Yohaneac kpefing 5:12 - Deduamiti

¹² Yeni ubaudumengtoanginagoc yofi degec, “Ramamedaha kpebuc kpebucgea, ye kpac kuneng nga finactoa amma negen negentegec nga kuc nga eweheihei nga kibikperagi amma kenec mibesonga ngereede.”

Yoak kekehagocac Dzadzahac gboria nga Mitiyegec

¹² Yeni ubaudumengtoanginagoc yofi degec, “Ramamedaha kpebuc kpebucgea, ye kpac kuneng nga finactoa amma negen negentegec nga kuc nga eweheihei nga kibikperagi amma kenec mibesonga ngereede.”

Yohaneac kpefing 5:12 Iomraidhean Croise

Dzekarya 13:7

Kurumenggac wasaiareng habuya habuya yeneac Kebungo yofi dede, “Wasaibeang ge yacma ramagareng neac hoannu nande, ye ngaba ammima kpena. Kpena rama yeni ticpactohoma worabesandae. Woramagec ni ramamedacfora marinango mefacyunuma ngadeyunubesandua.”

Mataio 28:18

Nga Yesungo kicnginau hama yofi edeyunuec, “Negenggec, bangec nga kurumenggac kuc sasawa ni bic nendac nendara.

Yohane 1:29

Wereckengau Yohanengo namma henu Yesungo yearu hau ngicngac yofi edeyunuec, “Henggec, imoc Anutuac ramamedaha, yeng bangectoa bangec imocac ngicngac sasawa yeneac kopocsic meickeude.”

Yohane 17:2

Geng bangecngicngac sasawa yeac kuc bageau faiyununec. Nga yeac areng denec yeng kekecseri yemmeudeac yeni yeac bageau kecgecdeac uayoac nga kuc ye minec.

2 Korinti 8:9

Ngeni Kebunina Yesu Kristoac wosoefac negendae. Ye kurumennu finactoayagoc kecma ngeneac amma finaha wadacma makpekpea amma kefec. Yeng makpekpea anecac ngeni kurumenggac finactoanginagoc anggec.

1 Timoteo 1:17

Ngictau wisic wisickea nga home homea kpac nga mi hengena ye mocgungo Anutu kecde. Ye eweheimima yeac dedengerec nga dedengerec fekengkecbeso, imoc fora.

Yohaneac kpefing 1:6

Mesinunuma eucererenggac habu menunuma yegoc arennunuu nenang yeac Anutu nga Mamaac kurumenggac womonggareng amma kecnide, imocac ifi anec. Yearu kibikperagi nga kuc imoc wisic wisickea kpac fekengkecbeso, imoc fora.

Yohaneac kpefing 13:8

Ifi migec ngicngac sasawa bangecfu kecdae, yeneng wasaipusi numumigecde amma ramamedaha kpebucgegec, yeac kekecac kibiu ngicngac kpacngina bangec meficmeficgeaunac mi fede, yeneng wasaipusi numumigecde.

Yohaneac kpefing 15:3

Menamma yeni Anutuac wanacngiha Mose nga ramamedaha, yereac yegec yofi dema heigec, “Kebu Anutu Kuctoa mingina, angammemega imoc engena nga bibiagoc nga ge bangeha bangeha yeneac ngictau. Geac sing imoc dindingac nga fora.

Yohaneac kpefing 19:1

Imocac ngadeau kurumennu areng kuneng yombong ubaudumeng isoc negemba yofi degec, “Halleluya, memengerec nga kuc kibikperagiagoc, imocngo Anutuninaac ande.

Yohaneac kpefing 4:11

“Ge Kebu nga Anutunina. Geng wiac sasawa dena fingecdarec. Ifi arenggema meficgedacnecac geng kibikperagi nga eweheihei amma kuc sasawa medacna ngereeyombonggede.”

Yohaneac kpefing 5:13

Nga wiac sasawa Anutungo deu fingecdarec kurumennu nga bangecfu amma bangec bageau nga kondunnu, yeneac manau wiac sasawa kecdae, yeneng yoac yofi degec negennai, “Ngictau tatacfu tacde nga ramamedaha, yerearu kenec nga eweheihei amma kibikperagi nga kuc wisic wisickea kpac fekengkecbeso.”

Yohaneac kpefing 5:6

Ifi deu yofi henai. Ngictau tatac nga wiac kekecnginagoc 4 amma ngicenara 24 yeneac botucfu ramamedaha mong nanec nga ye kpehomemea isoc anec. Ramamedaha imoc ye baiha 7 nga kiwa 7. Kiwa imoc Anutuac Asu 7 nga imoc yeni bangectoa bangecfu sueyunuyunuya.

Yohaneac kpefing 5:8

Kibi imoc memanu kekecnginagoc 4 nga ngicenara 24 yeneng yeac kicfu makpegec. Yeni sasawa tembuc tembuc gita kurerenganoc nga sokoc golngo memea metacgec. Sokoc imohacnac hosuc homuna gombunga ereec. Wiac hosuhagoc sokocfu feec, imoc ngicngac kpetiac yeneac nunumungina, imocngo sokocnginau wake wakea feec.

Yohaneac kpefing 5:9

Anu yeni yegec mong gboria yofi heigec, “Geng kibi kpou kpouya mema kendokereha naric mekpacgenade. Imoc yofiac, ngic yeneng kpebucgugec geac sacngo ngicngacfocga bummeyununec. Ge ngicngac fakaga fakangina nga yoacga yoacna amma sebi siric hania hania nga bangeha bangeha sasawa yenearunac bummeyununec Anutuac areng amma kecdae.

Yohaneac kpefing 6:1

Ni imoc hembare ramamedahango kendokereha 7 ongayagoc warac warac kibi mendac mendanggeau tarec, imoc mekpacgeec. Nga wiac kekecnginagoc 4 yenearunac mongngo ubaudumenga parandanggac udumeng isocngo kpacma yofi deu negennai, “Ge hana!”

Yohaneac kpefing 7:12

Afehema yofi degec, “Fora, kenec nga kibikperagi, negen negentegec nga ubangerec, eweheihei nga kpac kuneng nga kuc imoc Anutunina ammini nasoya nasoya feengkecbeso, imoc foranoc.”