Apocalipsis 1:11 - Desano

¹¹ Õpa arĩgʉ carami yʉ peecʉ̃: —Yʉhʉ árĩpehrerire ĩhacũnugudigʉ ãhraa. Eropigʉ yʉhʉ árĩpehrerire pehrecʉ̃ iibu ãhraa. Dohpague mʉ ĩaburire gojaripũgue goja aĩque. Mʉ eropa goja aĩra pʉhrʉ siete cururi majarãre Goãmʉ yarãre obeoque iripũre. Erã siete cururi majarã Asia yeba árĩri macari majarã ãhrima. Eropigʉ Efeso majarãre, Esmirna majarãre, Pérgamo majarãre, Tiatira majarãre, Sardis majarãre, Filadelfia majarãre, Laodicea majarãre mʉ ĩaburire gojabeoque, arĩgʉ carami yʉre.

Apocalipsis 1:11 Iomraidhean Croise

Hechos 16:14

Yujugo gʉare peego Tiatira majago Lidia waĩcʉgo árĩmo. Eropigo igo õari suhri wajacʉri suhrire duago árĩmo. Mari Pagʉ Goãmʉ sãre umupeogo árĩmo. Eropigʉ Pablo ĩgʉ wererire õaro peecʉ̃ iimi Goãmʉ igore.

Hechos 18:24

Irisubure, judio masʉ Apolo waĩcʉgʉ, Alejandría maca majagʉ Efesogue ejapʉ. Ĩgʉ õaro weremehregʉ árĩpʉ. Eropigʉ ĩgʉ Goãmʉ ĩgʉ gojarare õaro masipʉ.

Hechos 20:17

Eropigʉ Pablo Miletogue árĩgʉ, Goãmʉ yarã Efeso majarã Jesu yarã oparãre sihubeomi ĩgʉ.

1 Corintios 15:32

Efeso majarã guarã õari buherire yʉ buhera waja yʉre pama. Masa mʉriariñe maricʉ̃ Jesu yagʉ yʉ árĩbiricʉ̃, yʉ ñero tarira waja duhpiburi árĩbiriboya. Sĩrinirã mʉra erã masa mʉriabiricʉ̃ õpa arĩboya mari: “Pʉhrʉñari sĩrirãca. Dohpa wasome mari. Eropirã bania, ihrirã, mari gamero dopa iirã,” arĩboya mari.

1 Corintios 16:8

Eropa árĩdiaqueregʉ ta pentecoste bosenʉ árĩcʉ̃gue Efeso árĩnigʉca dohpa.

Efesios 1:1

Yʉhʉ Pablo Goãmʉ ĩgʉ gamero dopa ta Jesucristo yʉre ĩgʉ yare buhedore apidigʉ ãhraa. Eropigʉ mʉare Efeso majarãre gojabeoa. Mʉare Jesucristore õaro umupeorãre gojabeoa yʉhʉ.

Colosenses 2:1

Ire mʉa masicʉ̃ gahmea. Mʉa ya árĩburire, Laodicea majarã ya árĩburire, árĩpehrerã ya árĩburire turaro mohmea yʉhʉ. Árĩpehrerã masa yʉre ĩabirã ya árĩburi sãre turaro mohmea yʉhʉ.

1 Timoteo 1:3

Sohõ árĩrasubure Macedonia yebague wagʉ mʉre Efeso macague api tari wahgãbʉ. Ero yujurãyeri gaji buherire gʉya buherã árĩma. Iri buherire buhedorebiribure apibʉ yʉhʉ mʉre.

Apocalipsis 1:17

Eropigʉ ĩgʉre ĩagʉ ʉca waha ĩgʉ guburi pohro mehmerejabʉ sĩrigʉ iro dopa. Yʉ eropa mehmerejacʉ̃ ĩagʉ ĩgʉ, ĩgʉ mojoto diayepʉ mera yʉre duhpeo õpa arãmi: —Ʉcabita. Yʉ árĩpehrerire ĩhacũnugudigʉ ãhraa. Eropigʉ árĩpehrerire pehrecʉ̃ iibu ãhraa.

Apocalipsis 1:19

Eropigʉ dohpague mʉ ĩarare gojaque. Pʉhrʉgue eropa waboro sãre ĩagʉ gojaque.

Apocalipsis 1:2

Eropigʉ yʉhʉ Ñu baja ĩamʉhtabʉ Goãmʉ ĩgʉ dohpa iiburire. Goãmʉ ĩgʉ wereniguiri sãre peeabʉ. Eropigʉ árĩpehreri yʉ ĩarare yʉ peerare were gojabeogʉ iiaa. Jesucristo ĩgʉ basi ta diaye arĩrare were gojabeogʉ iiaa.

