Juan 1:19 - Desano

¹⁹ Judio masa oparã Jerusalén árĩrã pahiare, Goãmʉ wihi mohmerã sãre Ñu pohrogue obeoñorã. “¿Nihino ãhriri mʉhʉ?” arĩ serẽpidorerã obeoñorã erãre. Erã eropa arĩ serẽpirã ejacʉ̃ õpa arĩ weremi Ñupʉ.

Juan 1:19 Iomraidhean Croise

Juan 10:24

Iri taribugue ĩgʉ árĩcʉ̃ ĩarã judio masa ĩgʉ pohrogue gamenere ĩgʉre serẽpima daja: —Yoatariari boje gʉare õaro werebeaa mʉhʉ. Diaye gʉare õaro were purumujuque. ¿Cristo Goãmʉ ĩgʉ obeodigʉ ta ãhriri mʉhʉ? arĩma erã ĩgʉre.

Juan 10:31

Ĩgʉ eroparĩcʉ̃ peerã judio masapʉ ĩgʉre deaburi ʉtãre dipaturi aĩma daja.

Juan 11:19

Eropirã judio masa bajarã Martare, María sãre ñehamere orerã eranirã árĩma Lázaro ĩgʉ sĩrira pʉhrʉ.

Juan 2:18

Jesu ĩgʉ eropa iira pʉhrʉ judio masa oparã ĩgʉre serẽpima: —¿Duhpigʉ mʉhʉ oãre Goãmʉ wihigue árĩrãre cohã wiuari? Goãmʉ irire mʉre iidoregʉ árĩcʉ̃ Goãmʉ turari mera ii deyoro moaque gʉa ĩaburire, arĩma erã Jesure.

Juan 2:20

—Ʉhrenʉ i wihire iisome mʉhʉ. Cuarenta y seis bojori gohra erã iira wihi ãhraa i wihi, arĩ yʉhrima erã Jesure.

Juan 5:10

Ĩgʉ eropa õagʉ wadigʉ ĩgʉ omasiariñere aĩgãcʉ̃ ĩarã judio masa gʉa oparãpʉ dorecʉdigʉre õpa arĩ wereñorã: —Dohpagãre Sabadonʉ mari soorinʉ árĩquerecʉ̃ mʉ yañe omasiariñere aĩ wahgãa mʉhʉ. Eropa iigʉ mari dorerire tarinʉgagʉ iiaa, arĩñorã erã ĩgʉre.

Juan 5:15

Ĩgʉ eropa arĩra pʉhrʉ dorecʉdigʉ judio masa oparã ĩgʉre serẽpinirã pohrogue eja, werepʉ erãre: —Jesu waĩcʉgʉ yʉre õagʉ wacʉ̃ iiami, arĩ werepʉ ĩgʉ.

Juan 5:16

Eropi Sabado árĩcʉ̃ Jesu dorecʉgʉre ĩgʉ dorere ĩgʉ taucʉ̃ masirã judio masapʉ ĩgʉre ñero iinʉgañorã. Eropirã erã ĩgʉre wejẽdiariñorã.

Juan 5:18

Ĩgʉ eroparĩcʉ̃ judio masa gʉa oparã ĩgʉ mera turaro guarã, ero core erã arĩdiro tauro ĩgʉre wejẽdiañorã. Sabadonʉre erã soorinʉre ĩgʉre õagʉ iicʉ̃ ĩarã erã guañorã. Eropa guarã Goãmʉre ĩgʉ “yʉ Pagʉ,” ĩgʉ arĩcʉ̃ peerã erãpʉ tauro guañorã. “‘Yʉ Pagʉ,’ arĩgʉ Jesu ĩgʉ basi ‘Goãmʉ mera yujuro mera ãhraa,’ arĩ guñacumi ĩgʉ,” arĩ pepiñorã judio masa gʉa oparã.

Juan 6:41

“Yʉhʉ ʉmarogue ariri bari iro dopa árĩgʉ ãhraa,” ĩgʉ arĩcʉ̃ peerã judio masa gʉa oparãpʉ ĩgʉ mera guarã, erã basi Jesure ñero arĩ wereniguima.

Juan 6:52

Ĩgʉ eroparĩcʉ̃ peerã judio masapʉ õpa arĩ wereniguima erã basi: —¿Ihĩ dohpa ii ĩgʉ dʉpʉre baburi ogʉcuri? arĩma erã erã basi.

