ iiami Jesu,” arĩ pepiribʉ gʉa yujurãyeri.

Juan 13:34

Mama doreriñere mʉare weregʉra. Mʉa mera majarãre mahique mʉa. Mʉare yʉ mahidiro dopa ta mʉa mera majarãre mahi umupeoque.

Juan 14:28

“Yʉhʉ wagʉca. Eropigʉ mʉa mera árĩbu dujarigʉca daja,” mʉare yʉ eropa arĩ werecʉ̃ peetuhabʉ mʉa. Irire masirã árĩrã mucubiriboaya mʉa. Yʉre mʉa diaye mahinirã árĩrã mucubiriboaya mʉa. Yʉ Pagʉpʉ yʉ tauro turami. Eropirã ĩgʉ pohrogue yʉ waborore mʉa masira pʉhrʉ yʉre mahirã mucubiriboaya mʉa.

Juan 14:31

Yʉre yʉ Pagʉ ĩgʉ dorero dopa ta iiaa yʉhʉ. Eropa ta iiaa yʉhʉ yʉ Pagʉre yʉ mahirire i yeba majarã erã masiburire. “Wahgãnʉgajaque. Ina warã, arĩmi Jesu gʉare ĩgʉ buherãre.

Juan 16:28

Yʉ Pagʉ pohro árĩdigʉ árĩgʉ i yebaguere aribʉ yʉhʉ. Eropigʉ dohpaguere i yebague árĩdigʉ árĩgʉ yʉ Pagʉ pohrogue dujagʉca daja, arĩmi Jesu.

Juan 17:1

Eropa arĩ weretuha Jesu ʉmarogue ĩhamuju õpa arĩ wereniguimi Goãmʉre ĩgʉ Pagʉre: —Ahʉ, dohpaguere mʉ werediro dopa ta yʉre erã ñero iiburisubu ejanijaro iiaa. Yʉre mʉ magʉre erã masare umupeocʉ̃ iique. Mʉ eropa iicʉ̃ masare mʉre umupeocʉ̃ iigʉra yʉ sã.

Juan 17:16

I yeba majagʉ árĩbeaa. Erã sã yʉ iro dopa ta i yeba árĩwajamorã árĩbeama.

Juan 17:26

Mʉre erãre masicʉ̃ iiabʉ. Pʉhrʉ sãre mʉre erãre masicʉ̃ iigʉca yʉre mʉ mahidiro dopa ta gajirãre erã mahiburire. Eropigʉ yaharã mera árĩgʉca, arĩmi Jesu mari Pagʉre.

Juan 17:5

I yeba árĩboro core mʉ mera yʉ árĩcʉ̃ õaro turari opabʉ. Eropigʉ dohpaguere mʉ árĩrogue irire yʉ õaro turagʉ árĩrire ĩhmuque.

Juan 18:4

Iri gorogue gʉa pohrogue erã erara pʉhrʉ Jesu ĩgʉ ñero tariborore masigʉ, erãre bocatĩri serẽpimi: —¿Noare amarã iiri mʉa? arĩmi Jesu.

Juan 19:28

Ĩgʉ eropa arĩ werera pʉhrʉ árĩpehreri Goãmʉ ĩgʉre mohmedoregʉ ĩgʉ apirare iipehogʉ árĩgʉ masipʉ Jesu. Eropa masigʉ Goãmʉ yare erã gojarapũ iribojegue erã arĩ wereyudiro dopa ta õpa arĩmi Jesu: —Ñemesibuca yʉre, arĩmi Jesu.

Juan 2:13

Pascua árĩcʉ̃ gʉa judio masa bosenʉ árĩboro merogã dʉhyanijabʉ. Eropigʉ Jesu gʉa mera Jerusaléngue wami.

Juan 6:4

Irinʉ Pascua waĩcʉri bosenʉ árĩboro judio masa bosenʉ árĩboro merogã dʉhyabʉ.

Juan 7:30

Ĩgʉ eroparĩcʉ̃ peerã ĩgʉre ñeadiarima. Erã eropa ñeadiaquerecʉ̃ ta Jesu ĩgʉ ñero tariburisubu árĩbiriyoro dohpa. Eropirã erã ĩgʉre ñeamasibirima.

Juan 7:6

Erã eropa arĩra pʉhrʉ Jesu weremi erãre: —Masa yʉre erã õaro masiburisubu dʉhyania dohpa. Mʉapʉ bosenʉre ĩadiarã waque.

Juan 8:20

Jesu erãre buhegʉ eropa arĩ wereniguimi Goãmʉ wihigue erã niyeru apiri comoro pohro. Ĩgʉ ñero tariburisubu ejabiribʉ dohpa. Eropirã erã mera ĩgʉ árĩquerecʉ̃ ta ĩgʉre ñeabirima.

Romanos 8:37

Eropirã mari ñero tariquererã ta, Cristo marire mahigʉ ĩgʉ itamuri mera, turaro mera ñerire tarinʉgarãca mari.

1 Corintios 1:8

Eropigʉ Jesucristopʉ mʉa ĩgʉre umupeoniguicʉ̃ iigʉ ãhrimi. Ĩgʉ eropa árĩgʉ árĩcʉ̃ mʉapʉ i ʉmʉ pehrecʉ̃ mʉa ñeri iira dipuwaja moorã árĩcʉ̃ iigʉcumi.

Hebreos 3:14

Eropirã negohrare Cristore mari umupeo­nʉgadiro dopa ta eropa ta mari umupeoniguicãrã, mari ojocariropẽ ĩgʉ yare duhubirã ĩgʉ mera majarã ãhraa.

Hebreos 3:6

Cristopʉ Goãmʉ magʉ árĩgʉ ta, Goãmʉ yare iiniguicãgʉ árĩgʉ Goãmʉ ya curu majarã tauro opʉ ãhrimi. Eropirã Moise tauro Cristopʉre umupeoro gahmea marire. Eropirã maripʉ Cristore guñatura duhubirã árĩrã marire ĩgʉ tauborore eropa mucubiri coreniguicãrã ĩgʉ ya curu majarã ãhraa mari.

Hebreos 6:11

Mʉa ojocariniguicãropẽ gajirãre mʉa umupeocʉ̃, mʉa itaisto yare erã duhurã Goãmʉ mmuniguicʉ̃ sãre gahmea gʉa. Mʉa eropiicʉ̃ ĩagʉ õaro iigʉcumi mari Pagʉ mʉare.

1 Pedro 1:13

Eropirã õarire guña masi árĩyuque mʉa. Eropirã gʉhyadiaro árĩque. Cristo ĩgʉ dujaricʉ̃ Goãmʉ mʉare ĩgʉ õaro tauborore guñaque. Eropirã irire õaro mucubirimʉhtarã coreque.

1 Juan 4:19

Marire Goãmʉ mahimʉhtami. Eropirã mari sã ĩgʉre mahia.

Apocalipsis 1:5

Cristo ĩgʉ mahiri mera mʉare õadorea daja. Ĩgʉ Cristo Goãmʉ yare gʉyaro mariro weregʉ ãhrimi. Eropigʉ ĩgʉ sĩridigʉ ĩgʉ masa mʉriadigʉ ne dipaturi sĩrisome ĩgʉ. Ĩgʉ yarã waborore masa mʉriamʉhtadigʉ ãhrimi. Eropigʉ i yeba majarã árĩpehrerã oparã tauro opʉ ãhrimi ĩgʉ. Marire mahigʉ ĩgʉ di cóãra mera mari ñeri iirare cóãdi árĩmi ĩgʉ.