Juan 1:13 - Desano

¹³ Erã Goãmʉ porã ta ãhrima. Eropirã masa erã gamero Goãmʉ porã wabeama. Goãmʉ gamero mera ĩgʉ porã wahama.

Juan 1:13 Iomraidhean Croise

Mateo 3:9

Õpa arĩ pepibiricãque: “Abrahã mari ñecʉ mʉrʉ árĩmʉripʉ. Eropirã Goãmʉ mera õhaa,” arĩ pepibiricãque mʉa. Mʉare arĩgʉ tiiaa. Abrahã pãramerã mʉa árĩri duhpiburi árĩbeaa. Goãmʉ gamegʉ i ʉtãyeri mera gajirãre iimasimi Abrahã acawererãre. Eropirã Abrahã pãramerã mʉa árĩri bu gohra ta ãhraa.

Juan 3:3

Ĩgʉ eroparĩcʉ̃ Jesu werepʉ: —Diaye mʉre arĩgʉ iiaa. Ne masa dehyoagʉ iro dopa dipaturi masa dehyoagʉ dihta Goãmʉ yagʉ árĩmasimi. Mʉ sã eropa ta árĩmasia, arĩpʉ Jesu.

1 Corintios 3:6

Õari buherire buherã pohegue mohme corerã iro dopa ãhrima mari werenigui queori mera buhecʉ̃. Pohegue ĩgʉ otemʉhtadiro dopa ta yʉhʉ mʉare Goãmʉ yare buhemʉhtabʉ. Eropigʉ gajigʉ ĩgʉ pohere ĩhadiburo dopa ta Apolopʉ yʉ pʉhrʉ mʉare buhenʉrʉsiami. Gʉa eropa buhequerecʉ̃ ta pohe maja yucʉre iri bʉgacʉ̃ ĩgʉ iidiro dopa ta Goãmʉpʉ mʉare ĩgʉ yare masinemocʉ̃ iimi.

Filipenses 2:13

Goãmʉ õaripʉre mʉare gamecʉ̃ iigʉ iimi. Ĩgʉ eropa gamero dopa ta mʉa iiborore iimi. Eropigʉ irire mʉa ĩgʉ yare õaro iiborore itamuniguicãmi Goãmʉ. Ĩgʉ eropa iicʉ̃ irire yʉ arĩdiro dopa ta iique mʉa.

Santiago 1:18

Ĩgʉ gamediro dopa ta ĩgʉ õari buheri mera marire ĩgʉ porã wacʉ̃ iimi mari ĩgʉ yarã árĩmʉhtarã árĩboro dopa.

1 Pedro 1:23

Mʉa dipaturi masa dehyoaro dopa ta Goãmʉ porã wahabʉ mʉa. Mari pagʉ sʉmarã mera masa dehyoanirã árĩrã, pʉhrʉ sĩria warãca. Iri iro dopa árĩbeaa Goãmʉ porã mʉa wacʉ̃. Goãmʉ mera árĩniguicãrãca. Goãmʉ ĩgʉ buheri mera ĩgʉ porã wahabʉ mʉa. Iri buheri pehrebiriburi buheri marire Goãmʉ mera eropa árĩniguicʉ̃ iiaa.

1 Pedro 1:3

Goãmʉ marire turaro mojomoro ĩagʉ, Jesucristo sĩridigʉ ĩgʉ masa mʉriaro mera marire õarã gohrotocʉ̃ iimi. Eropa iigʉ ĩgʉ gohrotori mera Goãmʉ porã ta wahaa mari. Eropa warã ĩgʉ mera eropa mari õaro árĩniguicãborore õaro masia mari. Eropigʉ mʉare ĩgʉ õari opaburire odiagʉ mʉare coregʉ iimi. Iri mʉare ĩgʉ oburi ne pehresome. Eropigʉ ĩgʉre mʉa umupeorãre Goãmʉ ĩgʉ turari mera mʉare ĩhadibugʉ, taricʉ̃ iigʉcumi. Pehrerinʉ árĩcʉ̃ mʉare ĩgʉ taurare masicʉ̃ iigʉcumi ĩgʉ. Eropirã ĩgʉ marire õaro mojomoro ĩacʉ̃ ĩarã, ĩgʉre Goãmʉre mari Opʉ Jesucristo Pagʉre “Õagʉ, turagʉ ãhrimi,” arĩ umupeoro gahmea marire.

1 Pedro 2:2

Mari Opʉ mʉare õaro ĩgʉ iirire dabero masituhaa mʉa. Eropirã ne masa dehyoarãgã apĩcore erã gamero dopa ta mʉa sã õari buherire Goãmʉ yare turaro gameque. Eropa ĩgʉ yare gamerã mʉa ĩgʉre mʉa guñaturanemorãca. Ĩgʉ yarã õaro pee masirã árĩrãca.

1 Juan 3:9

Eropirã Goãmʉ porã ĩgʉ árĩrire opama. Eropirã erã ñerire eropa iiniguicãbeama. Goãmʉ erã Pagʉ árĩcʉ̃ erãpʉ ñerire iiniguicãmasibeama.

1 Juan 4:7

Yʉ mahirã, mari gajirãre mahicʉ̃ Goãmʉ iigʉ ãhrimi. Ĩgʉ eropárĩcʉ̃ ĩarã mari mera majarãre mahirã. Masare õaro mahirãpʉ Goãmʉ porã ãhrima. Eropirã erã Goãmʉre õaro masima.

1 Juan 5:1

Árĩpehrerã Jesupʉre “Cristo ãhrimi. Goãmʉ obeodigʉ ire bʉrigã mahimi,” arĩãhrimi,” arĩrã Goãmʉ porã ta ãhrima. Gajirã pagʉre mahirã ĩgʉ porã sãre mahia mari. Eropa ta mari mari Pagʉre Goãmʉre mahirã, ĩgʉ porã sãre mahia.

1 Juan 5:18

Goãmʉ magʉ Jesucristo Goãmʉ porãre õaro cãhmotami. Eropigʉ watĩpʉ Goãmʉ porãre ñero iirire doremasibeami. Eropirã Jesucristo cãhmotari mera Goãmʉ porã ne ñero iirire eropa iiniguicãbeama. Irire mari masia.