Apocalipsis 21:3 - Desano

³ Irire yʉ ĩara pʉhrʉ opʉ doarogue gaguiniguicʉ̃ peeabʉ: —Ĩaque. Dohpaguere masa watope árĩgʉ iimi Goãmʉ. Erã mera árĩgʉcumi ĩgʉ. Eropirã ĩgʉ yarã árĩrãcoma erã. Eropigʉ Goãmʉ ĩgʉ basi erã mera majagʉ árĩgʉ, erã yagʉ Goãmʉ árĩgʉcumi.

Apocalipsis 21:3 Iomraidhean Croise

Juan 1:14

Eropigʉ Cristo ĩgʉ masʉ ĩgʉ árĩnʉgara pʉhrʉ mari mera árĩmi ĩgʉ. Ĩgʉ eropa árĩcʉ̃ ĩarã masare mahigʉ, diaye majare ĩgʉ wereniguigʉ árĩcʉ̃ gʉa masibʉ. Ĩgʉ dihta Goãmʉ magʉ árĩgʉ turagʉ árĩmi. Ĩgʉ eropa árĩgʉ árĩcʉ̃ gʉa masibʉ.

Juan 14:23

Ĩgʉ eroparĩcʉ̃ Jesu yʉhrimi: —Yʉre mahirã yʉ dorerire õaro iima. Erã eropa iicʉ̃ yʉ Pagʉpʉ erãre mahigʉcumi. Eropirã erã mera árĩrã árĩrãca gʉa.

2 Corintios 6:16

Goãmʉre umupeori wihigue goãmarã wéanirãre mari apicʉ̃ queoro wabeaa. Eropa ta Cristo yarã Cristore gamebirã mera wapicʉniguicʉ̃ queoro wabeaa. Erã pe curu majarã yujuro mera erã árĩmasibeama. Goãmʉ wihi iro dopa ãhraa mari. Ĩgʉ wihi árĩro dopa ta mari mera ãhrimi ĩgʉ. Õpa arĩñumi Goãmʉ ĩgʉ yare erã gojarapũgue: Erã mera ta árĩgʉra yʉhʉ. Eropigʉ erã watope ta eropa árĩniguigʉra. Yʉhʉ Goãmʉ erã opʉ árĩgʉra. Eropirã erãpʉ yaharã masa árĩrãcoma, arĩñumi ĩgʉ.

2 Corintios 6:18

Eropigʉ mʉa pagʉ árĩgʉra. Mʉapʉ yʉ porã árĩrãca, arĩñumi mari Opʉ turatariagʉ.

1 Tesalonicenses 3:11

Goãmʉ mari Pagʉ ĩgʉ basi mari Opʉ Jesu mera gʉare itamuporo mʉa pohrogue gʉa waburire.

Hebreos 11:16

Õari yebapʉre gahme corerã iiñorã. Iri yeba ʉmarogue ãhraa. Erã eropa gahme corecʉ̃ ĩagʉ Goãmʉre “Gʉa opʉ ãhrimi,” erã arĩcʉ̃ peegʉ ne gʉhyasĩribiripʉ Goãmʉ. Ĩgʉ pohro erã ya maca árĩborore iibasatuhadi árĩmi ĩgʉ. Eropigʉ gʉhyasĩribiripʉ.

Hebreos 8:10

Eropigʉ pʉhrʉgue Israe masare õpa arĩ weregʉra: Yʉ dorerire erãre guñacʉ̃ iigʉra. Erãre yʉ dorerire yʉhridiacʉ̃ iigʉca. Eropigʉ yʉ Goãmʉ erã opʉ árĩgʉra. Eropirã erãpʉ yaharã masa árĩrãcoma, arĩ weregʉra.

Hebreos 8:2

Eropigʉ Goãmʉ wihi i yeba maja wihi, masa erã iira wihigue mohmebeami. Ʉmarogue árĩri wihire mari Opʉ ĩgʉ iira wihire Goãmʉ ya árĩburire mohmebasami. Iri wihi tamera Goãmʉ ya wihi gohra ãhraa.

Apocalipsis 10:4

Erã eropa wereniguicʉ̃ peegʉ gojanʉgarabʉ yʉhʉ. Yʉ eropa gojanʉgacʉ̃ ta ʉmarogue yʉre wereniguiro carabʉ. —Siete bupua erã arĩrare gajirãre werebita. Eropigʉ irire goja aĩbita, arĩro carabʉ yʉre.

Apocalipsis 10:8

Ĩgʉ eropa arĩra pʉhrʉ ʉmarogue yʉre wereniguidiro dopa ta dipaturi wereniguigʉ carami daja. Õpa arĩgʉ carami yʉre: —Wʉariyague niguigʉ yebague niguigʉ sihĩ anyu pohrogue waque. Eropa wagʉ papera tũrugãre ĩgʉ opari tũrugãre aĩque, arĩgʉ carami yʉre.

Apocalipsis 12:10

Pʉhrʉ ʉmarogue turaro wereniguicʉ̃ peeabʉ: —Dohpaguere mari Pagʉ masare taumi pare. Dohpague tamerare mari Pagʉ mari Opʉ árĩgʉ ãhrimi ĩgʉ turarire ĩhmubu. Eropigʉ ĩgʉ obeodigʉ Cristo sã ĩgʉ opʉ árĩrire ĩgʉ turarire ĩhmumi árĩpehrerãre. Watĩre ʉmarogue árĩdigʉre cohã dijuami i yebague. Eropigʉ ĩgʉ turarire ĩhmumi mari Pagʉ. Ĩgʉ watĩpʉ ʉmʉri nʉcʉ, ñamiri nʉcʉ Jesu yarãre, “Oã ñerã ãhrima,” arĩ weresãgʉ iimi mari Pagʉre. Eropigʉ mari acawererãre Jesu yarãre weresãgʉ árĩmi.

Apocalipsis 21:7

Árĩpehrerã ñero tariquererã yʉre umupeoduhubirãre õpa iigʉra: Erã Goãmʉ árĩgʉra. Eropirã erãpʉ yʉ porã árĩrãcoma.

Apocalipsis 22:3

Iri macare ne pũriri mariroca. Iri maca Goãmʉ ĩgʉ opʉ árĩro árĩroca. Cordero ĩgʉ opʉ árĩro sã árĩroca iri maca. Eropirã ĩgʉ pohro majarã árĩrã ĩgʉ pohro mereja ĩgʉre umupeorãcoma.

Apocalipsis 7:15

Eropa ĩgʉ coenirã árĩrã Goãmʉ ĩgʉ doaro core ĩgʉre eropa umupeoniguicãma. Ʉmʉri ñamiri nʉcʉ ĩgʉre eropa umupeoniguicãma pahia Goãmʉ wihigue erã iiro dopa ta. Eropigʉ erã mera eropa árĩniguigʉ erãre itamugʉcumi Goãmʉ gajiropa wari arĩgʉ.