Yohaneac kpefing 5:10 - Deduamiti

¹⁰ Bummeyunuma Anutuac eucererennu arengyununa yeni womong imocac gareng anggecdeac areng, imoc menec. Mena yeni bangeha bangeha yeneac gareng ambesandae.”

Yoak kekehagocac Dzadzahac gboria nga Mitiyegec

¹⁰ Bummeyunuma Anutuac eucererennu arengyununa yeni womong imocac gareng anggecdeac areng, imoc menec. Mena yeni bangeha bangeha yeneac gareng anggecde.”

Yohaneac kpefing 5:10 Iomraidhean Croise

Makekeng 19:6

Ngeni womonggareng eucererenna amma ngicngacareng kpetiac amma kecnembisia.’ Ge yoac imocnoc Isracelngicngac edeyunubesena.”

Danicel 7:18

Anu eucerereng imoc Engenatoaac kpetiacareng yeni yemmegec megecde. Mema eucerereng imoc tigec enu wisic wisickea kpac nasoya nasoya mekecbesandae.”

Danicel 7:27

Anu eucerereng nga ngictau kecgecdeac kuc nga ngickuneng amma garengyunugecdeac kuc imoc Engenatoaac kpetiac ngicngac yeni yemmegec yeneng kurumenggac bageu eucerereng sasawa garengyunuma kecgecde. Yeac eucerereng imoc feengkecbesande. Ifi feu ngictau bangec kucnginagoc sasawa yeni ye eweheimima yoara tofohobesandae.”

Yohaneac kpefing 1:6

Mesinunuma eucererenggac habu menunuma yegoc arennunuu nenang yeac Anutu nga Mamaac kurumenggac womonggareng amma kecnide, imocac ifi anec. Yearu kibikperagi nga kuc imoc wisic wisickea kpac fekengkecbeso, imoc fora.

Yohaneac kpefing 20:4

Anu ni ngictau tatac homac henai. Ngictau tatac imocac witiau tacgec, yeni ngicngac yoacfu faiyunugecdeac uayoac yemmeyemmea. Amma wasaipusi nga ongea mi numumima kibia mesunginau me maringinau mi megec yeneng Yesuac dedekperagi amma Anutuac yoac dekperagigec. Imocac amma ngic yeneng ubangina herecgegec, yeneac ubaongangina henai. Hemba yeni sasawango kifa 1 tausenggacsoc Kristogoc kecma ngicngac garengyunugecdeac ua megec.

Yohaneac kpefing 20:6

Nga Kebungo ngicngac warac warac yacyac imohai metorokpe ayemmeude, yeni kpetiac nga kenecnginagoc. Nga homec kpetea yohockangngo yeni garengyunuudeac kuc mong mi metaru yeni Anutu nga Kristoac womonggareng kecma kifa 1 tauseng yegoc ngicngac garengyunugecde.

Yohaneac kpefing 22:5

Imohai tofocnac monggoc mi anude nga kifa me wenacac kperagi imoc yeni uangina kpac, nocac Kebu Anutungo mekperagiyunubesande. Nga ngicngac yeni ngictau ua megec nga mekecgec imocac nasoya wisic wisickea kpac.

Yohaneac kpefing 3:21

‘Ngic firang ande, ni emba Mannagoc yeac tatacfu tacandipe, ifi isoc firang andemoc neng ngictau tatacfu tatacna miba nerahafoc tacbesandipe.