Apocalipsis 1:20

Oã siete necãre yʉ mojoto diayepʉ oparãre weregʉra mʉre. Eropigʉ siete sihãgori yucʉre erã duhpeora yucʉ oro yucʉ sãre weregʉra. Yʉ õpa arĩ wererire iribojegue majarãre ne werebirimʉribʉ. Õpa ãhraa iri: Siete necã siete cururi majarã yaharã oparã árĩrã iro dopa ãhrima. Eropiro siete sihãgori yucʉre erã duhpeora yucʉ siete cururi majarã yaharã iro dopa ãhrima, arãmi yʉre Jesucristo.

Apocalipsis 1:4

Yʉhʉ Ñu mʉare siete cururi majarãre Jesu yarãre Asia yeba majarãre gojabeoa. Goãmʉ ĩgʉ mahiri mera mʉare õadorea. Eropirã ĩgʉ itamuri mera õaro árĩque mʉa. Ĩgʉ negohraguere eropa árĩniguidigʉ árĩñumi. Dohpague sãre eropa ta árĩniguimi. Pʉhrʉgue sãre eropa ta árĩniguigʉcumi. Goãmʉ ĩgʉ opʉ doaro core Espíritu Santo ãhrimi. Siete suburi maja turari árĩpehreri opagʉ ãhrimi. Ĩgʉ mera sãre yʉ mʉare õadorea daja.

Apocalipsis 1:8

Õpa arĩmi mari Opʉ Goãmʉ: “Yʉhʉ árĩpehrerire ĩhacũnugudigʉ ãhraa. Eropigʉ árĩpehrerire pehrecʉ̃ iibu ãhraa, arĩmi. Iribojegue sãre eropa árĩniguimʉribʉ. Dohpague sãre eropa ãhraa. Pʉhrʉgue sãre árĩgʉra,” arĩmi Goãmʉ.

Apocalipsis 10:4

Erã eropa wereniguicʉ̃ peegʉ gojanʉgarabʉ yʉhʉ. Yʉ eropa gojanʉgacʉ̃ ta ʉmarogue yʉre wereniguiro carabʉ. —Siete bupua erã arĩrare gajirãre werebita. Eropigʉ irire goja aĩbita, arĩro carabʉ yʉre.

Apocalipsis 14:13

Pʉhrʉ ʉmarogue yʉre wereniguiro caracʉ̃ peeabʉ daja. Õpa arãmi yʉre: —Ire gojaque mʉhʉ. Goãmʉ yarã ĩgʉre cóãbirã árĩnirã dohpaguere mʉa sĩrira pʉhrʉ sãre õaro mucubirirã árĩrãca mʉa, arĩ medijugʉ carami yʉre. Ĩgʉ eropa arĩra pʉhrʉ Espíritu Santopʉ õpa arĩnemoami daja: —Eropa ta ãhraa. Diaye ta ãhraa. Erã turaro erã mohmerire duhpiicã soorãcoma. Ʉmarogue erã wacʉ̃ õaro erã iirare guñagʉcumi Goãmʉ. Eropigʉ erãre õaro iigʉcumi. Eropirã erã mucubirirã árĩrãcoma, arĩnemoami Espíritu Santo.

Apocalipsis 19:9

Erã eropa arĩra pʉhrʉ anyupʉ arãmi yʉre: —Ire goja aĩque. “Cordero ĩgʉ mojoto diriri bosenʉre ĩgʉ sihubeonirã mucubirirã ãhrima,” arĩ goja aĩque, arãmi yʉre anyu. Eropa arĩgʉ ta õpa arĩnemoami: —Diaye ta ãhraa i yʉ werera. Goãmʉ ya wereniguiri ãhraa, arĩnemoami yʉre.

Apocalipsis 2:1

Eropa arĩtuhaja õpa arĩnemoami yʉre gojadoregʉ: —Efeso majarã yaharãre, erã opʉ sãre õpa yʉ arĩrire arĩ gojabeoque mʉhʉ. Yʉhʉ mojoto diayepʉ siete necãre opagʉ ãhraa. Eropigʉ siete sihãgori yucʉ watope curigʉ ãhraa. Eropa curigʉ árĩgʉ mʉare õpa arĩ werea:

Apocalipsis 2:12

—Pérgamo majarã yaharã erã opʉ sãre õpa yʉ arĩrire gojabeoque mʉhʉ, arãmi yʉre Jesucristo. Yʉhʉ ñoserimijire pepʉri usirimijire opagʉ ãhraa. Mʉare õpa arĩ weregʉra:

