Apocalipsis 8:2 - Desano

² Eropigʉ siete anyuare Goãmʉ pohro niguirãre ĩhabʉ. Eropigʉ erãre siete cornetarire ohami gajigʉ.

Apocalipsis 8:2 Iomraidhean Croise

Mateo 18:10

Eropigʉ gʉa sãre werenemomi: —Ne, oã majirãgãre doobiricãque. Mʉare arĩgʉ tiiaa. Erãgãre ĩhadiburã anyua ʉmarogue yʉ Pagʉ pohrogue eropa árĩniguima.

Mateo 24:31

Corneta bʉsʉroca. Eropigʉ yaharã anyuare árĩpehrero i yebaguere obeogʉra. Eropirã árĩpehreroguere yaharãre yʉ beyenirãre erã aĩ gameneorãcoma.

Lucas 1:19

Ĩgʉ eroparĩcʉ̃ anyupʉ ĩgʉre werepʉ: —Yʉhʉ Gabrie waĩcʉgʉ ãhraa. Goãmʉ pohro árĩgʉ ãhraa yʉhʉ. Goãmʉ i õari querere weredoregʉ, mʉ pohro yʉre obeoami. Yʉ werediro dopa ta diaye waroca.

Lucas 21:36

Mʉapʉ õaro guñatura coreque. Eropirã Goãmʉre ire serẽniguicãque: “Pehrerinʉ eropa wacʉ̃ yʉre itamuque. Turarire oque yʉre õaro yʉ tariboro dopa. Eropigʉ Cristore mʉ obeogʉre güiro mariro yʉhʉ ĩgʉre bocatĩricʉ̃ iique yʉre,” arĩ serẽque Goãmʉre, arĩpʉ Jesu.

1 Tesalonicenses 4:16

Õpa árĩroca Jesu ĩgʉ dujaricʉ̃: Mari Opʉ ĩgʉ basi dijarigʉcumi ʉmʉsigue árĩdigʉ. Dijarigʉ bʉsʉro mera werenigui, doregʉcumi. Ĩgʉ dorecʉ̃ ĩgʉ anyua opʉ bʉrigã piyugʉcumi. Eropa ĩgʉ piyucʉ̃ Goãmʉ ya corneta bʉsʉmʉriroca. Erã eropiicʉ̃ Cristore umupeonirã sĩrinirã mʉra masamʉria mʉhtarãcoma.

Apocalipsis 1:4

Yʉhʉ Ñu mʉare siete cururi majarãre Jesu yarãre Asia yeba majarãre gojabeoa. Goãmʉ ĩgʉ mahiri mera mʉare õadorea. Eropirã ĩgʉ itamuri mera õaro árĩque mʉa. Ĩgʉ negohraguere eropa árĩniguidigʉ árĩñumi. Dohpague sãre eropa ta árĩniguimi. Pʉhrʉgue sãre eropa ta árĩniguigʉcumi. Goãmʉ ĩgʉ opʉ doaro core Espíritu Santo ãhrimi. Siete suburi maja turari árĩpehreri opagʉ ãhrimi. Ĩgʉ mera sãre yʉ mʉare õadorea daja.

Apocalipsis 11:15

Pʉhrʉ seis corneta dipurure erã purira pʉhrʉ gajigʉ anyu ĩgʉ yarure puriami. Ĩgʉ eropa puricʉ̃ ʉmarogue turaro wereniguiro carabʉ. Õpa arĩro carabʉ: Dohpague mari Pagʉ, Cristo mera i yeba majarã tauro opʉ árĩgʉcumi. Eropigʉ eropa opʉ árĩniguigʉcumi Goãmʉ, arĩro carabʉ.

Apocalipsis 15:1

Pʉhrʉ ʉmarogue gajiropa árĩrore ĩhabʉ. Gʉhyadiaro árĩro i yebague dohpa waborore ĩhmuriñe ãhrabʉ. Õpa ĩhabʉ: Siete anyua ãhrama. Goãmʉ guagʉ siete suburi masare dipuwaja moatubu iiami. Eropirã erã siete anyuapʉ dipuwaja moadore ĩgʉ apimorã ãhrama.

Apocalipsis 16:1

Pʉhrʉ Goãmʉ wihigue turaro wereniguiro carabʉ. Siete anyuare weregʉ iigʉ carami: —Goãmʉ ĩgʉre tarinʉganirã mera guami. Eropirã ĩgʉ dipuwaja moadorerare iique. Eropirã dohpaguere siete pari dicʉrire yebague pisiri medijurã waque i yeba majarãre, arĩ wereniguigʉ carami.

Apocalipsis 8:13

Pʉhrʉ ĩhamemujuabʉ daja. Ʉmarogue gaa wʉwahgãgʉre ĩhabʉ. Eropigʉ ĩgʉ gaguiniguicʉ̃ peeabʉ. Õpa arãmi ĩgʉ: —Ñetariaa. Ñetariaa. Ʉrerã anyua purinibeama dohpa. Erã purira pʉhrʉ ñetariaro waroca. Eropa wacʉ̃ i yeba árĩrã ñetariaro warãcoma, arĩ dijuami ĩgʉ.

Apocalipsis 8:6

Pʉhrʉ siete anyua yujurãyeri erã cornetarire purimorã iiama.

Apocalipsis 9:1

Pʉhrʉ wapicʉrã anyua erã purira pʉhrʉ gajigʉ anyu ĩgʉ yaru cornetare puriami daja. Ĩgʉ eropa puricʉ̃ necãru iro dopa bejagʉ árĩgʉ anyu ʉmarogue árĩdigʉ yebague yuhridijaricʉ̃ ĩhabʉ. Eropigʉ ĩgʉre peame gobe ʉ̃hcãri gobe maja sawire ohami gajigʉ.