Juan 10:18 - Desano

¹⁸ Yʉ wejẽdorebiricʉ̃ yʉre wejẽmasibiriboñuma erã. Yʉ gamero mera yʉre wejẽrãcoma. Eropigʉ yaharã Goãmʉ mera erã ya árĩburire sĩrigʉca. Sĩrimasia yʉhʉ. Eropigʉ masa mʉriamasia. Yʉ Pagʉ yʉre irire ta iidoremi, arĩmi Jesu.

Juan 10:18 Iomraidhean Croise

Juan 10:11

Ovejare õaro ĩhadibugʉ iro dopa árĩgʉ ãhraa yʉhʉ. Ovejare õaro ĩhadibugʉ sĩribu árĩqueregʉ ta ĩgʉ ovejare cãhmotaniguigʉcumi. Yaharã Goãmʉ mera erã eropa árĩniguiburire sĩrigʉca.

Juan 10:15

Eropa ta yʉ Pagʉ sã yʉre masimi. Eropigʉ yʉ sã yʉ Pagʉre masia. Yaharã Goãmʉ mera erã árĩniguiburire sĩrigʉca.

Juan 10:17

Eropa arĩtuha õpa arĩnemomi daja: —Yaharã Goãmʉ mera erã árĩniguiburire sĩrigʉca yʉhʉ. Yʉ sĩrira pʉhrʉ masa mʉriagʉca. Yʉ eropa iibu árĩcʉ̃ yʉ Pagʉ yʉre mahimi.

Juan 14:31

Yʉre yʉ Pagʉ ĩgʉ dorero dopa ta iiaa yʉhʉ. Eropa ta iiaa yʉhʉ yʉ Pagʉre yʉ mahirire i yeba majarã erã masiburire. “Wahgãnʉgajaque. Ina warã, arĩmi Jesu gʉare ĩgʉ buherãre.

Juan 15:10

Yʉ Pagʉ ĩgʉ dorerire iiaa yʉhʉ. Eropigʉ ĩgʉ mahigʉ árĩniguia yʉhʉ. Eropa ta mʉa sã yʉ dorerire iirã yʉ mahirã árĩniguicãrãca mʉa.

Juan 19:11

Ĩgʉ eroparĩcʉ̃ Jesu yʉhripʉ daja: —Goãmʉ mʉre dorebiricʉ̃ ne iimasibiriboaya mʉhʉ. Eropigʉ yʉre ĩhaturirãre wiadigʉpʉ mʉ tauro ñero dipuwajacʉgʉcumi, arĩpʉ Jesu Pilatore.

Juan 5:26

Goãmʉ yʉ Pagʉpʉ erãre eropa árĩniguicʉ̃ iigʉ ãhrimi. Eropigʉ yʉre ĩgʉ magʉre erãre eropa árĩniguicʉ̃ iibure árĩdoremi ĩgʉ yʉre.

Juan 5:30

Eropa arĩtuha õpa arĩ werenemomi: —Yʉ gamero ne gajinore iibeaa. Ne yʉ basi yʉ gamero iibeaa. Yʉre obeodigʉ ĩgʉ gamero dopa ta iiaa. Eropigʉ ĩgʉ arĩdiro dopa ta dipuwaja moaa. Eropigʉ masare yʉhʉ dipuwaja moagʉ diaye ta iiaa.

Juan 6:38

Ʉmarogue arigʉ yʉ gamero iigʉ arigʉ iibiribʉ. Yʉre obeodigʉ ĩgʉ gamero dopa ta iigʉ aribʉ.

Hechos 2:24

Goãmʉpʉ Jesu sĩridigʉre masuami. Eropigʉ dipaturi ne sĩrisome ĩgʉ. Ĩgʉ sĩri wajabeami. Eropa ojocariniguicãbu ãhrimi.

Hechos 2:32

Ĩre Jesucristore Goãmʉ masuami. Ĩgʉ masudigʉre gʉa árĩpehrerã ĩabʉ.

Hechos 3:15

Eropirã Jesure mari ojocaricʉ̃ iigʉre wejẽabʉ mʉa. Ĩgʉ sĩricʉ̃ Goãmʉ ĩgʉre masuami. Ĩgʉre masudigʉre gʉa ĩabʉ.

Tito 2:14

Ĩgʉ Jesucristo mari ya árĩburire ta sĩridi árĩmi. Árĩpehrerã mari ñeri iirire duhucʉ̃ iibu, marire ĩgʉ yarã wacʉ̃ iibu sĩridi árĩmi. Mari ñerire ĩgʉ eropa cóãcʉ̃ mari ñerire iira dipuwaja marirã árĩrãca. Eropirã turaro õarire iidiarã árĩrãca.

Hebreos 2:9

Jesupʉ árĩpehrerã weca opʉ ãhrimi. Bajamenʉrigã anyua doca mari Pagʉ ĩgʉ sãre apipʉ. Mari yañe árĩborañere sĩribasabure ĩgʉre eropa apidi árĩmi. Mari Pagʉ marire mahigʉ Jesure mari ya árĩburire ĩgʉ sĩricʉ̃ gamepʉ. Eropigʉ ĩgʉ eropa sĩricʉ̃ ĩagʉ ĩgʉre turarire ogʉ, opʉ acupʉ ĩgʉre pare árĩpehrerã ĩgʉre umupeoborore.