Juan 1:43 - Desano

⁴³ Gajinʉ Jesu “Galilea yebague ina warã,” arĩmi gʉare. Eropigʉ erogue eja ĩgʉ Felipere bocatĩri õpa arĩmi: —Yʉ mera majagʉ árĩbu arique, arĩmi Jesu.

Juan 1:43 Iomraidhean Croise

Mateo 10:3

Felipe, Bartolomé, Toma, yʉhʉ Mateo árĩbʉ gʉa. Yʉpʉ oparã ya árĩburire masare wajaseabasa coredigʉ árĩribʉ. Gʉa mera gajigʉ Santiago árĩmi. Ĩgʉ Alfeo magʉ árĩmi. Eropigʉ Lebéo sã árĩmi. Ĩgʉpʉ Tadeo erã arĩ piyudigʉ árĩmi ĩgʉ.

Mateo 4:12

Eropi Ñure peresu erã iicʉ̃ peegʉ, waha wapʉ Jesu. Galilea yebague ejapʉ.

Mateo 8:22

Jesu yʉhripʉ: —Yʉre gamebirã sĩrinirã iro dopa ta ãhrima. Erãpʉ sĩrinirãre yaaporo. Eropigʉ mʉpʉ yʉ mera majagʉ árĩbu arique dohparagã, arĩpʉ ĩgʉ.

Mateo 9:9

Erã eropa iira pʉhrʉ Jesu erogue árĩdigʉ wiria, yʉre Mateore bocatĩrimi. Oparã ya árĩburire masare wajasea coregʉ árĩribʉ. Eropigʉ irisubure yʉ mohmeri taribugue doabʉ. Ero yʉ doacʉ̃ ĩagʉ, õpa arĩmi yʉre: —Yʉ mera majagʉ árĩbu arique, arĩmi yʉre Jesu. Ĩgʉ eroparĩcʉ̃ pee, wahgãnʉgaja ĩgʉ mera wabʉ.

Lucas 19:10

Yʉhʉ masʉ Goãmʉ ĩgʉ obeodigʉ peamegue wabonirãre amagʉ arigʉ iibʉ. Erogue wabonirãre õaro taugʉ arigʉ iibʉ, arĩpʉ Jesu Zaqueore.

Juan 1:28

Eropa arĩ wereniguima erã Betaniague, dia Jordán waĩcʉriya gajipʉ masegue, Ñu ĩgʉ masare ĩgʉ waĩyerogue.

Juan 1:29

Gajinʉ Jesu Ñu pohro ĩgʉ aricʉ̃ ĩagʉ Ñu õpa arĩmi gʉare: —Ĩaque. Ihĩ Goãmʉ ĩgʉ obeodigʉ ĩgʉ cordero iro dopa ãhrimi. Cordero mari ñeri iira dipuwajare sĩriro dopa ihĩ sĩrigʉ i yeba majarãre erã ñero iirare cóãgʉcumi ĩgʉ.

Juan 1:35

Gajinʉ Ñu mera gʉa perã ĩgʉ buherã ĩgʉ mera gʉa niguicʉ̃, Jesu gʉa pohro tari wahgãgʉ iimi. Ĩgʉ eropa tari wahgãcʉ̃ ĩagʉ Ñu dipaturi õpa arĩmi gʉare: —Ĩaque. Ihĩ Goãmʉ ĩgʉ obeodigʉ cordero iro dopa árĩgʉ ãhrimi, arĩmi Ñu.

Juan 1:37

Ĩgʉ eroparĩcʉ̃ gʉa perã ĩgʉ buherãpʉ irire peerã Jesure nʉrʉsiagãbʉ.

Juan 1:44

Felipepʉ Betsaida majagʉ árĩmi. Ĩgʉ, Andre, Pedro mera yuju maca majarã árĩma.

Juan 12:21

Eropirã erã Felipe pohrogue erañorã. Felipepʉ Betsaida waĩcʉri maca Galilea yeba árĩri maca majagʉ árĩmi. Eropirã ĩgʉ pohrogue erarã õpa arĩñorã ĩgʉre: —Jesure ĩadiaca gʉa, arĩñorã erã.

Juan 14:8

Ĩgʉ eroparĩcʉ̃ Felipe õpa arĩmi: —Opʉ, mari Pagʉre ĩhmuque gʉare. Iripẽta gahmea gʉa, arĩmi ĩgʉ.

Juan 2:11

Caná Galilea árĩri macague decore vino ĩgʉ poyacʉ̃ iira ne Goãmʉ turari mera ĩgʉ deyoro moanʉgara árĩbʉ. Eropa iigʉ gajirãre ĩgʉ turarire ii ĩhmúmi Jesu. Ĩgʉ eropa ii ĩhmura pʉhrʉ gʉa ĩgʉ buherã ĩgʉre umupeobʉ.

Juan 6:5

Erogue doagʉ, Jesu masa bajarã ĩgʉ pohro erã aricʉ̃ ĩhabeomi. Eropa ĩhabeogʉ Felipere serẽpimi Jesu: —¿Oã masa erã baburire nohogue asũrãcuri mari? arĩ serẽpimi.

Juan 6:7

Ĩgʉ eropa serẽpicʉ̃ Felipepʉ yʉhrimi: —Doscientos niyerupũri waja mera mari asũquerecʉ̃ ta, masare yujurãyerire mʉtarigã barire mari guerequerecʉ̃ ta ne sihajasome, arĩmi Felipe Jesure.

Filipenses 3:12

I árĩpehreri eropa arĩgʉ “Cristo iro dopa ñeri marigʉ árĩtuhajaa,” arĩ pepibeaa. Yʉ eropa arĩ pepibiriquerecʉ̃ ta Cristo ĩgʉ yagʉ árĩbure õagʉ árĩbure iiami yʉre. Eropigʉ ĩgʉ yare ĩgʉ sãre õaro masinemodiagʉ turaro mera ĩgʉ yare iidiaa yʉhʉ.

1 Juan 4:19

Marire Goãmʉ mahimʉhtami. Eropirã mari sã ĩgʉre mahia.