Juan 1:51 - Desano

⁵¹ Eropa arĩgʉ õpa arĩ werenemomi: —Diaye ta mʉre arĩgʉ iiaa. Yʉhʉ masʉ Goãmʉ ĩgʉ obeodigʉ ãhraa. Ʉmarogue Goãmʉ yarã anyua erã yʉ weca erã dijaricʉ̃, erã mʉriacʉ̃ sãre ĩagʉca mʉhʉ, arĩmi Jesu ĩgʉre.

Juan 1:51 Iomraidhean Croise

Mateo 25:31

Eropi Jesu werenemomi: —Yʉhʉ masʉ Goãmʉ ĩgʉ obeodigʉ árĩpehrerã anyua mera doregʉ dujarigʉca. Eropa dujarigʉ opʉ doarogue yʉ gosesiriri mera doagʉca.

Mateo 26:24

Iribojegue erã yʉre arĩ gojadiro dopa ta yʉhʉ masʉ Goãmʉ ĩgʉ obeodigʉ sĩrigʉca. Yʉre ĩhaturirãre ĩhmudigʉpʉ ñetariaro tarigʉcumi. Eropiro ĩgʉpʉre ĩgʉ masa dehyoabiricʉ̃ õaboya. Ñero taribiriboñumi, arĩmi Jesu.

Mateo 3:16

Eropa arĩtuhaja Jesure waĩyepʉ. Waĩyetuhajacʉ̃ Jesu diague niguidigʉ majanʉgajapʉ. Ĩgʉ majanʉgajacʉ̃ ta, ʉmʉsi ĩgʉre pãrima wayoro. Eropigʉ Goãmʉ yagʉ Espíritu Santo buja iro dopa bejagʉ ĩgʉ weca ĩgʉ dijaricʉ̃ ĩapʉ ĩgʉ basi.

Mateo 4:11

Ĩgʉ eroparĩcʉ̃ peegʉ watĩ waha wapʉ. Ĩgʉ wara pʉhrʉ anyuapʉ eja, Jesure itamuñorã. Ĩgʉre barire oñorã.

Mateo 8:20

Jesu õpa arĩ yʉhripʉ: —Yʉ mera árĩcʉ̃ diasa ãhraa. Nʉgʉ majarã diayea erã carĩburi toreri opama. Mirimagʉ porã sã erã ya suhri opama. Yʉpʉre Goãmʉ ĩgʉ obeodigʉpʉre ne yaha wihi mara. Eropirã yʉ mera árĩrã ñero tarirãca mʉa, arĩ yʉhripʉ Jesu.

Mateo 9:6

Yʉhʉ masʉ Goãmʉ ĩgʉ obeodigʉ i yeba majarã erã ñero iirire cóãmasia yʉhʉ. Mʉa ire masiborore õpa ta ĩgʉ wahgãnʉgacʉ̃ iigʉra, arĩpʉ Jesu. Eropa arĩtuhaja dʉpʉ bʉhadigʉre õpa arĩpʉ: —Wahgãnʉgajaque. Mʉ pũgʉre aĩ, mʉ ya wihigue dujaaque, arĩpʉ ĩgʉre.

Marcos 1:10

Ĩgʉ waĩyetuhajacʉ̃ Jesu diague niguidigʉ, majanʉgaja ʉmarogue ĩhamujupʉ. Ʉmʉsi pãrimaa wayoro. Ero pãrimaacʉ̃ ta Espíritu Santo buja iro dopa bejagʉ ĩgʉ weca dijibejajapʉ.

Marcos 14:62

Ĩgʉ eropa arĩcʉ̃gue ta Jesu yʉhripʉ: —Ĩgʉ ta ãhraa. Eropirã yʉhʉ masʉ Goãmʉ ĩgʉ obeodigʉ yʉ Pagʉ turagʉ pohro, ĩgʉ diayepʉ yʉ doacʉ̃ ĩarãca mʉa. Eropirã ʉmaro maja imica watope yʉ aricʉ̃ sãre ĩarãca mʉa, arĩpʉ Jesu ĩgʉre.

