Yohaneac kpefing 7:9 - Deduamiti

⁹ Imocac witiau habutoa yombong yenenai nga kpetengina imoc ngic mongngo naric mi osoude. Ngicngac yenenai, yeni bangeha bangeha nga fakaga fakangina amma yoacna yoacga nga sebi siric hania hania, yenearunac. Amma yeni ngakpingina herea kongac kongac heima maringinau pam icac maria mema ngictau tatacfu nga ramamedahaac kicfu nanggec.

Yoak kekehagocac Dzadzahac gboria nga Mitiyegec

⁹ Imocac witiau habutoa yombong yenenai nga kpetengina imoc ngic mongngo naric mi osoude. Ngicngac yenenai, yeni bangeha bangeha nga fakaga fakangina amma yoacna yoacga nga sebi siric hania hania, yenearunac. Amma yeni ngakpingina herea kongac kongac heima maringinau pam icac maria mema ngictau tatacfu nga ramamedahaac kicfu nanggec.

Yohaneac kpefing 7:9 Iomraidhean Croise

Fingec fingec 13:16

Ni geac bangecfocga mesaheyunuba bangecac sangi isoc homac yombong anggecde. Ngic mong ye sangi osoyunudarudeu ye geac bangecfocga ifingoc naric osoyunudarude.

Fingec fingec 49:10

Amma ngictauyasu imoc Yehuda yearunac mi meickeude nga ngicenaraac yasu haniau wegenac mariango seria mekefude. Mekecmanu yasu minginango hama meu ngicngacareng yeneng yeac yoac modacgecde.

Mitiyegec 2:8

Ge wiac gembadeac kpesinenna ni ngicngac bangec monnunac desigemba yeneng geac anggecde. Bangec tegia fekende, yeni sasawa geac anggec geng mingingngina annade.

Mitiyegec 22:27

Bangec tegiaunac ngiha ngiha yeneng yeac negemma ubangina dzigeneu kebuaru kenggecde. Nga ngiha ngiha yeni sasawango tosofocnginagoc hama yeac kicfu ngonducnema numumigecde.

Mitiyegec 76:4

Anutu, geac kuc nga kibikperagi, imoc wiac engena. Tiki yeni wiac engena amma herea herec yeneng nasoya nasoya fekecdae, ge ngictau kucgagoc engena yombong, imocngo yeni feracyunuude.

Mitiyegec 77:2

Ni ebicnasou Kebu meficgebadeac uatoa mekecma tofocnac kucmamea kpac kecma marina Kebuaru miackecba ubaonganango memeseriac memefic naric mi meude.

Mitiyegec 98:3

Ye Isracel habu yenigoc yoac dedzege amma imoc modackecde, ye imoc negenu fekecde nga ye yoara modarudeac faka mong mi nigeckpeec. Anutuninango firang anec, imoc ngicngac bangec tegiau fekendae, yeneng henggec.

Danicel 4:1

Anu Newukadnetsarngo kibi mong yofi ohoec, Ni ngictau Newukadnetsarngo kibi yomoc Ngicngac bangeha bangeha kecdae nga bangecareng sasawa amma yoacga yoacna bangectoa bangecfu kecdaemoc ngenearu faiduae. Ruae ngenearu yadiseri ambeso!

Danicel 6:25

Anu ngictau Dareyawesngo ngicngac bangeha bangeha kecdae nga bangecareng sasawa amma yoacga yoacna sasawa bangectoa bangecfu kecdacgecmoc yenearu yeac kibi yofi ohoma faigecdeac edeyunuec, “Ruaengina yadiseri ambeso!

Dzekarya 10:8

Ni ngicngacfocna kpacyunuma kpedzucyunudacbesandua. Amma komoc kpeyemmeba kpetengina warac feec, ifi isocngoc monggoc fingecbesande.

Dzekarya 2:11

Naso imohai bangec homacngo kebuaru hama ngicngacforakecbesandae. Anu yeng botucnginau kecbesande. Naso imohai Kurumenggac wasaiareng habuya habuya yeneac Kebu yengenaocni suenuec imoc hentegecbesandae.

Ruka 12:1

Ngicngac homac yombong, teng tauseng nga noc ifiacsoc yeni kpedzucnema nanggecac yenaocngoc timbimbingemegec. Nga Yesungo medacfora, yeneac negemma yofi deec, “Ngeni farisaio yeneac ikoc fakangina imocac henghomema kecbisia, imoc yis isoc ic sogonnu sokoude.

