Yohaneac kpefing 7:3 - Deduamiti

³ “Ngeni bangec me kondung me ic bic mi memanganebisia. Neneng Anutuninaac wanacarengfora mesunginau kibi faiminaguc ngeni ine wiac sasawa memanganebisia.”

Yoak kekehagocac Dzadzahac gboria nga Mitiyegec

³ “Ngeni bangec me kondung me ic bic mi memanganebisia. Neneng Anutuninaac wanacarengfora mesunginau kibi faiminaguc ngeni ine wiac sasawa memanganebisia.”

Yohaneac kpefing 7:3 Iomraidhean Croise

Makekeng 12:13

Amma ngeneac nagunginaac sangoyau sac hosogec imoc hemma feracngunubade nocac ngeneng amau tacdae, imocac kpetengina sacngo anude. Nga Aigitabangecfu warac fingec fingera kpetotieyunubade imohai ngeni yenigoc mi kpetotiengunubade.

Makekeng 12:23

Imoc yofiac, Kebungo aigitangic yunuhomeudeac hama uaya yofi meude. Ye naguac sangoya wibigeng nga noboc noboc yohockang imohai sac hemma nagu imocsac ferahema kpehomehomecac angero kpae heimiu yeng amanginau emma mi ngunuhomeude, ye nagu sangoyau sac mong mi henudeu yunuhomeude.

Danicel 3:17

Ngeni ifi anemmegecdeu Anutunina eweheimima numumiandimbe yeng gerecamatoa manau gerec dzekecde imohacnac onggonnunuma geac mariunac mesinunuudeacsoc ande.

Danicel 3:26

Anu Newukadnetsarngo ifi dema gerecamatoaac gerecac naguac wegenac kemma namma kpacyunuma deec, “Anutu Engenatoaac enactofoc tofohongic Sadrak nga Mesak amma Awed-Nego, ngeni imohacnac meickema mama yei hagec.” Ifi deu yeni magec.

Danicel 6:16

Ifi degec ngictaungo dederecge ayemmeu yeni Danicel mema kemma laion yeneac tennu ukugec kemeec. Kemeu ngictaungo Danicel yofi edeec, “Anutuga tatahoc eweheimima kecnecmoc yeng ebicfunac mesigubeso.”

Tsefanya 2:3

Imocac amma Kebuac nasongo mi hamanungoc, memaemema dedeseri yoara modacma kecandae, ngeni kebuaru kpeketahebisia. Amma kpetiac kekec nga memaemema kekec imoc hafoangoc mebisia. Faka imocngo Kebuac herebuac nasou ngeneac debang gedang angemmebesande.

Malecaki 3:18

Amma damoc yeneng kenecnginagoc imoc ngicngac dindingac me ngicngac mangana yeni Anutuac ua mekecdae me yeni yeac ua waandae ngeni imoc monggoc hensigecde.” Kurumenggac wasaiareng habuya habuya yeneac Kebungo yoac ifi dede.

Mataio 24:22

Nga uameme imoc mi mewegenegecde isoc ngic mongngo komoc naric mi kpeude. Amma ngicngac isingyunuyunuya, ngeneac amma naso mewegenebesandae.

Mataio 24:31

Nga trampet udumengtoa kuneng fingecmanu ye angerofora sueyunuu yeneng kurumenga kurumenga noboc noboc amma bangec tegia noboc noboc 4 imohai kemma Kebu yengenaoc ngicngac meisingyunuec, yeni kpedzucyunubesandae.

Yohane 12:26

Nga ngic mong ye kingang kpekpena ambeso negendeu ye ni modacnubeso. Nga ni kecbade, ye imohai ifingoc nigoc kefude. Nga ngic mong ye neac kingang kpeudeu, Mannango ye seseheude.”

Yohane 3:33

Anu ngic mong ye yoac imoc mema hoanggeude, yeng Anutu ye fora, imoc deseriude.

Roma 6:22

Ngeni yaguc kopocsicac witicfunac mesingunungunuya nga Anutuac wanacareng kecdae, imocac fora yofi, ngeni kpetiac kekec kecma yadiseri angkecmagec wisickeu kekecseri megecde.

Yohaneac kpefing 13:16

Metacma ye ngicngac sasawa kuneng nga kapia, finacgoc nga finaha kpac, wanacngic nga ngicngac yengenaoc kecde, yeni kibi mong sebikibi isoc marifoinginau me mesunginau mekecgecdeac deseriyemmeec.

Yohaneac kpefing 13:17

Ifi anu ngic mongngo kibia me wasaipusiac kpara me kparaac kpete mi mekefude, yeng wiac mong naric mi bummeude me faiude.

Yohaneac kpefing 14:1

Ni ramamedaha hemba ye Siong tikiu ngicngac 144 tauseng yenigoc nanggec. Nanggec, yeni ramamedahaac kpackibi nga Manggacac kpackibi mesunginau mekecgec.

Yohaneac kpefing 14:9

Ifi deu angero harebecngo modacyuruma enacudumeng kunengngo yofi deec, “Mong ye wasaipusi nga ongea numumima yeac kibi mesuyau me mariau mema mekefudeu

Yohaneac kpefing 19:2

Imoc yofiac, ye ngicngac yoacngina isinggema fora nga dindingac desiude. Amma yeng singtoangac kuneng serofakayango bangec memanganeec, yeac faka isinggema wanacarengfora yeneac sacnginaac turunga yearunac meec.”

Yohaneac kpefing 20:4

Anu ni ngictau tatac homac henai. Ngictau tatac imocac witiau tacgec, yeni ngicngac yoacfu faiyunugecdeac uayoac yemmeyemmea. Amma wasaipusi nga ongea mi numumima kibia mesunginau me maringinau mi megec yeneng Yesuac dedekperagi amma Anutuac yoac dekperagigec. Imocac amma ngic yeneng ubangina herecgegec, yeneac ubaongangina henai. Hemba yeni sasawango kifa 1 tausenggacsoc Kristogoc kecma ngicngac garengyunugecdeac ua megec.

Yohaneac kpefing 22:4

Yeni yeac kicmesuya henggecde nga yeac kpara mesunginau oho ohoya feude.

Yohaneac kpefing 6:6

Nga wiac kekecnginagoc 4, yeneac botucfunac ubaudumeng isoc mongngo yofi deu negennai, “Wit lita mocguac buma, imoc uameme mocguac uabung ande nga bali lita harebec, imoc uameme mocguac uabung ande. Anu ge kerecdoku nga waing mi memanganebesena.”

Yohaneac kpefing 7:1

Imocac ngadeau angero 4 yenenai. Yeni bangectoa bangec, imocac tuturung 4, imohai nanggec. Nga yenemba yeni bangecac firang 4 medzickema nanggec firang imoc yeni bangecfu me kondunnu me icfu kpegecdeacsoc mi anggec.

Yohaneac kpefing 7:2

Anu ni angero mong henai. Ye Anutu kekehagoc yeac onga mekecma wenac ere ereaunac haec. Nga angero 4 yeni bangec nga kondung memanganegecdeac ua yemmeyemmea, yeng yeneac kpacma yofi deec,

Yohaneac kpefing 9:4

yofi edeyunugec, “Ngeni kpindzing nga wiac sasawa maria tengging tengging fede amma ic, imoc mi memanganebisia. Ngeni ngicngac Anutuac kibi mesunginau mi mekecdae, yenisac memanganeyunubisia.”