Yohaneac kpefing 9:2 - Deduamiti

² Migec yeng ki imoc mema teng buya kpac mesiec. Mesiu gerecngo ua dzeu hosuc kuneng ereande, hosuc siriha ifia isocngo tennunac ereec. Teng imohacnac hosuc ereu wenac nga sawaac kperagi kucngira maec.

Yoak kekehagocac Dzadzahac gboria nga Mitiyegec

² Migec yeng ki imoc mema teng buya kpac mesiec. Mesiu gerecngo ua dzeu hosuc kuneng ereande, hosuc siriha ifia isocngo tennunac ereec. Teng imohacnac hosuc ereu wenac nga sawaac kperagi kucngira maec.

Yohaneac kpefing 9:2 Iomraidhean Croise

Fingec fingec 15:17

Anu negenggec, wenac kemeu ama toforema kundung yombong anu yofi fingerec stof mong hosuhagoc nga kifa mong gerecboranga kuneng yombong fingerec. Fingeru yang noboha yohockang yohockang yereng yereac botucfu ferecgema kenoc.

Fingec fingec 19:28

Kemma kic fiu Sedom nga Amora taong taroc bangec tumia imohai kemeu henu bangecfunac gerec dubuhegec dzeande hosuctoa siriha ifia yombong ereec.

Makekeng 19:18

Nanggec Kebungo gerecborang manau Sinai tikiu maecac hosucngo tiki hafoangoc semema hosuckpengkpennu engande, ifi isoc enu tiki hafoangoc kpemindzaeyombonggema feec.

Danicel 3:6

Nga mong ye naso imohai bangecfu hetutuckema wiac imoc mi numumiudeu ye ukugec gerecamatoa manau gerec dzekecde imohai kemebeso.”

Yoele 2:10

Naso imohai bangecngo kpemindzaheude nga kurumenga kurumenga yeneng dzonong fedefede anggec ammanu wenac nga afo yereac kperagingirango kundung kpeu nga asomeng yeneng monggoc mi kperagigecde.

Yoele 2:2

Kebuac naso imocngo kundung dzicnambac nga hoeng amma hoeng dzadzuac naso anude. Anu ipua yeneng wasai habu kunengngoc kuctoanginagoc tiki witiau Unung unungmeragiaac iroroyango sokoma maande, ifi isoc hagecde. Warac naso ifia mong mi fingerec nga dengec fingecsahe feenude, imohai mong mi fingecbesandengoc.

Yoele 2:30

Amma ni faka bibiagoc kurumenga kurumengau mebade nga emu bangecfu sac nga gerec amma hosuctoa fingerude.

Aposoro 2:19

Amma deba wi sawau soi fingerude. Nga emu bangecfu faka bibiagoc siria hania hania fingerude. Naso imohai sac nga gerec amma hosuctoa fingerude.

Yohaneac kpefing 14:11

Kpeu ngicngac wasaipusi nga ongea numumikecma yeac kparaac kibi megec, yeneac kpendzenggac hosuc imoc naso wisic wisickea kpac erekefu yeni hadzing tofocnac ruae mong mi meficgebesandae.

Yohaneac kpefing 16:10

Anu angero 5ngo sokoha wasaipusiac tatacfu kpakeu yeac eucerereng kundung kpeec. Kundung kpeu ngicngac yeni asira kuneng negemma nedzarangngina kirecgegec.

Yohaneac kpefing 8:12

Nga angero mongngo trampeha fifiec. Fifiu wenac nga afo amma asomeng yeneac kperagiaac kuc imohacnac harebecac noboha mocgu (⅓) kundung kpeudeac meickeec. Meickeu hadzing tofocnac yereac kperagiaac kuc imohacnac harebecac noboha mocgu (⅓) mi fingerec.

Yohaneac kpefing 9:1

Angero 5ngo trampeha fifiu ni asomeng mong kurumennunac mamaya henai. Hemba ye teng buya kpac, imocac ki migec.

Yohaneac kpefing 9:11

Hofe buya kpac, imocac angerongo yeneac ngictaungina kefec. Yeac kpara imoc hebiraio yoacfu Abadong nga grik yoacfu Aporiong.

Yohaneac kpefing 9:17

Nga kicna tegecmangoc taru wasaingic becosicnginagoc yeneac siricngina yofi henai, yeni aiengngakpingina kpaua nga dzadzu amma asong botuc nga dzagec dzagec, imoc hoc kpara sarafa isoc. Nga becosicac oruc imoc laion isoc nga enacnginaunac gerec nga hosuc amma asenga mangac manganea erema kenec.