Yohaneac kpefing 5:9 - Deduamiti

⁹ Anu yeni yegec mong gboria yofi heigec, “Geng kibi kpou kpouya mema kendokereha naric mekpacgenade. Imoc yofiac, ngic yeneng kpebucgugec geac sacngo ngicngacfocga bummeyununec. Ge ngicngac fakaga fakangina nga yoacga yoacna amma sebi siric hania hania nga bangeha bangeha sasawa yenearunac bummeyununec Anutuac areng amma kecdae.

Yoak kekehagocac Dzadzahac gboria nga Mitiyegec

⁹ Anu yeni yegec mong gboria yofi heigec, “Geng kibi kpou kpouya mema kendokereha naric mekpacgenade. Imoc yofiac, ngic yeneng kpebucgugec geac sacngo ngicngacfocga bummeyununec. Ge ngicngac fakaga fakangina nga yoacga yoacna amma sebi siric hania hania nga bangeha bangeha sasawa yenearunac bummeyununec Anutuac areng amma kecdae.

Yohaneac kpefing 5:9 Iomraidhean Croise

Mitiyegec 144:9

O Anutu, ni geac yegec gboria mong heibade. Ni gita witiha teng kpema imocngo udumeng gombunga meficgegembade.

Mitiyegec 149:1

Kebu eriendzong memini, hallelu Yac. Kebuac yegec gboria heimibesonga. Ngicngacfora yeac yoac modackecdae, ngeni kpekpeturangnginau yeac yegec gboria heimibisia.

Mitiyegec 33:3

Ngeni yeac yegec gboria heimibisia. Ngeni gita mengerema kpegec musi gombunga fingeru dendzerenggema yegec heibisia.

Mitiyegec 40:3

Ye yegec gboria enacnau faiu heianduae, imoc Anutuninaac dedengerecyegec. Ngicngac homacngo imoc hemma Kebu eweheihei ammima ye negenserima kecgecde.

Mitiyegec 96:1

Kebuac yegec gboria heimibesonga. Bangectoa bangec, ge Kebu yegec gboria heimibesena.

Mitiyegec 98:1

Kebungo faka kuhagoc nga bibiagoc meu yegec gboria heimibesonga. Ye marifoia nga fuaya kpetiac sinema ngabafora feracyunuma firang anec.

Danicel 3:4

dedekperagingic mongngo yofi dema kucgoc kpacma edeyunuec, “Ngicngac bangeha bangeha kecdae nga bangecareng sasawa amma yoacga yoacna sasawa ngeni dederecgeyoac yomoc negemma modacbisia.

Danicel 4:1

Anu Newukadnetsarngo kibi mong yofi ohoec, Ni ngictau Newukadnetsarngo kibi yomoc Ngicngac bangeha bangeha kecdae nga bangecareng sasawa amma yoacga yoacna bangectoa bangecfu kecdaemoc ngenearu faiduae. Ruae ngenearu yadiseri ambeso!

Danicel 5:19

Miu ngickunengkekec imocngo Ngicngac bangeha bangeha kecdae nga bangecareng sasawa amma yoacga yoacna sasawa yeni ayemmeu yeac kicfu dzonongngina fedeu kengectoanginagoc anggec. Ye ngic mong kpehomebeso negenec ye kpehomeec nga monggac negenu ngereeu ye naric kefude deec amma monggac negenu naric anu miarec nga monggac negenu naric mi anu memaec.

Danicel 6:25

Anu ngictau Dareyawesngo ngicngac bangeha bangeha kecdae nga bangecareng sasawa amma yoacga yoacna sasawa bangectoa bangecfu kecdacgecmoc yenearu yeac kibi yofi ohoma faigecdeac edeyunuec, “Ruaengina yadiseri ambeso!

Aposoro 20:28

Ngeni ngenang garengemema Anutuac kpebung gombunga garengyunudacbisia. Ye yengena sacngo bummengunuec nga Tiri Asungo kpebung yeneac enarafocngina kecgecdeac meisingngunuecac ngeni ramagareng isoc Kebuac kpebungfora yenenggareng ambisia.

1 Korinti 6:20

Ngeni bungngina memea nga Kebungo bung imocacsoc faiec, imocac ngeni sebinginango Anutu kpac kuneng mibisia.

1 Korinti 7:23

Kebungo bungngina bic meec, imocac ngeni ngic yeneac bageu wanacareng mi kecbisia.

Efeso 1:7

Yesu Kristoac danggunucac dzohong imoc wakema fedeac nenang yearu kpeketaheni ye sawango kirecgenunuu mangana meic meicke fingerec.

Efeso 5:19

Yegec mitikibiu fede nga Tiri Asungo yegec ngemmeude, ngeni imoc heima ubaemenegeng ambisia. Amma ngeni yegec heima musi kpema Kebu ubaherengo dengerebisia.

Kolosai 1:14

Medaha ye donina meu Anutungo kopocsicnina waec.

