Apocalipsis 10:1 - Desano

¹ Pʉhrʉ gajigʉ turagʉ anyu ʉmarogue dijaricʉ̃ ĩhabʉ. Imica curu watope ãhrami. Eropigʉ buibʉgʉda ĩgʉ dipuru weca peyabʉ. Ĩgʉ diapo ʉmʉ majagʉ abe iro dopa gosesiriabʉ. Ĩgʉ ñigari peame iro dopa goseabʉ.

Apocalipsis 10:1 Iomraidhean Croise

Mateo 17:2

Ʉmarogue erã mʉrijara pʉhrʉ erã ĩhabeoro ĩgʉ dʉpʉre gohrotopʉ. Ĩgʉ diapo abe ʉmʉ majagʉ iro dopa gohra gosesiriyoro. Eropiro ĩgʉ suhri gosesiriri suhri õaro boreriñe wayoro.

Lucas 21:27

Irisubu ta yʉhʉ masʉ Goãmʉ ĩgʉ obeodigʉ Goãmʉ ĩgʉ turari mera, ĩgʉ gosesiriri mera ʉmaro maja imica weca i yebaguere yʉ dujaricʉ̃ ĩarãcoma masa.

Hechos 26:13

Õpa árĩbʉ, opʉ Agripa: Goeri boje árĩcʉ̃ gohra mague yʉ wacʉ̃ ʉmaro maja gosesiriri, abe ʉmʉ majagʉ tauro yʉre yʉ mera warã sãre gosesiribʉ.

Apocalipsis 1:7

Õaro pee masi coreque mʉa. Imica cururi weca dijarigʉcumi Cristo. Ĩgʉ eropa aricʉ̃ ĩarãcoma árĩpehrerã. Ĩgʉre crusague pabia wejẽnirã mʉra sã ĩarãcoma. Eropirã ĩgʉ aricʉ̃ ĩarã i yeba majarã árĩpehreri cururi majarã orerãcoma güirã. Eropa ta árĩporo.

Apocalipsis 18:1

Pʉhrʉ gajigʉ anyure ʉmarogue dijarigʉre ĩhabʉ. Ĩgʉ opʉ gohra ãhrami. Eropigʉ ĩgʉ gosesiriri árĩpehreroguere õaro boyoro wahabʉ.

Apocalipsis 18:21

Eropa arĩ wereniguirare peera pʉhrʉ õpa ĩhabʉ yʉhʉ. Turagʉ anyu wʉariye ʉtãyere aĩ wahgũ, wʉariyague mehyuami. Eropa mehyugʉ õpa arãmi: —Iye ʉtãye yuriñajadiro dopa ta wʉari maca Babilonia waĩcʉri maca turaro yuhridijaro bʉsʉroca. Eropa yuhridijara pʉhrʉ iri macare dipaturi ĩasome mʉa.

Apocalipsis 20:1

Pʉhrʉ gajigʉ anyu ʉmarogue ĩgʉ dijaricʉ̃ ĩhabʉ. Ʉ̃hcãri gobe maja sawire, wʉarida comeda sãre opámi ĩgʉ.

Apocalipsis 4:3

Eropigʉ õaro gosesirigʉ doámi. Jaspe waĩcʉri ʉtãye gosesiriro dopa ta, cornalina waĩcʉri ʉtãye gosesiriro dopa ta õaro gosesirigʉ doámi ĩgʉ. Eropigʉ õaro gosesiriri bero esmeralda iro dopa gosesiriri bero pohecague doámi ĩgʉ.

Apocalipsis 5:2

Eropigʉ turagʉ anyure ĩhabʉ. Ĩgʉ turaro wereniguiri mera õpa arĩ wereami: —I tũrure pihañarare õagʉ dihta pãñamasimi. ¿Nihipʉ ãhriri iripũre pãbu? arãmi ĩgʉ anyu.

Apocalipsis 8:13

Pʉhrʉ ĩhamemujuabʉ daja. Ʉmarogue gaa wʉwahgãgʉre ĩhabʉ. Eropigʉ ĩgʉ gaguiniguicʉ̃ peeabʉ. Õpa arãmi ĩgʉ: —Ñetariaa. Ñetariaa. Ʉrerã anyua purinibeama dohpa. Erã purira pʉhrʉ ñetariaro waroca. Eropa wacʉ̃ i yeba árĩrã ñetariaro warãcoma, arĩ dijuami ĩgʉ.