Apocalipsis 2:18

—Tiatira majarã yaharã erã opʉ sãre õpa yʉ arĩrire gojabeoque mʉhʉ, arãmi daja yʉre Jesucristo. Yʉhʉ Goãmʉ magʉ yʉ cuiri peame porã iro dopa gosesirigʉ ãhraa. Eropiro yʉ guburi bronce waĩcʉri come erã timura iro dopa gosesiria. Mʉare õpa arĩ werea:

Apocalipsis 2:24

Mʉa Tiatira majarã gajirã mʉa mera majarã igo ya buherire gamebirabʉ. Mʉapʉ Satana ya buherire “Wʉaro ĩgʉ masiri ãhraa,” erã arĩrare gamebirabʉ mʉa. Eropigʉ mʉapʉre gajino mʉa iiburire dorenemosome yʉhʉ.

Apocalipsis 2:8

—Esmirna majarã yaharãre erã opʉ sãre õpa yʉ arĩrire gojabeoque mʉhʉ, arãmi yʉre Jesucristo. Yʉhʉ árĩpehrerire ĩhacũnugudigʉ ãhraa. Eropigʉ árĩpehreri pehrecʉ̃ iibu ãhraa. Sĩria wabʉ. Dipaturi ojocaria daja. Eropigʉ õpa arĩ werea mʉare:

Apocalipsis 21:5

Pʉhrʉ opʉ doarogue doagʉ õpa arãmi: —Ĩaque. Árĩpehrerire mama gohrotocʉ̃ iigʉca, arãmi. Ĩgʉ eropa arĩra pʉhrʉ yʉre õpa arãmi daja: —Yʉ arĩrire goja aĩque. Yʉ arĩri diaye ta ãhraa. Eropiro yʉ arĩdiro dopa ta eropa waroca. Eropigʉ yʉ arĩrire goja aĩque, arãmi yʉre.

Apocalipsis 22:10

Eropigʉ õpa arĩ werenemoami yʉre: —Ipũ mʉ goja aĩrapũ pʉhrʉ maja dohpa waborore werea. Eropa waboro merogã dʉhyaa. Eropa árĩcʉ̃ ipũ wererare dibubita mʉhʉ.

Apocalipsis 22:16

Eropigʉ õpa arĩnemoami Jesu yʉre: —Yʉhʉ Jesu yahagʉ anyure obeoabʉ mʉare yaharãre ipũ majare werebure. Opʉ Davi árĩturiagʉ pãrami ãhraa yʉhʉ. Yʉhʉ boyomʉriridiru iro dopa árĩgʉ mʉare õaro árĩcʉ̃ iigʉ ãhraa, arĩ werenemoami Jesu.

Apocalipsis 3:1

—Sardis majarã yaharãre erã oparã sãre õpa yʉ arĩrire gojabeoque mʉhʉ, arãmi daja yʉre Jesucristo. Yʉhʉ ĩgʉ Espíritu Santo siete suburi maja turarire opaa. Eropigʉ siete necãre opaa. Mʉare õpa arĩ werea: Mʉa iirare masia. Õpa arĩ pepirima mʉare gajirã: “Erã Goãmʉ yare õaro iipehorã ãhrima,” arĩ pepirima mʉare. Erã eropa arĩ pepiquerecʉ̃, Goãmʉ yare õaro iibeaa mʉapʉ.

Apocalipsis 3:14

—Laodicea majarãre yaharã erã opʉ sãre õpa yʉ arĩrire gojabeoque mʉhʉ, arãmi daja yʉre Jesucristo. Yʉ arĩro dopa ta iigʉ ãhraa yʉhʉ. Eropigʉ gʉyaro mariro yʉ ĩarare eropa wereniguigʉ ãhraa. Árĩpehrerire mari Pagʉ ĩgʉ ĩhacũnugurare iibasagʉ ãhraa yʉhʉ.

Apocalipsis 3:4

Yujurãyeri mʉa mera majarã Sardis majarã ñero erã iirire ĩhacũbeama. Eropa õarã árĩrã, boreri suhriro sañarã yʉ mera curirãcoma.

Apocalipsis 3:7

—Filadelfia majarã yaharã erã opʉ sãre õpa yʉ arĩrire arĩ gojabeoque mʉhʉ, arãmi daja yʉre Jesucristo. Yʉhʉ ñeri marigʉ ãhraa. Diaye maja weregʉ ãhraa. Davi mʉrʉ iribojegue majagʉ opʉ masare ĩgʉ dorediro dopa ta turari mera doregʉra yʉ sã. Iri turari mera iidorecʉ̃ ne gajirã irire cãhmotamasibeama. Yʉ iidorebiricʉ̃ ne gajirã irire iimasibeama.