1 Juan 2:12 - Desano

¹² Yʉ porã, Goãmʉ mʉa ñeri dipuwajare cãdijipehodi árĩmi Cristo ĩgʉ sĩrirañe mera. Eropa mʉa ñerire cãdijisũrã árĩcʉ̃ mʉare wegʉ árĩgʉ ñerire iigʉ ãhrimi. Ĩgʉ ta “Yʉhʉ õarire iigʉ ãhraa,” arĩmasibre gojagʉ iiaa.

1 Juan 2:12 Iomraidhean Croise

Lucas 24:47

Ĩgʉ masa mʉriara pʉhrʉ árĩpehreri yeba ĩgʉ yarã Goãmʉ yare buherãcoma. ‘Mʉa ñerire bʉjawererã Jesucristo mera mʉa ñerire cãdijirã árĩrãca,’ arĩ wererãcoma masare. Eropa weremorã Jerusalén were­nʉga­rãcoma,” arĩ gojañumi Goãmʉ yare erã gojarapũ, arĩpʉ Jesu.

Lucas 5:20

“Jesu ihĩ ĩgʉ dorecʉrire taricʉ̃ iigʉcumi,” arĩ pepiñorã erã. Erã eroparĩ pepicʉ̃ masigʉ Jesupʉ dorecʉgʉre õpa arĩ werepʉ: —Mahgʉ, mʉ ñero iirare yʉhʉ cóãtuhabʉ, arĩpʉ dʉpʉ bʉhadire Jesu.

Hechos 10:43

Árĩpehrerã Jesure erã umupeocʉ̃ ĩagʉ Goãmʉ erã ñerire cãdijigʉcumi. Irire árĩpehrerã Goãmʉ ya weremʉhtanirã iribojegue majarã wereyuñuma, arĩ werepʉ Pedro.

Hechos 13:38

Eropirã mʉa, yʉ acawererã, ire masique: Goãmʉ mʉa ñerire ĩgʉ cóãborore mʉare ire werea gʉa. Jesupʉ mʉa ñerire cóãbu ãhrimi.

Hechos 4:12

Ne gajigʉ masare peamegue wabonirãre taugʉ ne marimi. I yebaguere Jesu dihta masare taugʉ ãhrimi. Ne gajirã ĩgʉ iro dopa árĩrã ne marima, arĩ werepʉ Pedro erãre.

1 Corintios 6:11

Iribojeguere mʉa yujurãyeri eropa iirã árĩyoro. Eropa iinirã mʉa árĩquerecʉ̃ ta dohpaguere mʉa ñero iirare cóãtuhami Jesucristopʉ. Eropa ĩgʉ taunirã mʉa árĩcʉ̃ ĩgʉ yarã árĩmorã iimi Goãmʉ mʉare. Eropa iigʉ “Õarã ãhrima,” arĩ ĩhami ĩgʉ mʉare. Eropa ta iimi mʉare mari Opʉ Jesucristo mera, Espíritu Santo mera.

Efesios 1:7

Eropigʉ ĩgʉ magʉ Jesucristo ĩgʉ di cóãgʉ sĩrigʉ mari ñeri iira dipuwajare wajayebasadi árĩmi. Ĩgʉ eropa wajayebasacʉ̃ mari ñeri iirare cãdijidi árĩmi Goãmʉ. Eropigʉ marire turaro mahigʉ, marire mojomoro ĩagʉ eropa iipʉ Goãmʉ. Eropigʉ marire peamegue wabonirãre taudi árĩmi. Ĩgʉ õaro masipehori mera eropiipʉ ĩgʉ. Eropirã ĩgʉre õaro wereniguia.

Efesios 4:32

Eropi mʉa mera majarãre õaro mera õaro iique. Cristo yarã mʉa árĩcʉ̃ ĩagʉ mʉa ñerare cãdijicãmi Goãmʉ. Eropa ta mʉa sã gajirã mʉare erã ñero iicʉ̃ ĩarã erã ñerire cãdijicãque.

Colosenses 1:14

Ĩgʉ magʉ mera marire peamegue wabonirãre taudi árĩmi Goãmʉ. Ĩgʉ magʉ ĩgʉ sĩrirañe mera mari ñeri iirare cãdijidi árĩmi Goãmʉ.

1 Juan 1:4

Irire ta gʉa gojaa mʉa õaro mucubiriburire.

1 Juan 1:7

Eropirã mari Goãmʉ iidiro dopa ta mari õarire iiniguirã tamera, Goãmʉ mera õaro árĩrã iiaa. Mari basi sã õaro árĩrã iiaa. Eropigʉ Jesucristo Goãmʉ magʉ mari ñeri iirire árĩpehrerire coegʉ ãhrimi. Ĩgʉ crusague sĩrigʉ ĩgʉ dire cóãmi. Ĩgʉ eropiigʉ mari ñeri iirire coeniguicãmi.

1 Juan 1:9

Eropirã mari ñero iirare werero gahmea Goãmʉre. Eropa wererã mari ñero iira pʉhrʉ Goãmʉre mari weretaripehocãcʉ̃, ĩgʉ mari ñero iirare cãdijipehocãgʉcumi. Ĩgʉ arĩdiro dopa ta diaye ta iigʉ õagʉ ãhrimi. Eropigʉ daja mari ñeri árĩpehreri sãre coeweagʉcumi.

1 Juan 2:1

Yʉ porã, mʉa ñerire iibiriboro dopa ire gojagʉ iiaa. Yujugʉ ñero iirare iicʉ̃ Jesucristo itamumi marire mari Pagʉ iri ñero iirare cãdijiboro dopa. Ĩgʉ Jesucristo õagʉ Pagʉ pohro árĩgʉ ĩgʉ Pagʉre õpa arĩ serẽbasacumi mari ñero iira pʉhrʉ: “Ihĩ ñero iira dipuwaja moabita ĩgʉre,” arĩrã “Goãmʉ gʉyaricʉgʉ ãhrimi,” arĩdiarã iiaa. Õpa arĩrã ĩgʉ ya buhe arĩcumi mari Pagʉre. Eropigʉ Jesucristo mari ñero iira dipuwaja wajayebasadi árĩmi. Mari ñero iira dihtare wajayebasabiridigʉ árĩmi. Árĩpehrero majarãguere erã ñero iirare wajayebasadi árĩmi.

1 Juan 2:21

Eropigʉ yʉ mʉare weregʉ, “Diaye maja árĩrire masibeaa mʉa,” arĩbeaa yʉhʉ. Mʉa diaye maja árĩrire masirã gʉyacʉ̃ sãre masia. Eropigʉ mʉare werea yʉhʉ.

1 Juan 2:7

Yʉ acawererã, yʉhʉ mʉare dohpaguere werebeoburi mama doreriñe árĩbeaa. I doreriñe mʉa negohraguere Jesu buherire peerañe ta ãhraa. Eropirã iriñe doreriñere peetuhajabʉ mʉa.