Yohaneac kpefing 7:12 - Deduamiti

¹² Afehema yofi degec, “Fora, kenec nga kibikperagi, negen negentegec nga ubangerec, eweheihei nga kpac kuneng nga kuc imoc Anutunina ammini nasoya nasoya feengkecbeso, imoc foranoc.”

Yoak kekehagocac Dzadzahac gboria nga Mitiyegec

¹² Afehema yofi degec, “Fora, kenec nga kibikperagi, negen negentegec nga ubangerec, eweheihei nga kpac kuneng nga kuc imoc Anutunina ammini nasoya nasoya feengkecbeso, imoc foranoc.”

Yohaneac kpefing 7:12 Iomraidhean Croise

Nehemia 12:46

Nga waracngoc Dawid nga Asafa yereac nasou eriendzonggac dederecgengic nga dedengerec yegec heihei amma Anutuaru ubangerec yegec heiheingic kecgec.

Nehemia 12:8

Lewiareng yeneac kpacngina yofi; Yesuha, Binui, Kadmiel, Tserebia, Yehuda nga Matania. Matania nga marimeficfora yeneng dedengerecac yegecfu waraiyemmekecgec.

Mitiyegec 100:4

Ye ubangerec ammima yeac nagutoau emma ama sobengau dedengerecac yegec heini. Yeac ubangerec dema yeac kpac kuneng keneheni.

Mitiyegec 106:48

Kebu Isracelac Anutu, ye nasoya nasoya kenehebesonga. Imoc fehereema fekecbeso. Ngicngac sasawango yofi debisina, “Imoc Fora.” Kebu eriendzong memini, hallelu Yac.

Mitiyegec 107:22

Yeni ubangerecac sese ohoma yeng uaya sasawa mekecde, imocac oyang boyang memima imoc ngicngac edeyunubisia.

Mitiyegec 116:17

Ni ubangerecac sese faigemma Kebuac kpac kuneng kpacbade.

Mitiyegec 147:7

Kebu ubangerecac yegec heimima Anutuninaac gita kpema imocngo udumeng gombunga memini.

Mitiyegec 41:13

Kebu Isracelac Anutu, ye nasoya nasoya kenehema keneengkecbesonga. Imoc fora nga fora yombong.

Mitiyegec 50:14

Ngeni Anutu ubangerec ammigec imocngo sesengina ambeso. Ngeni Anutu Engenatoaac kpacfu wiac deserima dema imocac fora meficgegec

Mitiyegec 72:19

Yeac kpac kuneng imoc kuc nga kibikperagiagoc, imocac nasoya nasoya ye kenehebesonga. Yeac kuc nga kibikperagiango bangeha bangeha sokodacbeso. Imoc fora nga fora yombong.

Mitiyegec 89:52

Kebu nasoya nasoya kenehebesonga. Imoc fora nga fora yombong.

Mitiyegec 95:2

yeac hoannu kemma ye ubangerec memibisina. Neni yeac afe afeheyegec sogaima dendzerenggema heibisina.

Yona 2:9

Ni ine ubaudumeng kunengngoc dangge edegubade. Ni sese gembade. Ni yoac deserigemma deduae imoc dedena modacma faima mesibade. Ebicfunac mesi mesi imoc Kebu ge mocgusac.”

Mataio 6:13

Ge faitobannu mi fainununa nga manganaunac mesinunubesena.’

Roma 11:36

Anutu ye yengenaoc wiac sasawa meficgedarec. Imoc yengena kucfu fedacde amma yengena songo fingerudeac faifaia. Yearu dedengerec nga dedengerec fekengkecbeso, imoc fora.

1 Korinti 14:16

Anu ongaasugango Anutu dengerenadeu ngictehec yeni geac dedengerec torokpema, “Imoc fora.” degecdeac obohogecde. Yeni yoacga mong mi negentegecgec.

2 Korinti 4:15

Wiac sasawa imoc ngeneac amma fingerude. Nocac Anutuac danggunucngo torokpeu torokpe ngicngac yenearu hakefu ngicngac homac yeneng ubangerec ebirangoc negemma Anutu dengeregecde.

Kolosai 2:7

Amma ngeni yearu godongina seria mema yadiseri ambisia. Nga yoac edekpou angemmeing, imocngo negen negensingngina meseriu nambisia. Nga ngenearu dedengerec ebiriangoc febeso.

Kolosai 3:17

Ngeni wiac sasawa degecde me anggecde, ngeni imoc Kebu Yesuac kpacfu ambisia. Amma ngeni ye negensima Manggac ubangerec edebisia.

Yuda 1:25

Memengerecnina Anutu mocgungo kecde. Kebunina Yesu Kristo yeac amma eweheimima dengereni, yeng engenatoanina nga kuc mingina amma wiac sasawa fede, imocac buma ande. Ye wiac mi fingecmanu kefec nga yaguc kecde amma kecbesande, imoc fora.

Yohaneac kpefing 1:18

Henna, ni homeai nga monggoc gbori kecduae. Nga negenna, ni wisic wisickea kpac kecengkecma homec nga homecama yereac ki mekecduae.

Yohaneac kpefing 19:4

Ifi degec ngicenara 24 nga wiac kekecnginagoc 4, yeni makpema Anutu ngictau tatacfu tacde, ye numumima yofi degec, “Imoc fora, halleluya.”