Filemón 1:8 - Desano

^8-10 Eropigʉ dohpaguere Onésimore mʉ pohro majagʉ árĩdigʉre mʉre serẽbasadiaa. Peresugue gʉa árĩrã Cristo yare werebʉ yʉhʉ ĩgʉre. Irire peegʉ Cristore gahmeami ĩgʉ. Eropigʉ ĩgʉ Goãmʉ yagʉ wahámi. Eropa wagʉ yʉ magʉ iro dopa ãhrimi. Eropigʉ yʉ bʉgʉ árĩgʉ Cristo yare yʉ buhera dipuwaja peresu árĩgʉ mʉre Onésimo mera werebeogʉra ĩgʉre mʉ iiburire. Cristo ĩgʉ buhedore ĩgʉ apidigʉ ãhraa yʉhʉ. Eropa árĩgʉ, árĩgʉ ĩgʉre mʉ iiburire mʉre dorebu ãhraa yʉhʉ. Eropa árĩgʉ árĩqueregʉ ta mʉre doresome yʉhʉ. Mahiri mera mʉre werebeogʉra iripẽta.

Filemón 1:8 Iomraidhean Croise

2 Corintios 10:8

“Mari Opʉ ya buherire õari buherire buhedoregʉ apimi gʉare,” arĩgʉ bajasuburi mʉare iri dihtare eropa arĩ werequeregʉ ta gʉhyasĩribeaa yʉhʉ. Gʉare eropa buhedoregʉ mʉare itamumorãre apimi gʉare. Mʉare goroweomorãre apigʉ iibirimi gʉare.

2 Corintios 11:21

¿Õapũricãri mʉare erã eropiicʉ̃? Cue, ¿turatariarã ãhriri erã? Gʉapʉ erã iro dopa turarã árĩbeaa. Eropirã erã iro dopa ñerire iibeaa. Erã iro dopa árĩbiriqueregʉ ta erã “Õpa árĩrã ãhraa,” erã arĩcʉ̃ peegʉ yʉ sã eropa arĩ wereboca. Dipaturi gʉhyasĩriqueregʉ ta õpa arĩgʉra mʉare.

2 Corintios 3:12

Irire eropa masirã, güiro mariro õari buherire õaro werepehocãa gʉa.

Efesios 5:4

Eropirã gʉhyasĩuro wereniguibiricãro gahmea mʉare. Pee masibirã iro dopa wereniguibiricãro gahmea mʉare. Eropirã ñero arĩ wereyabiricãro gahmea. Ipʉre iiro gahmea mʉare: Goãmʉre serẽro gahmea mʉare. Eropa serẽrã ĩgʉre, “Õaro iiabʉ mʉhʉ gʉare,” arĩro gahmea.

1 Tesalonicenses 2:2

Ero core Filipo maca gʉa árĩrã ñero taribʉ. Gʉare ñero erã iirare masia mʉa. Gʉare erã eropa ñero iiquerecʉ̃ ta Goãmʉ itamuri mera güiro mariro Goãmʉ yare õari buherire wereniguirã gʉa ejabʉ mʉa pohroguere. Mʉa árĩro sãre gʉare masa bajarã erã ĩhaturiquerecʉ̃ õari buherire buheabʉ gʉa mʉare.

1 Tesalonicenses 2:6

Gʉa eropa buherã mʉa gʉare umupeoburire dorebirimʉrabʉ. Gajirã sãre eropa ne dorebirimʉrabʉ.