Kolosai 1:23

Ngic yeneng warac siduc gombung imoc dekperagigec ngeni nga wiac sasawa Anutungo deu fingecgec, ngenahafoc yoac imoc negenggec. Anu ngeni siduc gombunggac fora ihai tiserima namma mi wagecdeu ngeni yeac kicfu nambesandae. Nga Pauro neng yoac imocac kingangkpekpe kecbadeac Anutungo meficnuec.

Tito 2:14

Anu Yesu Kristongo singyoac kpekpe arennunac yungecnunuudeac yengenaoc ngabafora maringinau faiemeec. Nga nenang yengena ngicngac amma kpetiac kecma ua gombunga mamangkima menideac faka imoc anec.

Hebiraio 11:14

Anu ngicngac yoac siriha ifia deandae, yeni yenang bangecyombong meficgegecdeac hofoc hofoc ua mema kecma deficgedae.

2 Petoro 2:1

Warac ngicngac yeneac botucfu profete ikoha kecgec, ifi isocngoc kpoukpou ikoha ngeneac botucfu ifingoc kecgecde nga kecbesandae. Yeni dedesifuc yoac goa ikoha dema waic waic botucnginau mehama kekecngina memanganegecde. Nga Kuctoa minginango bic bummeyunuec, ye ifingoc busic kpema yenaoc ebic witinginau faigec, imocngo bic memanganeyunuude.

1 Yohane 1:7

Ye kperagiau kecde, ifi isoc nenang kperagiau kecnideu, ureckekec kecnide. Ifi kecmina medaha Yesuac sacngo kopocsicnina sasawa dzuacnemmekefude.

1 Yohane 2:2

Ye nenang kopocsicac amma yengena sacfusiango bunnina bic meec. Amma nenangsac kpac, ngicngac bangectoa bangec yomohai kecdae, yeneac momoc.

Yohaneac kpefing 10:11

yofi edenuec, “Ge ngicngac sebi siriha hania hania nga bangeha bangeha amma yoacna yoacga nga ngictau homac yeneac profeteyoac monggoc debesena.”

Yohaneac kpefing 11:9

Nga uameme harebec nga nobohaac manau ngicngac sebi siriha hania hania nga fakaga fakangina amma yoacga yoacna nga bangeha bangeha ngicngac yeneng farengngira hemma tonggogecdeac kpetariyemmegecde.

Yohaneac kpefing 13:7

Ayemmeu yeng ngicngac kpetiac yenearu dzikac kpema firang anudeac migec. Migec yeng ngicngac fakaga fakangina nga sebi siric hania hania amma yoacna yoacga nga bangeha bangeha garengyunuudeac uayoac nga kuc migec.

Yohaneac kpefing 13:8

Ifi migec ngicngac sasawa bangecfu kecdae, yeneng wasaipusi numumigecde amma ramamedaha kpebucgegec, yeac kekecac kibiu ngicngac kpacngina bangec meficmeficgeaunac mi fede, yeneng wasaipusi numumigecde.

Yohaneac kpefing 14:6

Ni angero mong henai, ye sawakebangau herecge kenec. Kemma siduc gombung feengkefude nga feengkecbesande, imoc yeng ngicngac bangecfu kecdae, yeni edeyunuudeac metarec. Metacma bangeha bangeha ngicngac nga fakaga fakangina amma yoacga yoacna nga sebi siric hania hania, yeni

Yohaneac kpefing 15:3

Menamma yeni Anutuac wanacngiha Mose nga ramamedaha, yereac yegec yofi dema heigec, “Kebu Anutu Kuctoa mingina, angammemega imoc engena nga bibiagoc nga ge bangeha bangeha yeneac ngictau. Geac sing imoc dindingac nga fora.

Yohaneac kpefing 17:15

Anu angerongo yofi edenuec, “Singtoangacngo doku homac yeneac witinginau tacde, imoc yeni habu toa, sebi siric hania hania nga yoacga yoacna amma bangeha bangeha imoc yeneac ngicngac.

Yohaneac kpefing 4:11

“Ge Kebu nga Anutunina. Geng wiac sasawa dena fingecdarec. Ifi arenggema meficgedacnecac geng kibikperagi nga eweheihei amma kuc sasawa medacna ngereeyombonggede.”

Yohaneac kpefing 5:12

Yeni ubaudumengtoanginagoc yofi degec, “Ramamedaha kpebuc kpebucgea, ye kpac kuneng nga finactoa amma negen negentegec nga kuc nga eweheihei nga kibikperagi amma kenec mibesonga ngereede.”

Yohaneac kpefing 5:6

Ifi deu yofi henai. Ngictau tatac nga wiac kekecnginagoc 4 amma ngicenara 24 yeneac botucfu ramamedaha mong nanec nga ye kpehomemea isoc anec. Ramamedaha imoc ye baiha 7 nga kiwa 7. Kiwa imoc Anutuac Asu 7 nga imoc yeni bangectoa bangecfu sueyunuyunuya.