Juan 10:41 - Desano

⁴¹ Eropirã masa bajarã ĩgʉre ĩarã erama. Õpa arĩma erã erã basi: —Ñu waĩyegʉpʉ Goãmʉ turari mera deyoro moarire ii ĩhmubirimi. Eropa ii ĩhmubiriquerecʉ̃ ta árĩpehreri Jesure ĩgʉ wererapʉ diaye ta ãhraa, arĩma masa erã basi.

Juan 10:41 Iomraidhean Croise

Mateo 14:2

Eropa peegʉ õpa arĩripʉ: —Ñu waĩyeri masʉ sĩridigʉ dipaturi masa dehyoagʉ iicumi. Eropa masadigʉ árĩgʉ ĩgʉ turarire opami ĩgʉ deyoro moarire iigʉ, arĩripʉ Herode ĩgʉ pohro majarãre. Jesure “Ñu mʉrʉ ta ãhrimi,” arĩ pepiripʉ ĩgʉ Ñure ĩgʉ wejẽdorera pʉhrʉ.

Marcos 1:37

Eropirã ĩgʉre bocatĩri õpa arĩñorã: —Masa árĩpehrerã mʉre ahmama, arĩñorã erã ĩgʉre.

Lucas 12:1

Eropi Jesu pohro masa bajarã gohra gamenereñorã. Cʉ̃hña taricãyoro. Ero Jesu ĩgʉ buherãre õpa arĩ werepʉ: —Õaro guña masique mʉa. Fariseo masa erã pan bʉgacʉ̃ iiburire ĩarã õaro masique. Erã gʉyarire weregʉ iiaa.

Lucas 5:1

Gajinʉ Jesu Genesare waĩcʉri ditaru tʉrogue ejapʉ. Ero ĩgʉ árĩcʉ̃ ĩarã bajarã masa Goãmʉ yare peediarã ĩgʉre nʉrʉsia ejañorã. Õaro ʉjʉtʉri nʉgajañorã masa bajarã.

Juan 1:27

Ĩgʉpʉ yʉ pʉhrʉ arigʉ yʉ tauro turagʉ ãhrimi. Õatariagʉ ãhrimi. Ĩgʉ iro dopa árĩbeaa yʉpʉ. Eropigʉ ĩgʉre pepigʉ, “Bu árĩgʉ ãhraa yʉhʉ,” arĩ pepia, arĩmi Ñu erãre.

Juan 2:11

Caná Galilea árĩri macague decore vino ĩgʉ poyacʉ̃ iira ne Goãmʉ turari mera ĩgʉ deyoro moanʉgara árĩbʉ. Eropa iigʉ gajirãre ĩgʉ turarire ii ĩhmúmi Jesu. Ĩgʉ eropa ii ĩhmura pʉhrʉ gʉa ĩgʉ buherã ĩgʉre umupeobʉ.