Lucas 2:13

Ĩgʉ eroparĩcʉ̃ ta bajarã ʉmaro majarã árĩmʉhtadigʉ anyu mera bayapeoñorã. Õpa arĩ bayapeoñorã erã:

Lucas 2:9

Eropigʉ Goãmʉ ĩgʉ obeodigʉ anyu erãre dehyoapʉ. Ĩgʉ eropa dehyoacʉ̃ Goãmʉ ĩgʉ gosesiriri erãre boyoweayoro. Eropa wacʉ̃ ĩarã, ovejare ĩhadiburã güia wañorã.

Lucas 22:43

Ĩgʉ eropa arĩ serẽcʉ̃ ʉmarogue aridigʉ anyu Jesure dehyoapʉ ĩgʉre itamugʉ.

Lucas 22:69

Mʉa yʉre wiubiriquerecʉ̃ ta pʉhrʉ ñari ʉmʉri nʉcʉ yʉhʉ masʉ Goãmʉ ĩgʉ obeodigʉ Goãmʉ yʉ Pagʉ turagʉ ĩgʉ diayepʉ doagʉ árĩgʉca, arĩpʉ Jesu.

Lucas 24:4

Ĩgʉ dʉpʉre bocabirã, “¿Dohpa wayuri?” arĩ pepiñorã erã. Erã eropa arĩ pepi erã werenigui amaro gohra perã ʉma gosesiriri suhricʉrã erã pohro niguiñorã.

Lucas 3:21

Ñure erã peresu iiboro core gajirã masare Ñupʉ waĩyegʉ iipʉ. Erãre waĩyegʉ Jesu sãre waĩyepʉ. Eropigʉ Jesu diague niguigʉ Goãmʉre ĩgʉ serẽrisubu ʉmʉsi pãrimaa waya.

Juan 1:50

Ĩgʉ eroparĩcʉ̃ peegʉ õpa arĩ yʉhripʉ Jesu: —Higueragʉ doca yʉ mʉre ĩarare masigʉ yʉre “Goãmʉ magʉ ãhraa,” arĩ umupeoa mʉhʉ yʉre. ¿Iri ta mʉre umupeocʉ̃ iiri? Mʉre yʉ eropa ĩara tauro Goãmʉ turari mera yʉ iicʉ̃ ĩagʉca mʉhʉ, arĩmi Jesu Natanaere.

Juan 10:1

Pʉhrʉ queoriñe mera werenigui queogʉ buhebu õpa arĩmi Jesu gʉare gajirã masa sãre: —Diaye arĩgʉ iiaa mʉare. Oveja diburi sãriro disiporo ñajabigʉpʉ gajipʉgue ñajagʉpʉ yajari masʉ ãhrimi.

Juan 10:7

Eropigʉ dipaturi Jesu erãre gʉa sãre weremi daja: —Diaye mʉare arĩgʉ iiaa. Ovejare diburi sãriro disiporo iro dopa ãhraa yʉhʉ.

Juan 13:16

Diaye mʉare arĩgʉ ta iiaa. Mʉa yʉ pohro majarã dopa árĩrã yʉ tauro árĩbeaa. Mʉare buhedore yʉ obeorã ãhraa mʉa. Eropirã yʉ tauro árĩbeaa mʉa. Eropa iigʉ ta “Yʉ iidiro dopa ta iique,” arãbʉ yʉhʉ mʉare.

Juan 13:38

—¿Mʉ eropa arĩgʉ diaye ta yʉre itamugʉcuri? Diaye mʉre weregʉ iiaa. “Jesure masibeaa,” arĩgʉca mʉhʉ gajirãre. Ʉhresubu eropa arĩgʉca cãreña ĩgʉ wereboro core, arĩmi Jesu Pedrore.

Juan 14:12

Diaye mʉare arĩgʉ iiaa. Yʉre umupeogʉ yʉ iidiro dopa ta iigʉcumi. Eropigʉ ĩgʉpʉ yʉ tauro iigʉcumi. Yʉ Pagʉ pohrogue wabu iiaa dohpaguere. Eropigʉ yʉre umupeogʉ yʉ tauro Goãmʉ turari mera ii ĩhmugʉcumi.

Juan 16:20

Diaye mʉare arĩgʉ iiaa: Yʉhʉ sĩricʉ̃ ĩarã mʉa orerãca. Eropirã bʉrigã bʉjawererãca. Yʉre umupeobirinirãpʉ mucubirirãcoma. Mʉapʉ bʉjawerenirã árĩquererã pʉhrʉ mucubirirãca mʉa.

