2 Juan 1:1 - Desano

^1-2 Yʉhʉ bʉgʉ mʉre Goãmʉ beyedigore mʉ porã sãre ipũre gojabeoa. Jesucristo yare diaye majare opaa mari. Iri mari mera árĩniguicãroca. Eropigʉ diaye ta mahia yʉhʉ mʉare. Yʉ dihta mahibeaa mʉare. Gajirã Jesu yare masirã sã diaye ta mʉare mahima.

2 Juan 1:1 Iomraidhean Croise

1 Juan 3:18

Yʉ porã, mari “Yʉhʉ masare umupeoa,” mari arĩ wererã erãre itamuro gahmea. Erãre itamubirã erãre mahi umupeobirã iiaa.

Juan 8:32

Eropirã diaye ta masirãca mʉa. Diaye árĩrire masirã, ñero iirire duhumasirãca. Eropirã pohro majarã wiunirã iro dopa árĩrãca mʉa, arĩmi Jesu erãre.

2 Juan 1:5

Eropigʉ, acawerego, mari mera majarãre mahi umupeodorea marire. Yʉ doreri mama doreriñe árĩbeaa. Iri doreriñe marire mata árĩtuhaya.

1 Pedro 5:1

Dohpaguere mʉare Jesu yarã oparãre weregʉra: Yʉhʉ Jesu yarã opʉ ãhraa. Mʉa sã erã oparã ta ãhraa. Mʉare yʉ iro dopa oparã árĩrãre ire werebu iiaa yʉhʉ: Cristo ĩgʉ ñero tarirare ĩadigʉ árĩgʉ, mʉa mera ʉmarogue Cristo mera õaro árĩniguibu árĩgʉ ire mʉare weregʉra:

2 Juan 1:13

Mʉ pagʉ mago Goãmʉ beyedigo igo porãpʉ mʉare õadorema. Iripẽta ãhraa.

1 Juan 2:21

Eropigʉ yʉ mʉare weregʉ, “Diaye maja árĩrire masibeaa mʉa,” arĩbeaa yʉhʉ. Mʉa diaye maja árĩrire masirã gʉyacʉ̃ sãre masia. Eropigʉ mʉare werea yʉhʉ.

1 Pedro 1:2

Negohraguere Goãmʉ mari Pagʉ “Õpa iigʉra,” ĩgʉ arĩdiro dopa ta mʉare beyepʉ. Ĩgʉ beyera pʉhrʉ ĩgʉ Espíritu Santo mera mʉare Goãmʉ yarã árĩmorãre acupʉ. Õpa ta acupʉ ĩgʉ Jesucristore õaro yʉhrimorã mʉa árĩboro dopa. Ĩgʉ di cóãro mera ñerire coenirã mʉa árĩboro dopa iipʉ. Eropirã Goãmʉ ĩgʉ mahiri mera õaro árĩque mʉa.

Hebreos 10:26

Diaye árĩri buherire mari masiquererã ta irire cóãrã ñerire mari eropa iiniguicʉ̃, Jesucristo sĩrira mera mari ñerire cóãnemoboro ne mara.

Gálatas 5:7

Mʉa ne Jesucristore umupeorã ĩgʉ yare õaro diaye iimʉribʉ. Eropirã dohpaguere mʉa Jesucristo yare diaye majare õaro iibiricʉ̃ gajirã mʉare cãhmotañorã.

Gálatas 3:1

Mʉa pee masibirã ãhraa dohpaguere. Mʉare Jesucristo ĩgʉ basi mari ñeri iira dipuwajare sĩribasarare mʉare werecʉ̃ mʉa õaro ĩha masiribʉ. ¿Mʉa eropa õaro masicʉ̃ noa mʉare goroweoari dohpaguere iri diaye maja mʉa umupeoborañere?

Gálatas 2:14

Erã eropiicʉ̃ ĩha gamebirigohracãbʉ yʉhʉ. Erã judio masa árĩbirãre dʉca warã “Jesu dihta marire taumi,” arĩ ĩhmubirima. “Moise doreri sãre umupeoro gahmea,” arĩ ĩhmurima erã judio masa árĩbirãre. Eropigʉ yʉhʉ árĩpehrerã Jesure umupeorã peeuro bʉrigã arĩbʉ Pedrore. “Mʉhʉ judio masʉ árĩqueregʉ õguere ne eragʉ judio masa árĩbirã mera yujuro mera bagʉ gʉa judio masa árĩricʉrire guñabirabʉ. ¿Duhpigʉ mʉhʉ dohpaguere gohrotodiari? ¿Eropigʉ duhpigʉ dohpaguere erã judio masa árĩbirãpʉre gʉa árĩricʉrire iidorediari?” arĩ werebʉ ĩgʉre ĩgʉ queoro iibirira waja.

Gálatas 2:5

Eropirã erã eropa gʉare dorecʉ̃ ĩarã erãre ne yʉhribiribʉ. Erãre yʉhrirã iri Jesucristo marire tauburi buherire queoro buhemasibiriboaya mʉare. Eropirã erã dorediarire cãhmotacãbʉ.

Lucas 1:3

Eropigʉ i árĩpehrerire õaro masipehodiagʉ yʉ sã erã arĩ wererare buhebʉ. Eropigʉ yʉ sã irire õaro gojadiaa mʉa buheburi árĩburire.

Hechos 11:30

Erã eropa arĩra pʉhrʉ Bernabé Saulo mera erã iri niyerure aĩgãbasañorã. Erogue ejarã Judea majarãre Jesu yarãre wiañorã iri niyerure.

Romanos 16:13

Eropigʉ Rufo mari Opʉ Jesure õaro umupeogʉ, ĩgʉ yare õaro iigʉ õaporo. Ĩgʉ pago sã õaporo. Igo yʉ pago iro dopa ta árĩgo ãhrimo.

1 Pedro 5:13

Mʉare ĩgʉ beyediro dopa ta Jesu yarã Babilonia majarã sãre beyedigʉ árĩmi Goãmʉ. Erã mʉare õadorema. Marco sã yʉ magʉ iro dopa árĩgʉ sã mʉare õadoremi.

3 Juan 1:1

Yʉhʉ bʉgʉ mʉre Gayore diaye ta yʉ mahigʉre ipũre gojabeoa.