Yohaneac kpefing 7:4 - Deduamiti

⁴ Anu ngicngac mesunginau kibigoc, yeneac kpetengina 144 tauseng degec negenai. Kibinginagoc imoc yeni Isracel medacforaac habuareng 12, yenearunac sasawa.

Yoak kekehagocac Dzadzahac gboria nga Mitiyegec

⁴ Anu ngicngac mesunginau kibigoc, yeneac kpetengina 144 tauseng degec negenai. Kibinginagoc imoc yeni Israe medacforaac habuareng 12, yenearunac sasawa.

Yohaneac kpefing 7:4 Iomraidhean Croise

Fingec fingec 15:5

Ifi dema Kebungo bangecfu hesickema kemema yofi edeec, “Ge kicga fina sawau enu asomeng yenenna, naric osoyunudacnadeu bangecfocga ifingoc naric osoyunudacnade.” Ifi dema yofi deec, “Geac bangecga ye ifi isoc fingecsahe ambesande.”

Makekeng 28:21

Nga hoc imoc Isracel medacfora twelf yeneac kpacnginasoc mendzicbesonga. Amma twelf anggec hoc tembuc tembucfu kisicfocngina twelf yeneac kpacngina sasawa minginaac kpac hocfu mendzicyunubesena. Hocfu kibi mendzicma kpacngina imocngo meseriandae, ifi fingecma tembuc tembuc tackembeso.

Dzekarya 9:1

Kebuac yoac yofi haec: Haderak provins manau ngicngac kecdae ngeni yoacnginagoc. Amma ngicngac Dammesek Provinsiu kecdae yoara ifingoc ngeneac witiu tacdengoc. Kebungo Isracelac habu twelf nga ngicngac bangeha bangeha momoc angammemengina imoc hengising angkecde.

Mataio 19:28

ifi deu Yesungo yofi edeec, “Foracngoc, kecma wiac sasawa gboria fingerude, naso imohai Ngicac Medacngo kurumenggac kuc nga kibikperagiaac ngictautatahau tarude. Nga ngic modacnuandae, ngeni ifingoc ngictautatac 12 imohai tacma Israeac kisic 12, yeneac fakangina isinggema desibesandae.

Ruka 14:22

Ifi deu wanacngicngo kemma deec, ifi isoc amma dzigenema yofi edeec, ‘Kunenna, ge dedang, imoc bic andacdua nga ama manau ine tatac fedengoc.’

Ruka 22:30

Kecma ngeni eucererennau yaka nga doku nema tacgecde. Amma ngeni ifingoc ngictautatac mema Isracel kisic 12 yeneac fakangina isinggema desibesandae.

Aposoro 26:7

Isracel kisi 12 yeni hadzing tofocnac nasoya kpac Anutungo wiac deseriyemmeec, imoc fingecdacbesandeac negensinggema Anutu afehema kecdae. O ngictau Agripa, imocac hania imoc nenahafoc negensinggemaguc yudangic yeneng yoacfu fainudau.

Roma 9:27

Yesaiango ine Isracel yeneac negemma yofi kpacma dede, “Isracel ngicngac yeni kpetengina kuneng, imoc kondunggac sangi isoc anudeu ni sifu yenearunac noboha efeanecsac onggongyunuba komoc kpegecde.

Yakobo 1:1

Ni Yakobo Anutu nga Kebu Yesu Kristo yereac wanacngic kecma kibi yomoc ohoma Isracel kisic 12 bangeha bangeha singsararang kpema kecdae, wenacngerecna ngenearu faiba hade.

Yohaneac kpefing 14:1

Ni ramamedaha hemba ye Siong tikiu ngicngac 144 tauseng yenigoc nanggec. Nanggec, yeni ramamedahaac kpackibi nga Manggacac kpackibi mesunginau mekecgec.

Yohaneac kpefing 14:3

Anu yeni ngictau tatacfu nga wiac kekecnginagoc 4 amma ngicenara yeneac kicfu namma yegec gboria mong heigec. Heigec ngic 144 tauseng bangecfunac bic bummeyunuyunua, yeneng yegec imoc naric negemma heigec.

Yohaneac kpefing 7:5

Mesunginau kibigoc yeneac kpetengina yofi, Yuda kisicfunac 12 tauseng Rubeng kisicfunac 12 tauseng Gade kisicfunac 12 tauseng

Yohaneac kpefing 9:16

Anu wasaingic becosic witiau tacgec, yeneac kpetengina 200 mirieng (200,000,000) degec negenai.