Yohaneac kpefing 8:11 - Deduamiti

¹¹ Asomeng imoc kpara Hodunga. Anu doku yenearunac harebecac noboha mocgu (⅓) imoc hodunga anec. Nga doku hodunga anecac amma ngicngac homacngo homegec.

Yoak kekehagocac Dzadzahac gboria nga Mitiyegec

¹¹ Asomeng imoc kpara Hodunga. Anu doku yenearunac harebecac noboha mocgu (⅓) imoc hodunga anec. Nga doku hodunga anecac amma ngicngac homacngo homegec.

Yohaneac kpefing 8:11 Iomraidhean Croise

Makekeng 15:23

Amma kengkecma Mara bangecfu kensikema doku meficgegec. Nga doku imoc hodungagoc anecac yeni imoc negecdeacsoc mi anggec. Imocac amma bangec imocac kpara Mara dedea.

Amosi 5:7

Ngeni desidesiacyoac imoc merenggec hodungnga angande nga faka dindingac imoc ngadehema hanitiandae.

Amosi 6:12

Nga becosingo hoctoatoa witiau naric nedziude me? Amma burumakango bangec medzac medzacmeac aieng taima kondung naric mendzirude me? Ngeneng ine desidesiac yoacfora imoc merenggec hodungagoc angande nga dindingac kekecac foraya imoc merenggec aengagoc angande.

Dzekarya 13:8

Kebungo yofi dede, “Bangec yomocac witiau guruamasoc ngicngac kpetengina kpadzi yohockanggacsoc kecdae imoc meicyunuba kpac ambesandae. Kpadzi mocguac ngicngac yenengsac kecbesandae.

Dzekarya 13:9

Nga ngicngac kpetengina kpadzi mocguacsoc, yeni silwa dzuacgecdeac gerecfu faigec dzeu seuha isinggeandae me gol tobanggegecdeac gerecfu faigec dzeu isinggeandae ifi isocngoc ngicngacfocna gerecfu yonohoma isingyunubesandua. Anu yeni kpacna kpacbesandae, yeni turunga merengyemmebesandua. Amma ngicngacfocna deyemmeba yeneng yofi debesandae, ‘Kebu ye anutunina.’ ” Kebu ye Anutunina.

Hebiraio 12:15

Ngenearunac mongngo Anutuac wosoefacfunac mangunubacac henghomema kecbisia. Nga botucnginaunac wiac herebu nga ubaebic imocngo sera mi kpebeso. Imocngo sera kpema ebic meficgengemmeu wosohodung isoc homac memanganengunuude.

Yohaneac kpefing 12:4

Taru yeac dziango kurumenggac asomeng yenearunac harebecac noboha mocgu (⅓) taiyunuma bangecfu ukuyunuec. Nga ngacngo sabac meu sekactoa ye sabac gbokoudeac negemma ngac yeac kicfu nanec.

Yohaneac kpefing 8:7

Efaigec angero warac warac yeng trampeha fifiu nomang gbomea nga gerec, imoc sacgoc kpeturanggema imocngo fingecma bangecfu maec. Mau bangectoa bangec, imocac tegia harebec imohacnac noboha mocgu (⅓) dzeec nga ic sasawa bangectoa imocac manau nanggec, yenearunac harebecac noboha mocgu (⅓) dzeec amma kpindzing tengging tengging sasawa gerecngo dzedarec.

Yohaneac kpefing 9:15

Angero 4 yeni ngicngac yenearunac harebecac noboha mocgu (⅓) kpebucyunugecdeac aua nga uameme amma afo nga kifanaso yomocac amma efac efaia kecgec yeng yungecyunuec.

Yohaneac kpefing 9:18

Kpendzeng harebec, gerec nga hosuc amma asenga mangac manganea, yeneng becosic enacnginaunac erema ngicngac yenearunac harebecac noboha mocgu (⅓) kpebucyunugec.

Ruti 1:20

Ifi kpesiemegec deec, “Neac Nacomi monggoc mi debisia. Kuc mingina yengenaoc negemmanu nearu ubahodungtoa fingerec, imocac neac kpacna Mara kpacnubisia.