Juan 16:23

“Irinʉ yʉre mʉa ĩarinʉre yʉre serẽpisome mʉa. Yʉ Pagʉpʉ mʉa serẽrire ogʉcumi. Diaye ta mʉare arĩgʉ iiaa. Yʉre mʉa umupeocʉ̃ ĩagʉ yʉ Pagʉre yʉ waĩ mera mʉa serẽrire ĩgʉ mʉare ogʉcumi.

Juan 21:18

Diaye mʉre arĩgʉ iiaa. Mʉhʉ mamʉ árĩgʉ mʉ suhrire saña, mʉ gamerogue curimʉribʉ mʉhʉ. Eropa árĩdi árĩqueregʉ ta pʉhrʉ mʉhʉ bʉgʉ árĩcʉ̃, mʉ mojotorire sĩbeocʉ̃ gajigʉ mʉre mʉ suhrire sãgʉcumi. Eropigʉ mʉ wadiabirogue mʉre aĩgãgʉcumi, arĩmi Jesu Simo Pedrore.

Juan 3:3

Ĩgʉ eroparĩcʉ̃ Jesu werepʉ: —Diaye mʉre arĩgʉ iiaa. Ne masa dehyoagʉ iro dopa dipaturi masa dehyoagʉ dihta Goãmʉ yagʉ árĩmasimi. Mʉ sã eropa ta árĩmasia, arĩpʉ Jesu.

Juan 3:5

Ĩgʉ eroparĩcʉ̃ Jesu yʉhripʉ: —Diaye ta arĩgʉ iiaa mʉre. Ne masa dehyoagʉ iro dopa ta deco mera, Espíritu Santo ĩgʉ turari mera dipaturi masa dehyoagʉ dihta Goãmʉ yagʉ árĩmasimi.

Juan 5:19

Eropi Jesu erãre weremi: —Diaye mʉare arĩgʉ iiaa. Yʉhʉ Goãmʉ magʉ yʉ gamero iigʉ iibeaa. Yʉ Pagʉ ĩgʉ iirare ĩagʉ irire iiaa.

Juan 5:27

Eropigʉ yʉhʉ masʉ Goãmʉ ĩgʉ obeodigʉ árĩcʉ̃ ĩgʉ masare dipuwaja moadorerire apimi yʉre.

Juan 6:26

Erã eropa arĩ serẽpicʉ̃, Jesu erãre weremi: —Diaye arĩgʉ iiaa mʉare. Deyoro moarire yʉ iiquerecʉ̃ ta yʉpʉre umupeobeaa mʉa. Yʉre umupeobiriquererã ta yʉre ahmaa mʉa. Yʉ mera pagari baha, mʉa yapinirã árĩrã yʉre amagãrirã iiaya daja.

Juan 6:32

Erã eroparĩcʉ̃ Jesu weremi erãre: —Diaye mʉare arĩgʉ iiaa. Moisepʉ iri ʉmaro maja barire mʉa acawererãre obiriñumi. Yʉ Pagʉpʉ ʉmaro maja barire diaye maja barire mʉare ogʉ ãhrimi.

Juan 6:47

Diaye arĩgʉ iiaa mʉare. Yʉre umupeogʉ árĩpehrerinʉri yʉ Pagʉ mera árĩniguigʉcumi.

Juan 6:53

Erã eroparĩcʉ̃ peegʉ Jesu weremi: —Diaye arĩgʉ iiaa mʉare. Yʉhʉ Goãmʉ ĩgʉ obeodigʉ ãhraa. Yʉ dʉpʉre babigʉ, yʉ dire ihribigʉ Goãmʉ mera árĩsome.

Juan 8:34

Erã eroparĩcʉ̃ peegʉ Jesu õpa arĩmi erãre: —Diaye mʉare arĩgʉ iiaa. Árĩpehrerã ñerire iirãpʉ erã ñeri iirire duhumasibeama. Eropiro iri ñeripʉ erãre dorea. Eropa árĩrã árĩrã pohro majarã iro dopa ãhrima erã.

Juan 8:51

Diaye mʉare arĩgʉ iiaa. Yʉ dorerire iigʉ ʉmʉri nʉcʉ Goãmʉ mera eropa árĩniguicãgʉcumi, arĩmi Jesu.

Juan 8:58

—Diaye mʉare arĩgʉ iiaa. Abrahã ĩgʉ árĩboro core yʉpʉ árĩmʉhtatuhabʉ, arĩmi Jesu erãre.

