Yohaneac kpefing 8:5 - Deduamiti

⁵ Enu angero ye sokohango arataunac gerec fiu wakeu bangecfu ukuec. Ukuu gbumparandang nga udumengtoa amma piratac homac fingeru usoc meec.

Yoak kekehagocac Dzadzahac gboria nga Mitiyegec

⁵ Enu angero ye sokohango arataunac gerec fiu wakeu bangecfu ukuec. Ukuu gbumparandang nga udumengtoa amma piratac homac fingeru usoc meec.

Yohaneac kpefing 8:5 Iomraidhean Croise

Mitiyegec 18:13

Nga nomanggbomeatoa nga hoc gerecyohoagocngo maec, imocac manaunac Kebungo kurumenga kurumenga, imohai tacma gbumparandang meficgeu haec. Kuctoa minginango yoac deu yeni enacudumenga negenggec.

Makekeng 19:16

Anu wenac uameme kpete harebecac asoacfu piratac heiu ginggbururung heima femanu hoeng kundung dzicnambacngo mama tiki hedzidzickema feu trampettoa mong kunengngoc yombong arohou ngicngac sasawa kporucamabangecfu kecgec, yeni kengec anggec dzonongngina fedeec.

Dzekarya 14:5

Tikitoana uranggema kemeude imocac tumiatoaya kengkecma Adzara bangecfu wisickebesande. Ngeni yehudangictau Udziaac nasou usoctoa meu woragec ifi isoc ihai worabesandae. Woragec Kebu Anutuna ye kpetiac arengforagoc hasikebesandae.

Mataio 24:7

Bangec goa yeneng bangec ogofocngina yenigoc ewekpekpe anggecde. Nga ngictau monggac arengngo ngictau monggac areng yenigoc ngaba angemegecde. Nga boditoa bangec goau fingerude nga goau usoctoa mebesande.

Ruka 12:49

Ni bangecfu gerec habuya habuya fiba dzeudeac mayai. Amma gerec imoc bic dzebacfu ubana ngereebac.

Aposoro 16:26

Negengyecmemagec, imohaingoc usoctoa kuhagoc meu witicama kpemindzaheu naguya bic anggedarec amma ngic sasawa witicngina fotockedarec.

Aposoro 4:31

Ifi numugec wisickemanu amabangec kpedzucnema tacgec, imoc kpididieu Tiri Asungo ubanginau wakeu Anutuac yoac kengeha kpac ngic enacefac deireckeyemmegec.

Yohaneac kpefing 11:13

Enec naso imohaingoc usoctoa meu taongyada tegia 10 imohacnac noboha mocgu (1/10) barackeec. Usocyada meec, imocac manaunac ngicngac kpetengina 7 tauseng yeni homegec. Homegec ngicngac tosea yeni kengec amma Anutu kurumennu kecde, ye afehegec.

Yohaneac kpefing 11:19

Anu kurumennu Anutuac womonggac naguya megec yeac dzadzahacac katapa kicnginango henggec. Hemmagec piratac heiu udumengtoa nga gbururungtoa heiec amma usoc meu nomang gbomeatoa maec.

Yohaneac kpefing 4:5

Ifi yenembare piratac nga udumengtoa amma gbumparandang ngictau tatacfunac fingerec. Ngictau tatacac kiwau kifa 7 dzetacgec, imoc Anutuac Asu 7.

Yohaneac kpefing 6:12

Anu ye kendokereha wisic wisickeaac bageau mekpacgeu henai. Hemba usoctoa meu wenackiwa dzadzu kpeec. Imoc ubahodunggac ngakpi isoc, ifia nga afo hafoangoc sac isoc anec.

Yohaneac kpefing 8:3

Anu angero mongngo sokoc golngo memea meemma arata kiwau nanec. Nanu sopo homuna gombunga imoc homac migec. Migec imoc ngicngac kpetiac yeneac nunumugoc kpeturanggema arata golngo memea, imohai gerecfu faiec.