Yohaneac kpefing 6:4 - Deduamiti

⁴ Ifi deu becosic mong sacsacngo haec. Yeac witiu ngic tarec, ye wiac goa migec. Ye ngicngac yeni kpebucemegecdeac bangeha bangeha, imohacnac ruae meic meickeac kuc migec nga wasai beangtoa mong migec.

Yoak kekehagocac Dzadzahac gboria nga Mitiyegec

⁴ Ifi deu becosic mong sacsacngo haec. Yeac witiu ngic tarec, ye wiac goa migec. Ye ngicngac yeni kpebucemegecdeac bangeha bangeha, imohacnac ruae meic meickeac kuc migec nga wasai beangtoa mong migec.

Yohaneac kpefing 6:4 Iomraidhean Croise

Mitiyegec 17:13

O Kebu, ge yacma kemma ngabafocna kicnginau namma yunuma bangecfu ukuyununa. Ngic Anutu ngadehema mangana megecdeac ayemmeande, yeni menugecac dzikacbeanggango kekecna yeneac mariunac mesina.

Danicel 5:19

Miu ngickunengkekec imocngo Ngicngac bangeha bangeha kecdae nga bangecareng sasawa amma yoacga yoacna sasawa yeni ayemmeu yeac kicfu dzonongngina fedeu kengectoanginagoc anggec. Ye ngic mong kpehomebeso negenec ye kpehomeec nga monggac negenu ngereeu ye naric kefude deec amma monggac negenu naric anu miarec nga monggac negenu naric mi anu memaec.

Dzekarya 1:8

Ni tofocnac ihai onga yofi henai, Ngic mongngo becosic sacsacac witiau tacma bangec urangau myrtle icn nangkenggec ihai hama botucnginau menininggema nanec. Nammanu yeac ngadeau becosic kpauc kpauc nga gbaung gbaung amma kongac kongac nanggec yenenai.

Dzekarya 6:2

Anu keretac waraiec imoc becosic kpauc kpauc yeneng taigec nga yeac ngadeau keretac mong haec imoc becosic dzadzu dzadzu yeneng taigec.

Mataio 10:34

‘Ye bangecfu ruae meficgeudeac maec.’ ngeni neac ifi mi negembisia, kpac. Ni ruae meficgebadeac mi mayai, ni ine yare meficgebadeac mayai.

Mataio 24:6

Nga ewekpekpetoaac siduc bangec wegenacfunac nga bangec hereaunac hau ngeni imoc negemma mi kpidohobisia. Wiac ifia fingecbeso nga nasongo imohaingoc bic mi wisickeude.

Yohane 19:11

Ifi deu Yesungo meremma yofi edeec, “Ge kuc imoc wihacnac mi genggena dede geanggaoc naric mi memanubang. Imocac yofi ande, ngic geac mariu fainudac, yeac kopocsicngo geac ferahede.”

Yohaneac kpefing 12:3

Nga faka mong ifingoc kurumennu fingeru henggec. Imoc sekactoa sacsac mong kuneng yombong. Ye oruha 7 nga baiha 10 nga ye oruhau ira 7 heiu tarec.

Yohaneac kpefing 13:10

Ngic mong megec witicamau faigecdeac degecdeu ye witicamau kembeso. Ngicngac wasai beangngo yunuhomegecdeac degecdeu imocngo yunuhomebisia. Anu ngicngac kpetiac yeni modzotitia kpac nga negen negensinggoc kecbisia.

Yohaneac kpefing 17:3

Nga angerongo Asuac kucfu menuu bangeckisiu dokuya kpacfu kenic. Kemma hemba ngac mong wasaiyang kpauc kpaucac witiu tarec. Nga wasaiyang ye oruha 7 nga baiha 10 amma sebia sasawa imoc desure kpacngo wake wakea.

Yohaneac kpefing 17:6

Nga ngac henai, yeng ngicngac kpetiac nga Yesuac dedekperagi yoac dema kecgec, yeneac sac nema ubasufu anec. Anu ni ye hemma homac kpidohoai.