Hechos 10:11

Ʉmarore pãrimaacʉ̃, wʉari gasiro wapicʉrisubu pepʉri ojogorori dirira gasiro dijaricʉ̃ ĩapʉ.

Hechos 7:56

Eropa ĩagʉ õpa arĩpʉ —Ʉmarogue merogã ero tuweamaacʉ̃ Jesu Goãmʉ obeodigʉ Goãmʉ diayepʉ ĩgʉ niguicʉ̃ ĩhaa yʉhʉ, arĩpʉ Esteban.

2 Tesalonicenses 1:7

Eropigʉ mari ñero tarinirãre marire soocʉ̃ iigʉcumi mari Opʉ Jesu dujarigʉ. Ĩgʉ dujarigʉ anyua turarã mera peame ʉ̃jʉro iro dopa dehyoagʉ arigʉcumi ʉmarogue.

2 Tesalonicenses 1:9

Eropirã erã erã ya dipuwaja dedererãcoma. Peamegue ñero tariniguirãcoma. Eropirã erã mari Opʉ Jesu ĩgʉ dorerogue ĩgʉ õari árĩrogue ne wamasisome. Eropa ta waroca irinʉre Jesucristo ĩgʉ dujaricʉ̃.

1 Timoteo 3:16

I diaye ãhraa. Marire Goãmʉ ĩgʉ buhera mari õaro iiburi buheri ãhraa. Goãmʉ iri buherire marire masicʉ̃ iimi. Iribojegue mari masibirira mʉra õatariari buheri ãhraa. I buheri õpa ãhraa: Ĩgʉ Cristo mari dʉpʉ iro dopa ta dʉpʉcʉgʉ masa dehyoadigʉ árĩmi. Õagʉ ñeri marigʉ ĩgʉ árĩcʉ̃ ĩhmudi árĩmi Espíritu Santopʉ. Anyua sã ĩgʉre ĩanirã árĩma. Eropirã gʉa ĩgʉ buhedore apinirã gaji yeba majarãre ĩgʉ yare buhebʉ. Eropirã i yebare masa bajarã ĩgʉre umupeoama. Pʉhrʉ ʉmarogue Goãmʉ aĩadi árĩmi ĩgʉre. Iri ta ãhraa õari buheri.

Hebreos 1:14

Árĩpehrerã anyuapʉ Goãmʉ pohro majarã dihta ãhrima. Eropiro Cristo ĩgʉ taumorãre itamudoregʉ Goãmʉ obeomʉrimi erãre.

Judas 1:14

Enoco iribojegue majagʉ Adán pʉhrʉ siete cururi pʉhrʉ majagʉ õpa arĩmʉriñumi. “Peeque yʉre. Goãmʉ bajarã ĩgʉ anyua õarã mera árĩpehrerã ñerãre erã ñerire iira dipuwaja moagʉ arigʉcumi. Eropigʉ árĩpehrerã Goãmʉre ĩhaturirãre erã ñeri iira dipuwajare erãre masicʉ̃ iigʉ arigʉcumi Goãmʉ. Eropigʉ Goãmʉre erã ñero wereniguira dipuwaja sãre erãre masicʉ̃ iigʉ arigʉcumi,” arĩmʉriñumi Enoco mʉrʉ.

Apocalipsis 19:11

Pʉhrʉ ʉmaro pãrimaacʉ̃ ĩhabʉ. Ero cabayu boregʉ ãhrami. Ĩgʉ weca peyagʉ õpa waĩcʉami: Ĩgʉ arĩro dopa ta iigʉ diaye iigʉ waĩcʉami ĩgʉ. Eropigʉ masare dipuwajare moagʉ ĩgʉ ĩhaturirã mera gamewejẽgʉ õaro gʉyaro mariro iiami.

Apocalipsis 4:1

Yʉre ĩgʉ eropa arĩ werera pʉhrʉ ʉmʉsiguere pãgũra disiporore ĩhabʉ. Dipaturi corneta turaro bʉsʉro watope turaro wereniguiri bʉsʉro carabʉ yʉ peecʉ̃. Õpa arĩro carabʉ yʉre: —Õgue mʉririque. I yʉ wereburi pʉhrʉguere waroca. Eropa waborore mʉre ĩhmugʉra. Yʉ arĩdiro dopa ta eropa waroca, arĩro carabʉ ʉmarogue.