Apocalipsis 4:2 - Desano

² Ĩgʉ eropa arĩ werecʉ̃ ta erogue mʉrijagʉ Espíritu Santo ĩgʉ turari mera ĩagʉ iiabʉ. Eropigʉ opʉ doarore ʉmarogue ĩhabʉ. Ero yujugʉ doámi.

Apocalipsis 4:2 Iomraidhean Croise

Mateo 22:43

Jesu weremi: —¿Davipʉ Cristo ñecʉ árĩqueregʉ ta duhpigʉ opʉcʉturiayuri Cristore? ¿Duhpigʉ eropa opʉcʉdoreyuri Espíritu Santo ĩgʉre? Õpa arĩñumi Davi mʉrʉ:

Hebreos 8:1

Iri árĩpehrerire arĩ wererã i tamerare mʉare arĩrã iiaa: Mʉare gʉa weredigʉ pahia opʉ ĩgʉ tamera mari yagʉ gohra ãhrimi. Mari ya árĩburire Goãmʉre serẽbasagʉ ta ãhrimi. Ʉmarogue Goãmʉ turatarigʉ ĩgʉ opʉ doaro pohro ĩgʉ diayepʉ doami ĩgʉ Cristo mari pahia opʉ.

Apocalipsis 1:10

Ohõ yujunʉ soorinʉ árĩcʉ̃ Espíritu Santo yʉre quẽrogue ĩhmuami. Ĩgʉ eropa ĩhmucʉ̃ yʉ pʉrʉpʉpʉ bʉrigã wereniguiri bʉsʉro dopa carabʉ. Corneta turaro bʉsʉro dopa eropa ta bʉsʉro carabʉ ĩgʉ wereniguicʉ̃.

Apocalipsis 12:5

Merogã pʉhrʉgã ta masa dehyoatuhami majigʉgã. Árĩpehreri yeba majarã opʉ árĩbu ãhrami ĩgʉgã. Ĩgʉ eropa opʉ turagʉ árĩcʉ̃ masa ĩgʉre tarinʉgarã yujuro bojesome. Ĩgʉ eropa masa dehyoacʉ̃ ta Goãmʉ ĩgʉ doaro pohrogue ĩgʉgãre aĩbeocãmi.

Apocalipsis 17:3

Ĩgʉ eropa arĩra pʉhrʉ Espíritu Santo yʉre deyoro moarire ĩacʉ̃ iiami. Eropigʉ anyu masa marirogue aĩ wahgãmi yʉre. Ero igo nomeore ĩhabʉ. Igo nʉgʉ majagʉ diagʉ weca peyago ãhramo. Nʉgʉ majagʉpʉ ĩgʉ dʉpʉ baja waĩ erã gojatudigʉ ãhrami. Iri waĩ ñeri waĩ Goãmʉre ñeri wereniguiri waĩ ãhrabʉ. Eropigʉ siete dipucʉgʉ, diez gohra cusaricʉgʉ ãhrami nʉgʉ majagʉ.

Apocalipsis 19:4

Eropirã veinticuatro Jesu yarã oparã, wapicʉrã gajiropa bejarã mera mereja, Goãmʉre mari Pagʉre ĩgʉ doaro doagʉre umupeoama. Õpa arĩ umupeoama erã: —Amén. Aleluya. Eropa ãhraa. Mari Pagʉre õaro wereniguirã, arãma erã.

Apocalipsis 20:11

Pʉhrʉ wʉaro opʉ ĩgʉ doarore õaro borero ĩhabʉ. Iri doaro weca doagʉ sãre ĩhabʉ. Eropiro ĩgʉ árĩrogue mata i yeba ʉmaro sã dederea wahabʉ. Ne deyobirabʉ pare.

Apocalipsis 21:10

Eropigʉ Espíritu Santo yʉre Goãmʉ ya macare ĩacʉ̃ iiami. Eropigʉ ʉmadigʉ ʉtãgʉ wecague yʉre aĩ mʉriámi. Erogue Goãmʉ ya macare Jerusalénre õari macare ĩhmuami yʉre. Iri maca ĩgʉ mojoto diribo iro dopa ãhrabʉ. Goãmʉ pohrogue ʉmarogue dijariro iiabʉ iri maca.

Apocalipsis 21:5

Pʉhrʉ opʉ doarogue doagʉ õpa arãmi: —Ĩaque. Árĩpehrerire mama gohrotocʉ̃ iigʉca, arãmi. Ĩgʉ eropa arĩra pʉhrʉ yʉre õpa arãmi daja: —Yʉ arĩrire goja aĩque. Yʉ arĩri diaye ta ãhraa. Eropiro yʉ arĩdiro dopa ta eropa waroca. Eropigʉ yʉ arĩrire goja aĩque, arãmi yʉre.

Apocalipsis 3:21

Ñerire yʉ tarinʉgara pʉhrʉ yʉ Pagʉ opʉ ĩgʉ doaro pohro doaa yʉ sã dorebu. Eropa ta mʉa sã ñerire mʉa tarinʉgara pʉhrʉ yʉ opʉ doaro pohro doarãca doremorã. Mʉare yʉ pohro doacʉ̃ iigʉra.

Apocalipsis 4:10

Erã eropa baya umupeocʉ̃ ĩarã veinticuatro Jesu yarã oparãpʉ opʉ doaro core mereja, ĩgʉre umupeoama. Ĩgʉ árĩpehrerinʉri árĩniguigʉ ãhrimi. Eropa umupeorã erã oparã erã peyari berorire ĩgʉ doaro core mehpeoama. Eropa mehpeorã õpa arãma erã:

Apocalipsis 4:5

Doariñe yʉ ĩamʉhtarañegue miamaabʉ. Eropiro gajiropa wereniguiri bʉsʉro carabʉ. Bupu sã bʉsʉgʉ carami. Iri doaro core siete sihãgori yucʉ ãhrabʉ. Iri siete sihãgori yucʉ Espíritu Santo ĩgʉ siete suburi maja turari opari iro dopa ãhrabʉ.

Apocalipsis 4:9

Eropa bayarã erã wapicʉrã gajiropa bejarã ĩgʉ turarire bayarã iiama. Eropirã ĩgʉre árĩpehrerinʉri árĩniguigʉre “Õhaa,” arĩrã umupeorã iiama.

Apocalipsis 5:1

Pʉhrʉ ero doadigʉ ĩgʉ mojoto diayepʉ ĩgʉ oparipũre gojarapũre ĩhabʉ. Iripũ pepʉri ĩgʉ gojarapũ ĩgʉ tũrara tũru ãhrabʉ. Eropiro siete suburi pihañari mera ĩgʉ pihañara tũru ãhrabʉ.

Apocalipsis 5:13

Eropigʉ gajirã erã bayacʉ̃ peeabʉ. Árĩpehrerã i yeba majarã, ʉmaro majarã sã, ojocarirã, sĩrinirã, wʉariya majarã sã, árĩpehrerogue árĩrã õpa arĩ bayarã carama: Goãmʉre ĩgʉ doarogue doagʉre, Cordero sãre õaro wereniguirãca. Mʉare umupeorãca. “Õatariarã ãhrima. Turatariarã ãhrima,” arĩrã árĩpehrerinʉri eropa arĩniguicãrãca mʉare, arĩ bayapeorã carama.

Apocalipsis 6:16

Eropirã duhrirã ʉtã yucʉre ʉtã sãre õpa arĩrama: —Gʉa weca yuhridijari wejẽcãque. Sihĩre opʉre ĩgʉ doaro doagʉre güitaria. Cordero gʉare ñero dipuwaja moagʉcumi.