1 Juan 1:1 - Desano

¹ Dohpague ta gʉa Jesucristo yare were gojarã iiaa mʉare. Mata negue ta árĩdigʉ ãhrimi ĩgʉ. Ĩgʉ masare mari Pagʉ mera eropa árĩniguicʉ̃ iigʉ ãhrimi. Ĩgʉre ĩabʉ gʉa. Ĩgʉ wereniguirire pee gʉa ya cuiri mera ĩabʉ gʉa ĩgʉre. Eropirã ĩgʉre ĩarã, gʉa ya mojotori mera mohmepibʉ ĩgʉre.

1 Juan 1:1 Iomraidhean Croise

Lucas 24:39

Yʉ mojotorire yʉ guburi sãre ĩaque. Mʉa irire ĩarã, yʉre ĩha masirãca. Yʉre mohmepique. Mohmepirã masirãca mʉa. Sĩridigʉ mʉrʉ dʉpʉ moomi. Yʉpʉ dʉpʉcʉa, arĩpʉ Jesu.

Juan 19:35

Ĩgʉ eropa wacʉ̃ ĩabʉ yʉhʉ. Yʉhʉ ipũre gojagʉ diaye mʉare werea. Diaye yʉ wereri árĩcʉ̃ masia yʉhʉ. Mʉare irire werea mʉa sã Jesure mʉa umupeoburire.

Juan 20:27

Eropa arĩtuha ĩgʉ Tomare weremi: —Ĩaque yʉ mojotorire. Eropi mʉ mujusĩru mera yʉ mojotorire erã pabiara goberire puñaque. Eropigʉ mʉ mojoto mera yʉ patore gubuye árĩri gobere sĩ acuñaque. “Diaye árĩbeaa,” arĩbiricãque. “Diaye ta ãhraa,” arĩque mʉhʉ, arĩmi Jesu Tomare.

Juan 5:26

Goãmʉ yʉ Pagʉpʉ erãre eropa árĩniguicʉ̃ iigʉ ãhrimi. Eropigʉ yʉre ĩgʉ magʉre erãre eropa árĩniguicʉ̃ iibure árĩdoremi ĩgʉ yʉre.

Juan 8:58

—Diaye mʉare arĩgʉ iiaa. Abrahã ĩgʉ árĩboro core yʉpʉ árĩmʉhtatuhabʉ, arĩmi Jesu erãre.

Hechos 1:3

Eropi Jesu ĩgʉ crusague ĩgʉ sĩrira pʉhrʉ yujuyerisuburi dʉpʉcʉgʉ dehyoapʉ ĩgʉ apinirãre. Cuarenta nʉri pʉhrʉ dehyoatupʉ. Eropigʉ ĩgʉ ĩgʉ basi ojocarigʉ árĩrire ĩhmupʉ erãre. Eropa dehyoagʉ Goãmʉ mari Pagʉ ĩgʉ opʉ árĩrire õari buherire werepʉ erãre.

Hechos 4:20

Gʉapʉre gʉa ĩarare, gʉa peerare gʉare yayasãma masiya mara masare, arĩ yʉhripʉ Pedro Ñu mera.

1 Juan 4:14

Mari Pagʉ ĩgʉ magʉre i yeba majarãre taubure ĩgʉ obeocʉ̃ gʉa ĩabʉ. Eropirã irire ĩanirã gajirãguere irire werea gʉa.

1 Juan 5:7

Ʉmarogue sãre irire “Jesucristo Goãmʉ magʉ ta ãhrimi,” arĩ wererã ʉrerã ãhrima. Mari Pagʉ, ĩgʉ magʉ, Espíritu Santo erã ta ãhrima. Erã ʉrerã ta ãhrima. Eropirã yujugʉ iro dopa ta ãhrima. I yebague sãre “Jesucristo Goãmʉ magʉ ãhrimi,” arĩ masisũa. Ĩgʉ magʉ ĩgʉ árĩricʉrire Espíritu Santo marire masicʉ̃ iimi. Eropi Jesure deco mera ĩgʉ waĩyerare masirã “Ĩgʉ Goãmʉ magʉ ãhrimi,” arĩ mari masia. Eropirã mari árĩburire Jesu sĩrigʉ ĩgʉ di cóãrañere ĩha masirã “Goãmʉ magʉ ta ãhrimi,” arĩ masia mari. Iri mera marire masiro gahmea.

Apocalipsis 1:11

Õpa arĩgʉ carami yʉ peecʉ̃: —Yʉhʉ árĩpehrerire ĩhacũnugudigʉ ãhraa. Eropigʉ yʉhʉ árĩpehrerire pehrecʉ̃ iibu ãhraa. Dohpague mʉ ĩaburire gojaripũgue goja aĩque. Mʉ eropa goja aĩra pʉhrʉ siete cururi majarãre Goãmʉ yarãre obeoque iripũre. Erã siete cururi majarã Asia yeba árĩri macari majarã ãhrima. Eropigʉ Efeso majarãre, Esmirna majarãre, Pérgamo majarãre, Tiatira majarãre, Sardis majarãre, Filadelfia majarãre, Laodicea majarãre mʉ ĩaburire gojabeoque, arĩgʉ carami yʉre.

Apocalipsis 1:8

Õpa arĩmi mari Opʉ Goãmʉ: “Yʉhʉ árĩpehrerire ĩhacũnugudigʉ ãhraa. Eropigʉ árĩpehrerire pehrecʉ̃ iibu ãhraa, arĩmi. Iribojegue sãre eropa árĩniguimʉribʉ. Dohpague sãre eropa ãhraa. Pʉhrʉgue sãre árĩgʉra,” arĩmi Goãmʉ.

Apocalipsis 19:13

Ĩgʉ sañariñe yoariñe di tuyariñe ãhrabʉ. Ĩgʉ õpa waĩcʉami: Goãmʉ ya wereniguirire weregʉ waĩcʉami ĩgʉ.

Apocalipsis 2:8

—Esmirna majarã yaharãre erã opʉ sãre õpa yʉ arĩrire gojabeoque mʉhʉ, arãmi yʉre Jesucristo. Yʉhʉ árĩpehrerire ĩhacũnugudigʉ ãhraa. Eropigʉ árĩpehreri pehrecʉ̃ iibu ãhraa. Sĩria wabʉ. Dipaturi ojocaria daja. Eropigʉ õpa arĩ werea mʉare: