1 Juan 2:3 - Desano

³ Maripʉ Goãmʉ dorerire iirã árĩrã “Goãmʉre diaye ta masia yʉhʉ,” arĩ masia mari.

1 Juan 2:3 Iomraidhean Croise

Lucas 6:46

Eropigʉ erãre werenemopʉ: —Mʉa yʉre “Opʉ,” arãa. Eropa arĩquererã ta yʉ dorerire iibeaa mʉa. ¿Duhpirã eropa iibeari mʉa?

Juan 14:15

Eropa arĩtuha gʉare õpa arĩnemomi: —Yʉre mʉa mahirã, yʉ dorerire iipehorãca.

Juan 15:10

Yʉ Pagʉ ĩgʉ dorerire iiaa yʉhʉ. Eropigʉ ĩgʉ mahigʉ árĩniguia yʉhʉ. Eropa ta mʉa sã yʉ dorerire iirã yʉ mahirã árĩniguicãrãca mʉa.

Juan 15:14

Eropirã yʉ dorerire iirã yʉ mera majarã ãhraa mʉa.

Juan 17:3

Mʉ dihta Goãmʉ gohra ãhraa. Yʉhʉ Jesucristo mʉ obeodigʉ ãhraa. Eropirã árĩpehrerã mʉre masirã, yʉ sãre masirã mari mera ʉmaroguere eropa árĩniguicãrãcoma, arĩmi.

2 Corintios 4:6

Negohraguere õpa arĩ dorepʉ Goãmʉ i ʉmʉ naitĩaro árĩcʉ̃: “Boyoro árĩque,” ĩgʉ arĩcʉ̃ boyoa wayoro. Eropigʉ dohpaguere ĩgʉ ta iri turari mera marire masicʉ̃ iimi boyoro árĩro dopa. Eropa marire masicʉ̃ iigʉ ĩgʉ õaro árĩricʉrire marire masicʉ̃ iimi. Jesucristore masirã ĩgʉ Pagʉ ĩgʉ õaro árĩricʉrire masia mari.

Hebreos 5:9

Eropa yʉhridigʉ crusague sĩrigʉ masa erã ñerire cãdijigʉ árĩpehrerã ĩgʉre yʉhrirãre taubu wapʉ.

1 Juan 2:13

Mʉa pagʉ sʉmarã sã, mʉa Cristore negohraguere árĩdigʉre masirã ãhraa pare. Mʉa eropa masicʉ̃ mʉa sãre were gojagʉ iiaa. Mʉa mamarã, mʉa watĩre tarinʉgabʉ mʉa. Mʉa eropa tarinʉgarã árĩcʉ̃ mʉare were gojagʉ iiaa. Yʉ porã, mʉa mari Pagʉre masia. Mʉa eropa masirã árĩcʉ̃ were gojagʉ iiaa.

1 Juan 3:14

Negohrare mari Goãmʉ yare iibirã árĩnirã mari dederebonirã árĩribʉ. Dohpaguere pare Goãmʉ yare iirã árĩrã ĩgʉ mera árĩniguimorã ãhraa. Eropirã ĩgʉ itamuri mera Jesu yarãre mahi umupeorã ãhraa. Eropa umupeorã árĩrã “Goãmʉ yarã ãhraa,” arĩ masia mari. Masare mahibirã peamegue wamorã ãhrima.

1 Juan 3:19

Eropa gajirãre mahi umupeorã, “Mari diaye ta Goãmʉ yarã ãhraa,” arĩmasia.

1 Juan 3:6

Eropirã árĩpehrerã Cristo mera majarã árĩrã erã sã ñerire eropa iiniguicãbeama. Ñerire eropa iiniguicãrã Cristore ne masibeama. Eropa iirã Cristo yarã árĩbeama.

1 Juan 4:13

Goãmʉ marire ĩgʉ Espíriture ohami. Eropirã ĩgʉ Espíriture mari oparã “Goãmʉ mari mera õaro ãhrimi,” arĩ masia mari.

1 Juan 4:7

Yʉ mahirã, mari gajirãre mahicʉ̃ Goãmʉ iigʉ ãhrimi. Ĩgʉ eropárĩcʉ̃ ĩarã mari mera majarãre mahirã. Masare õaro mahirãpʉ Goãmʉ porã ãhrima. Eropirã erã Goãmʉre õaro masima.

1 Juan 5:19

Mari Goãmʉ porã ãhraa. Watĩ i ʉmʉ majarã opʉ ãhrimi. Iri sãre masia mari.

1 Juan 5:2

Eropirã Goãmʉ porãre mari mahirire mari õpa masirãca: Goãmʉre mahi, ĩgʉ dorerire õaro ii, ĩgʉ porã sãre mari mahirã iiaa.

1 Juan 5:3

Ĩgʉ dorerire õaro iirã Goãmʉre mahirã iiaa mari. Marire Goãmʉ ĩgʉ dorerire iicʉ̃ teboricʉsũya mara. Eropirã mari árĩpehrerã Goãmʉ porã árĩrã, i ʉmʉ maja ñerire eropa iiniguicãsome. Goãmʉre umupeorã ne ñerire gamebeaa. Eropirã ĩgʉre mari umupeora pʉhrʉ ñerire iidiabeaa.

Apocalipsis 12:17

Eropa wacʉ̃ ĩagʉ pĩru guatariami. Eropa guagʉ yujurãyeri igo pãramerã árĩturiarã mera gamewejẽgʉ wahámi. Erãpʉ Goãmʉ dorerire iirã ãhrama. Jesu yare õari buherire ne duhubirã ãhrama. Erã mera gamewejẽgʉ wahámi. Eropigʉ pĩru wʉariya tʉro pohro niguiami.

Apocalipsis 14:12

Eropigʉ õpa arĩ werea mʉare ire: Mʉa erã eropa ñero tariborore masirã, Goãmʉ yarã ĩgʉ dorerire iirã, Jesure cóãbirã árĩrã, ĩgʉ yare duhubiricãque. Ñero tarirã árĩquererã ta Goãmʉ yare duhubiricãque, arãa yʉhʉ mʉare.

Apocalipsis 22:14

“Árĩpehrerã gʉhrari mariri suhrire sañanirã árĩro dopa ta erã ñeri iirare coenirã iri macaguere ejarãcoma. Eropirã iri maca maja yucʉ ojocaricʉ̃ iiri yucʉ dʉcare barãcoma. Eropirã mucubirirã árĩrãcoma erã.