Yohaneac kpefing 7:10 - Deduamiti

¹⁰ Namma yofi dema kunengngoc arohogec, “Anutunina ngictau tatacfu tacde nga ramamedaha yeri memengerec mingina.”

Yoak kekehagocac Dzadzahac gboria nga Mitiyegec

¹⁰ Namma yofi dema kunengngoc arohogec, “Anutunina ngictau tatacfu tacde nga ramamedaha yeri memengerec mingina.”

Yohaneac kpefing 7:10 Iomraidhean Croise

Mitiyegec 115:1

O Kebu, ge neneac kpac mi miacbesena, kpac. Geng yoac dedzege amma imoc modackecnec nga ge yoac modac modac Kebu, imocac geac kpac kuneng imoc eweheiheigoc kpacbesonga.

Mitiyegec 3:8

Kebu ye ebic mesi mesi mingina. Kebu, ge ngicngacfocga kenecnununa. Selac

Mitiyegec 37:39

Kebungo ngic dindingac ebicfunac mesiyunuma ebicnasou yeneac sufu sufuamangina anu ihai sufuma kecgecde.

Yona 2:9

Ni ine ubaudumeng kunengngoc dangge edegubade. Ni sese gembade. Ni yoac deserigemma deduae imoc dedena modacma faima mesibade. Ebicfunac mesi mesi imoc Kebu ge mocgusac.”

Dzekarya 4:7

O, tikitoa ge engena yombong annec. Ammana sifu Dzerubawelac kicfu tohoma dzamema bangec tumia andacnade. Ammana Dzerubawelngo uaya mesima amaac hoc wisic wisickea ama bubuyau faimanu ngicngac yeni imoc hemma ohec waec ohec waec dema kpacgecde.

Dzekarya 9:9

O Tsionggac ngicngac ngeni sogac sogai kuneng yombong anggec. Amma Yerusalaimgac ngicngac ngeni arohoma horianggegec. Henggec, ngictaunginango ngenearu habesande. Ye dindingacngo firang amma komoc kpengunubesande. Ye donggi witiau tacdenoc. Ye donggi medahau hade nga ye fakaya memaemeemea.

Ruka 3:6

Anutungo ngicngac manganaunac mesinunuude, imoc ngiha ngihango hendacbesandae.’ ” (Yes 40:3-5)

Yohane 1:29

Wereckengau Yohanengo namma henu Yesungo yearu hau ngicngac yofi edeyunuec, “Henggec, imoc Anutuac ramamedaha, yeng bangectoa bangec imocac ngicngac sasawa yeneac kopocsic meickeude.”

Yohane 1:36

Nammagec Yesungo kenu hemma medachora yofi edeyuruec, “Henec, imoc Anutuac ramamedaha.”

Yohane 4:22

Ngeni wiac hania mi negentegecdae, imoc numumidae. Ebicfunac mesi mesi nga komoc kpegecdeac kuc, imoc yudangic nenearunac fingerec nga Anutu negengireckema numumima kecdimbe.

Efeso 2:8

Imoc yofiac, ngeni Yesu negensinggegecac yeng danggunuha ngemmema kopocsicac ebicfunac mesingunuu komoc kpegecde. Nga imoc ngenang gombunggac kpac. Anutungo wosoefahaac amma wiac imoc ngemmeec.

Yohaneac kpefing 12:10

Nga enacudumengtoa mong kurumennu negemba yofi deec, “Memengerec nga kuc amma eucerereng imocac mingina Anutu. Nga yeac danggunucngic Kristongo yaguc imocac uakibi nga kuc metacde. Ngic tosofocnina yoacfu faiyunukefec, yeng Anutuninaac kicfu hadzing toforec yoacfu faiyunuma kefu yeneng yegoc ewema firang amma ye bic kurumennunac ukugec maec.

Yohaneac kpefing 19:1

Imocac ngadeau kurumennu areng kuneng yombong ubaudumeng isoc negemba yofi degec, “Halleluya, memengerec nga kuc kibikperagiagoc, imocngo Anutuninaac ande.

Yohaneac kpefing 21:5

Nga Kebu ngictau tatacfu tarec, yeng yofi deec, “Henggec, ni wiac sasawa gboria mebade.” dema edenuec, “Ge yoac imoc ohona nocac yoac yomoc fora nga ngicngac yeneng imoc negensinggegecdeacsoc ande.”

Yohaneac kpefing 22:3

Nga sowec sasawa kpac andarude. Anutu nga ramamedahaac ngictau tatacngira imohai taru wanacarengfora ye kingang kpemigecde.

Yohaneac kpefing 4:6

Nga ngictau tatac kiwau wiac mong kondungtoa isoc garasngo memea, garas imoc gontaninga henai. Anu ngictau tatacac noboc noboc 4, imohai wiac kekecnginagoc 4 oronggema nanggec, ifi yenenai. Yeni hoangnginau nga ngadenginau imoc sasawa kicngo wake wakea.

Yohaneac kpefing 5:7

Yennoc kemma ngictau tatacfu tarec, yeac marifoiaunac kibi kpou kpouya meec.