Juan 7:1

Pʉhrʉ gʉa mera Jesu Galilea yeba curigʉ wami. Judea yeba majarã judio masa ĩgʉre wejẽdiañorã. Erã eropa wejẽdiacʉ̃ masigʉ ĩgʉ iri yebare wabirimi.

Juan 7:11

Bosenʉ árĩrã judio masa gʉa oparã ĩgʉre amañorã: —¿Nohogue árĩcuri ĩgʉ? arĩ serẽpiñorã.

Juan 7:15

Ĩgʉ eropa buhecʉ̃ judio masa ʉca wa õpa arĩma: —¿Ihĩ buherogue buhebigʉ árĩqueregʉ ta duhpigʉ õaro masipehori ĩgʉ? arĩma erã ĩgʉre.

Juan 8:22

“Yʉ waboroguere mʉapʉ wamasisome,” ĩgʉ arĩcʉ̃ peerã, —¿Ihĩ ĩgʉ basi wejẽ sĩrigʉcuri eropa arĩgʉ? arĩma judio masa erã basi.

Juan 8:48

Ĩgʉ eroparĩcʉ̃ peerã judio masa ĩgʉre õpa arĩma: —“Mʉhʉ Samaria majagʉ ãhraa. Eropigʉ watĩ mera goroweregʉ ãhraa mʉhʉ,” gʉa arĩra diaye ta ãhraa, arĩma erã Jesure.

Juan 8:52

Ĩgʉ eroparĩcʉ̃ peerã õpa arĩma erã: —Dohpague tamerare mʉ watĩ mera goroweregʉ árĩcʉ̃ gʉa õaro masia. Abrahã mʉrʉ sĩria wañumi. Goãmʉ yare weremʉhtanirã sã sĩria wañuma iribojegue. Eropigʉ “Yʉ dorerire iigʉ ʉmʉri nʉcʉ Goãmʉ mera eropa árĩ­niguigʉcumi,” arĩgʉ, ¿dohpa arĩgʉ eropa arĩri mʉhʉ?

Juan 8:57

Ĩgʉ eroparĩcʉ̃ erã yʉhrima: —Abrahã mʉrʉ iribojegue majagʉ ãhrimi. Mʉpʉ cincuenta bojori opanibeaa. ¿Eropigʉ mʉhʉ ĩgʉ mʉrʉre duhpigʉ ĩha masiboyuri? arĩma judio masa ĩgʉre.

Hechos 13:25

Eropigʉ Ñu ĩgʉ buhetuboro core, ĩgʉ sĩriboro core õpa arĩ weremʉripʉ. “¿Nihino ãhriri yʉhʉ mʉa pepicʉ̃? Iribojegue majagʉ Goãmʉ yare weremʉhtadigʉ árĩbeaa yʉhʉ. Cristo árĩbeaa yʉhʉ. Gajigʉ ãhraa. Cristo yʉhʉ árĩbiriquerecʉ̃ yʉ pʉhrʉ yʉ tauro turagʉpʉ arigʉcumi. Ĩgʉpʉ õatariagʉ ãhrimi. Ĩgʉ iro dopa árĩbeaa yʉhʉ,” arĩ werepʉ Ñu masare, arĩpʉ Pablo.

Hechos 19:4

Erã eroparĩcʉ̃ peegʉ õpa arĩpʉ Pablo: —Masa erã ñeri iirare erã duhucʉ̃ ĩagʉ waĩyepʉ Ñu. Eropiro ĩgʉ waĩyeripʉ erã ñeri iirare erã duhurare masare ĩhmuburi árĩyoro. Eropigʉ gajino sãre werenemopʉ Ñu. “Yʉ pʉhrʉ aribure ĩgʉre umupeoque mʉa,” arĩpʉ Ñu masare. Eropa arĩgʉ Jesure ta umupeodoregʉ iipʉ, arĩ werepʉ Pablo erãre.

1 Juan 1:5

Dohpague ta Jesucristo wereniguirare werea gʉa mʉare. Iri buherire Jesucristo gʉare buhecʉ̃ gʉa peebʉ. Õpa ãhraa. Goãmʉ õagʉ dihta ãhrimi. Ñeripʉ ne mara ĩgʉre. Irire werea mʉare.