Juan 10:6 - Desano

⁶ Iri ĩgʉ werequerecʉ̃ ta irire peerã masibirima erã.

Juan 10:6 Iomraidhean Croise

Mateo 13:34

I árĩpehreri buherire queori mera weremi Jesu. Queori mariro werebirimi ĩgʉ masare.

Mateo 13:51

Ĩgʉ eropa arĩ werera pʉhrʉ gʉare serẽpimi ĩgʉ: —¿I árĩpehrerire peeri mʉa? arĩ serẽpimi ĩgʉ. —Peea gʉa, arĩ yʉhribʉ.

Marcos 4:34

Queoriñe mariro werebiripʉ erãre. Pʉhrʉ erã seyaro árĩrãre õaro were amupehocãpʉ Jesu ĩgʉ buherãre.

Juan 16:25

Eropa arĩtuha õpa arĩnemomi: —Werenigui queori mera mʉare weremʉrabʉ. Eropa werequeregʉ ta pʉhrʉ mʉare werenigui queori mera weresome pare yʉhʉ. Yʉ Pagʉpʉre mʉa õaro peeboro dopa weregʉra mʉare.

Juan 16:29

Ĩgʉ eroparĩcʉ̃ gʉa ĩgʉ buherã õpa arĩbʉ: —Dohpague tamerare werenigui queori mariro wereniguigʉ õaro diaye wereniguigʉ iiaa mʉhʉ gʉare.

Juan 6:52

Ĩgʉ eroparĩcʉ̃ peerã judio masapʉ õpa arĩ wereniguima erã basi: —¿Ihĩ dohpa ii ĩgʉ dʉpʉre baburi ogʉcuri? arĩma erã erã basi.

Juan 6:60

Ĩgʉ eropa wereniguicʉ̃ peerã bajarã gʉa watope árĩrã Jesure gamerã, ĩgʉre nʉrʉsianirã õpa arĩ wereniguima: —I buheri diasa ãhraa. Eropirã mari peediabiriñaria, arĩ wereniguima erã erã basi.

Juan 7:36

“Yʉ árĩborore mʉa wamasibeaa. Eropirã mʉa yʉre amaquererã ta ne bocasome,” ĩgʉ arĩgʉ ¿dohpa arĩronore ĩgʉ eropa arĩri? arĩ wereniguiñorã judio masa erã basi.

Juan 8:27

“Yʉre obeodigʉ,” ĩgʉ arĩcʉ̃ peerã “Mari Pagʉ árĩcumi,” arĩ pepibirima erã.

Juan 8:43

¿Duhpirã yʉ wereniguirire peebeari mʉa? Yʉ wererire yujuro bojebeaa mʉa. Eropirã peebeaa mʉa.

1 Corintios 2:14

Espíritu Santore opabirãpʉ irire Espíritu Santo yare erãre buhecʉ̃, “Pee masibirã wereniguiri ãhraa,” arĩma erã. Eropirã gamebeama. Espíritu Santo ĩgʉ itamuro mariro ĩgʉ yare masima masiya mara masare. Eropirã erã ĩgʉ yare ne masibeama.

2 Pedro 2:22

Eropirã dipaturi ñerire gohrotorã, masa nʉcʉ erã õpa arĩ wereniguidiro dopa ta iirã iima erã. “Diaye etocapi ĩgʉ etocapirare dipaturi ĩgʉ basi ta bahami daja. Eropigʉ yese ĩgʉre guhbura pʉhrʉ dipaturi ĩgʉ ñeri tarague oyami daja,” arĩ wereniguima masa. Eropa ta iima õarire ne gamenʉgarã dipaturi ñerire gohrotorã daja.

1 Juan 5:20

Goãmʉ magʉ i yebague aridi Goãmʉre õaro masicʉ̃ iimi ĩgʉ marire. Eropirã Goãmʉre “Diaye ta ãhrimi,” arĩ masia mari. Eropirã Goãmʉ magʉ Jesucristo yarã ãhraa mari. Eropirã Goãmʉ mera mari õaro árĩniguicãrã iiaa. Ihĩ diaye ta Goãmʉ gohra ta ãhrimi. Eropirã ĩgʉ mera árĩniguicãrãca.