Juan 12:6 - Desano

⁶ Judapʉ mojomorocʉrãre itamudiabiriñumi. Ĩgʉ gʉa ya niyeru dibugʉ árĩqueregʉ ta yajaricʉgʉ árĩmi. Eropigʉ ĩgʉ gʉa ya niyeru sãre yujuyerisuburi aĩmʉrimi. Eropigʉ iri niyerure aĩdiagʉ árĩgʉ, eropa arĩñumi ĩgʉ Maríare.

Juan 12:6 Iomraidhean Croise

Mateo 21:13

Eropa iigʉ õpa arĩmi: —Goãmʉ yare erã gojarapũ õpa ãhraa: Goãmʉ arĩmi: “Yaha wihi Goãmʉ mera wereniguiri wihi waĩcʉroca,” arĩmi Goãmʉ, ãhraa ĩgʉ gojarapũ. Mʉapʉ i wihire Goãmʉ wihire duadoarã game yajarã iiaa, arĩmi ĩgʉ erãre.

Lucas 8:3

Juana sã Cuza waĩcʉgʉ Herodere itamudigʉ marapo sã Jesu mera curipo. Susana waĩcʉgo sã gajirã nome mera baja erã gajino opari mera ĩgʉre itamuñorã.

Juan 10:13

Ĩgʉ mohmeri masʉpʉ ĩgʉ wajatari dihtare gahmemi. Eropigʉ ĩgʉ ovejare õaro ĩhadibudiabeami, arĩmi Jesu.

Juan 12:5

—¿Duhpigo iri poresuri eropa iisiriri igoa? Irire igo duaboañumo. Irire duago yuju bojori mohmeri wajapʉre wajataboañumo. Eropigo mojomorocʉrãre oboañumo igo, arĩmi ĩgʉ.

Juan 13:29

Yujurãyeri gʉa õpa arĩ pepiribʉ: “Juda gʉa niyerure dibugʉ ãhrimi. Eropigʉ bosenʉ gʉa baburire asũdoregʉ obeoami Jesu Judare. Mojomorocʉrãre niyerure odoregʉ iiami Jesu,” arĩ pepiribʉ gʉa yujurãyeri.

1 Corintios 6:10

yajarã, gajinore turaro gamenemorã, merericʉrã, gajirã masare ñero quere moa corerã, gʉyari mera yajarã ne Goãmʉ ĩgʉ opʉ árĩroguere wamasibeama.

Gálatas 2:10

“Iri dihta iiro gahmea,” arĩma gʉare. “Mojomorocʉrãre itamuniguicãro gahmea,” arĩma. “Eropa ta iiaa,” arĩbʉ gʉa erãre. Eropigʉ eropa ta yʉ buhe curirogue Jesu yarã mera niyerure gameneo erã mojomorocʉrãre ohaa dohpa.

1 Tesalonicenses 5:22

Eropirã iri ñerire árĩpehreri ñerire gamebiricãro gahmea.

Santiago 2:2

Eropi doberi opʉ oro berorire, mojoto sañari berorire opagʉ, wajacʉrire suhricʉgʉ mʉa Jesu yarã gamenerero pohrogue ĩgʉ aricʉ̃ ĩarã ĩgʉre õaro mera bocatĩriboca. “Ohõ doaro ãhraa,” arĩboca mʉa ĩgʉre. Eropa ĩgʉre arĩquererã ta irisubu ta gajino moogʉ mojomorocʉgʉ sã ñeriñe suhricʉgʉ sã mʉa pohro ĩgʉ aricʉ̃ ĩarã ĩgʉpʉre õaro bocatĩribiriboca mʉa. “Ohõ niguique. Ohõ yeba doaque,” arĩboca mʉa ĩgʉre.

Santiago 2:6

Erãre ĩgʉ beyequerecʉ̃ ta mʉapʉ mojomorocʉrãre õaro umupeobeaa. Doberi oparãpʉ mʉare ñero iimʉrima. Eropirã erã opʉ pohrogue mʉare aĩ taragãma mʉare weresãmorã.