Juan 11:11 - Desano

¹¹ Eropa arĩgʉ gʉare werenemomi. —Mari mera majagʉ Lázaro carĩgʉ iicumi. Ĩgʉ eropa carĩquerecʉ̃ ta yʉhʉ ĩgʉre wahgũgʉ wagʉra, arĩmi gʉare.

Juan 11:11 Iomraidhean Croise

Mateo 27:52

Eropirã masa goberi pãricʉ̃, bajarã Goãmʉ yarã árĩnirã iribojegue sĩrinirã mʉra masa wiriañorã.

Mateo 9:24

Erã eropa iicʉ̃ ĩagʉ masare õpa arĩmi: —Wiriaque mʉa. Sĩribeamo igo. Carĩgo iimo, arĩmi erãre. Ĩgʉ eroparĩcʉ̃ peerã, “Eroparĩcãgʉ iimi ihĩ,” arĩrã masa ĩayema ĩgʉre.

Marcos 5:39

—¿Ñero arĩ ñehamere orebiricãque mʉa. Igo majigo sĩribeamo. Carĩgo iimo, arĩpʉ Jesu erãre.

Juan 11:10

Naitĩaro curirã cohrema. Abe ʉmʉ majagʉ maricʉ̃ õaro ĩabeama erã, arĩmi Jesu.

Juan 11:12

—Opʉ, Lázaro carĩgʉ árĩgʉ tarigʉcumi, arĩbʉ gʉa.

Juan 11:13

Gʉa eropa arĩquerecʉ̃ ta Jesupʉ “Carĩgʉ iicumi,” arĩgʉ, “Sĩria wami,” arĩgʉ iidigʉ árĩmi. Ĩgʉ “Lázaro carĩgʉ iicumi,” arĩcʉ̃ peerã “Lázaro soogʉ iicumi,” arĩ pepiribʉ gʉapʉ.

Juan 11:3

Eropirã erã nome gajirãre Jesure weredorerã obeoñorã. —Opʉ, mʉ mahigʉ dorecʉgʉ iimi, arĩ weredorerã obeoñorã Lázaro pagʉ porã nome.

Juan 3:29

Õpa ãhraa iri: Mojoto diridigo igo marapʉ mera árĩgo wahamo. Mojoto diridigʉ mera majagʉpʉ diridigʉ ĩgʉ marapocʉcʉ̃ ĩagʉ ĩgʉ werenicʉ̃ peegʉ turaro mucubirimi. Eropigʉ mojoto diridigʉ mera majagʉ ĩgʉ mucubiridiro dopa ta yʉ sã Cristo mera masa erã wacʉ̃ ĩagʉ õaro mucubiria.

Hechos 7:60

Eropigʉ ĩgʉ mereja õpa arĩpʉ: —Opʉ Jesu, oã dohpague ñero erã yʉre iirire erãre dipuwaja moabita mʉhʉ, arĩpʉ Esteban. Eropa arĩtuhajagʉ ta sĩria wapʉ ĩgʉ.

1 Corintios 15:18

Masa mʉriariñe maricʉ̃ Cristo yarã mʉra sĩrimʉhtanirã mʉra peamegue wamorã árĩboñuma.

1 Corintios 15:34

Õarire pepirã árĩque mʉa. Eropirã õarire iirã árĩque daja. Eropirã ñerire iinemobiricãque daja. Gajirã mʉa mera majarã ne Goãmʉre masibeama. Mʉa gʉhyasĩriburire mʉare eropa arãa.

1 Corintios 15:51

Iribojeguere masa erã masibirirare dohpaguere mʉare werediaa: Mari mera majarã yujurãyeri sĩrisome. Eropirã mata erã dʉpʉre gohrotorã árĩrãcoma. Corneta ĩgʉ puriturinʉ eropa ta waroca marire. Õpa waroca: Corneta bʉsʉra pʉhrʉ sĩrinirã mʉrare Goãmʉ masugʉcumi ʉmʉri nʉcʉ erã árĩmorãre. Eropirã dʉpʉre gohrotonirã árĩrãca mari sã.

Efesios 5:14

Iri diaye ta ãhraa. Eropirã õpa wereñorã Goãmʉ yare wererã: Ne, yʉre peediabirã, yʉre peeque. Mʉa ñero iirare bʉjawereque. Irire ñero iirire duhuque. Eropigʉ Cristo mʉa ñeri iirire masicʉ̃ iigʉ, mʉare õarire masicʉ̃ iigʉcumi, arĩñorã.

1 Tesalonicenses 5:10

Ĩgʉ Jesu mari ya árĩburire ta sĩribasadigʉ árĩmi ĩgʉ mera mari árĩburire. Eropirã ĩgʉ dujaricʉ̃ ojocarirã árĩrã sĩrinirã sã yujuropa ta ĩgʉ mera árĩrãca mari ĩgʉ yarã árĩrã.

Santiago 2:23

Eropigʉ erã Goãmʉ yare erã gojarapũ erã arĩ gojadiro dopa ta eropa wayoro: “Abrahã Goãmʉre umupeopʉ. Ĩgʉ eropa umupeocʉ̃ ĩagʉ “Õagʉ ãhrimi ĩgʉ,” arĩ ĩapʉ Goãmʉ ĩgʉre,” arĩ gojañuma Goãmʉ yare erã gojarapũguere. Ĩgʉ eropa arĩ ĩacʉ̃ masirã “Abrahã Goãmʉ mera majagʉ ãhrimi,” arĩñuma masa ĩgʉre.