Ruka 21:36

Imocac ngeni nasosoc garengemema kecma nunumu ua mekecbisia. Mekecma wiac sasawa yomoc fingecbeso ande, imohacnac woragecdeac kuc mema Ngicac Medac, yeac kicfu serima nambesandae.”

Yohane 12:13

ic maria dzuamagoc mema Yesugoc ewacgecdeac sinnu kenggec. Kemma yofi kpacgec, “Ohec, ngic Kebuac kpacfu hade, ye kenehagoc. (Myeg 118:26) Yeng Isracel neneac Ngictau.”

Roma 11:25

Tosofocna, ngeni ngenanggac negenggec engena ambacac amma yoac mong yomoc sufu sufuya fede, imoc negenggecdeac negenduae. Imoc yofi, Isracel noboha yeneac uba negen negengngina imoc fonggoma femanungoc bangec monnunac ngicngac, ngeni erema hakecma kpetenginaac sirihau hafoangoc ambeso. Kpetengina hafoangoc anuguc Isracel areng tosea ifingoc erema torokpegecde.

Efeso 6:13

Imocac Anutuarunac tebemarikungina nga dzikacac wiac sasawa, megec kemeu dzikacnasou seria nammagec ngaba yeneng naric mi memangunuma woragec ngeni seria nanggecde.

Hebiraio 11:12

Imocac amma ngic sabac meficmeficgeacsoc kpac, yearunac bangecfora homac sahema fingecgec sawaac asomeng nga kondung tegiau sangi isoc anggec nga ngicngo kpetengina oso osoacsoc mi ande.

Hebiraio 12:22

Ngeni ine tiki ifiau mong mi hagec, kpac. Ngeni Siong tiki, imoc Anutu kekehagoc yeac taong amma kurumenggac Yerusaleng, imohai sogac sogaiac tutumannu hagec.

Yohaneac kpefing 11:15

Anu angero wisic wisickeango trampeha fifiu kurumennunac enacudumengtoa mong fingecma yofi degec, “Kebunina nga yeac danggunucngic Kristo yeri yaguc bangectoa bangec sasawaac mingina andape. Amma Kebuninango ngictau kecde nga kecengkecma kecbesande.”

Yohaneac kpefing 22:3

Nga sowec sasawa kpac andarude. Anutu nga ramamedahaac ngictau tatacngira imohai taru wanacarengfora ye kingang kpemigecde.

Yohaneac kpefing 3:18

finactoagagoc annadeac nearunac gol gerecngo dzedzea mebesena. Amma senggang gameagoc mi nannadeac wamba kongac kongac mema wambagagoc ambesena. Nga kicfifi annadeac kicac kereha kicga imocngo dzuacnadeac bummebesena.’

Yohaneac kpefing 4:4

Ni ngictau tatac goa, kpetengina 24, yenenai, imoc yeneng ngictau tatac yerecgema nanggec. Tatac imocac witiau ngicenara 24 tacgec. Ngicenara yeni ngakpingina kongac kongac heima orucngina witiau ira golngo memea heigec.

Yohaneac kpefing 5:11

Ni kicna merec merecgeangoc kecbare angero homac yeni ngictau tatac nga wiac kekecnginagoc amma ngicenara 24 orongyunugec ubaudumengngina negennai. Amma yeneac kpetengina imoc 10 tauseng naso 10 tauseng nga tauseng naso tauseng.

Yohaneac kpefing 5:9

Anu yeni yegec mong gboria yofi heigec, “Geng kibi kpou kpouya mema kendokereha naric mekpacgenade. Imoc yofiac, ngic yeneng kpebucgugec geac sacngo ngicngacfocga bummeyununec. Ge ngicngac fakaga fakangina nga yoacga yoacna amma sebi siric hania hania nga bangeha bangeha sasawa yenearunac bummeyununec Anutuac areng amma kecdae.

Yohaneac kpefing 6:11

Ifi degec ngakpi herea kongac kongac tembuc tembuc yemmema edeyunugec, “Wanacogofocngina nga tosofocngina yeni ifingoc yunukpebuc ayemmegec kpeteu heiudeac ngeni kapianec monggoc tacnegembisia.”

Yohaneac kpefing 7:8

Seburong kisicfunac 12 tauseng Yosefe kisicfunac 12 tauseng nga Benyaminggac kisicfunac 12 tauseng.